Tímabilið er byrjað en það er enn langt á milli leikja. Fyrsta umferð í meistaradeildinni er eftir mánuð, 18. og 19. september, deildarbikarinn byrjar vikuna á eftir og að auki er landsleikjahlé inn á milli.
Strákarnir hafa því fengið viku hvíld frá síðasta leik og vonandi verður Romelu Lukaku búinn að nýta sér það og verður í byrjunarliði á morgun. Samkvæmt José Mourinho eru samt Ashley Young og Jesse Lingard ekki enn komnir í næga æfingu til að fá að vera með á morgun. Svo nefndi hann Nemanja Matić sem byrjaði að æfa aftur á fimmtudag, eftir meiðsli.
Það má því búast við svipuðu liði gegn Brighton og var gegn Leicester. Í djöflavarpi vikunnar vorum við nokkuð smmála um að Lukaku kæmi inn, ég ólíkt hinum bjóst við Lingard fyrir Mata og Young fyrir Darmian en það er þá ljóst að af því verður ekki.
Fred og Andreas spila aftur saman og geta haldið upp á það að hafa báðir verið valdir í brasilíska landsliðshópinn sem kemur saman í næsta landsleikjahléi.
Fréttir vikunnar hafa að mestu snúist um meint ósætti Paul Pogba og Mourinho. Á fréttamannafundinum í gær sagði Mourinho
„When he says he did it for the fans and for the team is exactly what I want, is exactly what I demand from my players, he’s working well, he’s playing well, he does it for the fans, he does it for the team and that’s what I want, I want him to play for the team, which he is doing, and I couldn’t be happier than what I am“
„I repeat: I want him to play well, I want him to play for that team, the fans, and that is what it is. He’s working extremely well here but I have to say in his defence, write what you want about him, write what you want about me, please don’t say lies. Please don’t put him in a situation where people can think he’s not a polite, educated guy, which he is. He’s very polite, he’s very educated. He never had a fight with me. We never had a heated or exchange of words, everything is respected, I have no problems at all.“
Það má alveg túlka þetta á ýmsan máta, að það séu enn einhver ólystmál í gangi sem Mourinho vill ekki bera á borð, eða að Woodward hafi neytt hann til að tala fallaega um Pogba eða ýmislegt annað, en eftir stendur að Mourinho er enn framkvæmdastjóri og Pogba enn besti leikmaður United svo þeir skulu bara gjöra svo vel og vinna vinnuna sína. Pogba var flottur gegn Leicester og þarf að spila vel gegn Brighton.
Brighton
Brighton átti alveg þokkalegan glugga, styrktu sig í ýmsum stöðum án þess að missa menn.
Stærstu kaupin var íranski landsliðsmaðurinn Alireza Jahanbakhsh frá AZ Alkmaar fyrir 17 milljónir og það eru þónokkrar væntingar til þessa hægri kants. Það hefur þó sýnt sig æ meira upp á síðkastið að skrefið úr hollensku deildinni er ansi stórt. Tveir bakverðir komu inn, Bernardo frá Leipzig og Martin Montoya frá Valencia. Fyrirliði liðsins, Bruno, meiddist í tapinu gegn Watford og verður ekki í miðju varnarinnar og verður það skarð fyrir skildi. Jahanbaksh kom inná gegn Watford og ekki ljóst hvort hann byrjar á morgun.
Watford átti sigurinn fullkomlega skilið og voru betri en Brighton á allan hátt og við hljótum því að heimta sigur á morgun. Það myndi vera smá hefnd fyrir hroðalega lélegt tap fyrir þeim á Old Trafford í maí.
Halldór Marteins says
Háværir orðrómar um að Alexis Sánchez hafi ekki ferðast með liðinu til Brighton. Verður mjög áhugavert að sjá liðið ef Sílemaðurinn verður ekki með, hvort Martial fái þá tækifæri í byrjunarliðinu eða hvort Rashford fái þá kantinn. Nema það verði hreinlega farið í eitthvað annað upplegg, 3-5-2 eða eitthvað.
kjartan n says
Glory glory manchester united