Eftir enn einn leikinn sem United skorar einungis 1 mark er komið að annarri umferð riðlakeppnir Evrópudeildarinnar. Mótherjinn að þessi sinni er hollenska liðið AZ Alkmaar þar sem Albert Guðmundsson er meðal leikmanna. AZ hefur byrjað nokkuð vel í Eredivisie en liðið situr í 3. sæti deildarinnar bara einu stigi á eftir toppliðum Ajax og PSV þegar 8 umferðum er lokið.
Kantmaðurinn Albert Guðmundsson hefur leikið 4 leiki sem af er en á enn er ekki enn búinn að skora eða eiga stoðsendingar. Þess má til gamans geta að Louis van Gaal gerði AZ að meisturum tímabilið 2008-2009 og þá var Grétar Rafn Steinsson lykilmaður í liði þeirra.
Eins og áður kom fram hefur United ekki tekist að skora fleiri en 1 mark frá því að liðið vann Chelsea 4:0 á Old Trafford. Liðið hefur reyndar ekki verið að fá á sig mörg færi hinsvegar en samt nóg til að gera nokkur 1:1 jafntefli. Í fyrsta leik riðilsins mætti Astana í heimsókn á Old Trafford og niðurstaðan var 1:0 sigur sem hefði átt að vera mikið stærri en þetta er United og menn vilja helst ekki skora fleiri mörk í leik.
Það hjálpar okkar liði ekki að meiðslalistinn er ansi hressilegur fyrir þennan en leik. Á þeim fræga lista eru Paul Pogba, Anthony Martial, Aaron Wan-Bissaka, Tim Fosu-Mensah, Luke Shaw, Ashley Young, Phil Jones og Eric Bailly. Diogo Dalot er tæpur fyrir leikinn en svo virðist að hann verði í hóp. Jákvæðar fréttir eru þær að Tahith Chong og James Garner eru hópnum ásamt Angel Gomes og fyrrnefndum Dalot.
Líklegt byrjunarlið? Mögulega ekki en gaman væri að sjá liðið svona:
MSD says
„Eins og áður kom fram hefur United ekki tekist að skora fleiri en 1 mark frá því að liðið vann Chelsea 2:0 á Old Trafford.“ – Sá leikur fór reyndar 4-0.
Langar að sjá Garner á miðjunni og gefa McTominay hvíld fyrir Newcastle leikinn. Líst að öðru leyti ágætlega á byrjunarliðið. Spurning hvort Rojo fái spilatíma og Lindelöf eða Maguire fái hvíldina.