United var stillt upp eins og móti Burnley, Fellaini aftastur á miðjunni.
Varamenn: Grant, Bailly, Darmian, Fred, Mata, McTominay, Martial
Lið Watford
Fyrsta kortérið í leiknum einkenndist af þreifingum og stöku langskoti, hvorugt lið áberandi betra en markverðirnir fengu að grípa inn í af og til. Troy Deeney gaf De Gea tækifæri til að sýna snilldarmarkvörslu á 16. mínútu, skot úr teignum sem Dave tók vel.
Alexis kom boltanum í netið skömmu síðar en var rangstæður og svo var komið að Ben Foster að verja snilldarlega frá Alexis. Sóknir United voru þannig að þyjgast og markið kom loksins á 34. mínútu. Young gaf inn á teiginn, boltinn breytti aðeins um stefnu af varnarmanni, Foster náði ekki til boltans og Lukaku setti sixpakkinn í boltann og stýrði honum þannig inn. Rétt á eftir varði Foster enn á ný, í þetta sinn þrumufleyg frá Pogba. En hann átti ekki möguleika tveim mínútum síðar. United fékk horn, boltinn fór út í teiginn fjær þar sem Fellaini skallaði að marki og Chris Smalling tók boltann á kassann, sneri og hamraði í netið yfir höfuð Foster. Glæsilegt framherjamark hjá Smalling.
United pressaði stíft síðustu mínútur hálfleiksins og Pogba hefði getað skorað en skot hans fór beint á Foster. 2-0 ðrugg forysta í hálfleik var raunin.
Watford komu síðan sterkari út úr klefanum og voru meira með boltan og náðu að minnka muninn á 65. mínútu. Sóknin kom upp vinstri kantinn og síðan kom boltinn fyrir á Andre Grey sem var algerlega á áuðum sjó í miðjum teignum og hamraði boltann í netið. Vel gert hjá Watford en ekki nógu vel gert hjá vörn United. Þetta er eins og við höfum svo oft séð að United nær ekki að halda dampi, gefur of mikið eftir og er refsað.
Martial kom inná fyrir Lingard á 71. mínútu.. Martial kom með aðeins meira bit í sóknarleikinn á hægri kantinum og vörn Watford þurfti að taka vel á því, tæklingar á Lingard og Martial í teignum björguðu þeim í góðum færum United. Næsta skipting var McTominay fyrir Alexis og fór þá Martial á vinstri kantinn, átti eina rispu þar en lítið meira.
Eric Bailly kom inn í viðbótartíma fyrir Valencia og áður en leiktíminn rann út tókst Nemanja Matic að næla sér í sitt annað gula spjald og þar með rautt fyrir slæma tæklingu. De Gea þurfti enn einu sinni að verja undir lokin en United hélt út.
Það var góður leikur United síðasta kortérið í fyrri hálfleik sem skóp þennan sigur. Watford var annars mjög gott í leiknum og hefði tekið stig nema fyrir besta markmann í heimi.
Chris Smalling var sterkur í vörninni, og sókninni, Fellaini var öflugur á miðjunni en aðrir í liðinu voru í meðalmennskunni. Liðið þarf að spila betur en þetta en það virtis þreyta í mannskapnum, nokkuð sem er erfitt að sjá nú þegar leikirnir fara að koma þétt.
toggi says
hvað er málið með Pereira vær hann ekki fleiri leiki því hann átti einn slæman leik þetta er það sem ég hata mest við Móra sumir meiga spila illa leik eftir leik og sumir eru bara búnir eftir einn slæman leik
Bjarni says
Auðvelt að láta pirra sig á spilamennskunni. Engin hreyfing án bolta, dansandi Valencia, vörnin alls ekki sannfærandi, sendingar þó með ágætum. Mér finnst alltaf eins og menn séu að spara sig.
Auðunn says
Um leið og andstæðingurinn vill spila meiri fótbolta í stað háloftabolta eins og Burnley þá lýtur Fellaini mjög ílla út .
En 0-1. Allt að gerast 😀
Bjarni says
Tankurinn búinn hjá sumum. Vonandi höldum við þetta út.
Turninn Pallister says
Heilt yfir fannst mér við vera mjög góðir í fyrrihálfleik. Liðið spilaði á köflum mjög skemmtilega og Watford átti ekki mörg svör. Lingard, Lukaku og Sanchez voru mjög ógnandi og náðu oft skemmtilega saman. Þá stjórnaði Pogba liðinu og átti nokkrar frábærar stungur og skiptingar í leiknum sem opnuðu annars frábæra vörn Watford í leiknum. Smalling átti einn af þessum dögum, þar sem að hann var frábær. Vildi óska þess að hann byggi yfir stöðugleika því að sá Mike sem ég sá í dag er einn af betri varnamönnum deildarinnar.
Seinni hálfleikur olli vonbrigðum. Ekki vegna þess að uppleggið hjá Mourinho hafi endilega verið vitlaust. (Það að þétta liðið aftur og beita skyndisóknum þegar þú ert yfir 0-2 er alveg þekkt og getur alveg skilað árangri). Hins vegar voru það ákvarðanatökur leikmanna þegar þeir voru að komast í góðar stöður mjög skrítnar og oft kæruleysislegar. Hefðum við nýtt eitthvað af þessum tækifærum þá hefðum við steindrepið þennan leik.
Gott samt að ná í þessi stig, vonandi getum við svo byggt á spilamennskunni í fyrri hálfleik í næstu leikjum.
GG
Halldór Marteins says
Hahahahahahaha, svo fyndið alltaf hvað Auðunn teygir sig langt í Fellaini-hatri sínu. Fellaini var flottur í þessum leik.
Karl Garðars says
Það sama og Turninn sagði.
Maður er helsáttur með 3 útivallarpunkta á móti liði sem var á flottu rönni.
Okkar menn örlítið sjeikí í seinni hálfleik en þetta lið á heilan helling inni.
Martial kom ágætlega inn á hægri.
De Gea átti flottar markvörslur en það gerist óumflýjanlega þegar vörnin er óörugg og besti markvörður heims stendur í hliðinu.