Varamenn: Henderson, Alex Telles (79′), Jones, Lindelöf, Wan-Bissaka, Lingard, Mata, Pogba (73′) , Rashford (79′)
Brighton
Brighton byrjaði frísklega, náði skoti á De Gea fljótlega en skömmu síðar kom skemmtilegt færi United, Ronaldo lék upp og gaf á Sancho sem var þá kominn móti Sánchez og markvörðurinn varði vel, sóknin hélt áfram með fyrirgjöf Sancho en bjargað í horn.
Brighton voru nokkuð betri á miðjunni, tókst ágætlega að halda boltanum og pressa á United þegar þeir voru með boltann. United gerði sig þó líklegri til að skapa færi þó að raunveruleg slik væru ekki að sjást.
Þetta gekk vona langt fram eftir hálfleik þangað til að loksins kom færi og það var David de Gea sem bjargaði United. Fyrirgjöfin kom inn á teig United og Jakub Moder fékk frían skalla í bilinu milli Lindelöf og Shaw en de Gea varði.
United hóf svo seinni hálfleik á að skora á 51. mínútu. Fyrstu fimm voru smá streð en svo fór McTominay í Bissouma og vann boltann sem fór til Ronaldo, hann lék upp að teig og tók skotið, inn rétt úti við stöng.
Fyrsta mark Ronaldo á árinu!
Innan við tveimur mínútum siðar potaði Elanga boltanum af tánum á Lewis Dunk og var næstum kominn inn fyrir. Dunk tók hann niður og dómarinn dæmdi aukaspyrnu og gult, VAR greip inn í dómarinn fór á skjáinn og Dunk fékk rautt. Ronaldo dúndraði að sjálfsögðu í vegginn úr aukaspyrnunni.
United tók nú völdin og sótti stíft. Ronaldo fékk fínt skallafæri þegar Fernandes vippaði inn á markteig en Sánchez varði vel.
Bruno Fernandes átti að skora á 72. mínútur þegar Sánchez gerði skelfileg mistök, sendi boltann beint á Ronaldo við teiginn, Ronaldo óeigingjarn gaf þvert á Fernandes sem var alveg ótruflaður en skaut beint á Sánchez. Hrikalega slakt hjá Bruno.
Enn og aftur fékk svo Ronaldo skallafæri á markteig eftir sendingu frá Bruno, en skallinn fór framhjá.
En 1-0 forysta er aldrei örugg og United var stálheppið að Jakub Moder skaut í slána með tilraun af löngu færi.
Áfram hélt United að sækja. Alls kyns skot og hálffæri létu sjá sig en ekkert fór inn og fátt sem í raun ógnaði marki Brighton. Eftir leiki undanfarið þar sem United hefur varla haldið boltann var núna möguleiki hjá United að vinna sannfærandi en þrátt fyrir mikla yfirburði úti á vellinum manni fleiri var lítið em hafðist upp úr því við markið.
Brighton sótti svo stíft í sex mínútna uppbótartíma þangað til á síðustu sekúndunni að Bruno vann boltann á miðjum vallarhelmingi United, dæmd var hendi á Brighton manninn sem datt þegar Bruno kom á hann. Pogba tók snögga aukaspyrnu og sendi Bruno einan af stað upp kantinn. Þá voru þeir Ronaldo allt í einu tveir á einn, Bruno fór óáreittur inn í teiginn því Veltmann var að hugsa um Ronaldo. Bruno tók svo gabbhreyfingu sem fíflaði bæði Veltmann og Sánchez og gat skorað auðveldlega.
Þetta hafðist því og United kemst upp í fjórða sætið. Það virðist vera keppni um að komast hjá því að lenda í því sæti, liðin þarna í kring eru að klúðra hægri vinstri.
zorro says
Flott að taka Pobga útaf þegar hann er búinn að eiga góðann leikk…….shitttttttt hvað er mikið að þarna i rauða manchester..nú botna ég ekki hvernig fótbolti virkar….eru þið sammála
zorro says
gleymdi einu spái 1 marki i þessum leik…hehehe
Arni says
Sem betur fer er real madrid og psg á sama tíma
Dór says
Brighton eru svo miklu betri en við
Snorkur says
Ekki það besta .. en samt góður sigur. Fannst okkar ekki vera nógu ákafir , sem hefur verið það jákvæða í seinustu leikjum .. en tökum sigur :)
Scaltastic says
Þvílíkur léttir að þetta hafðist, það er núll sjálfstraust í liðinu.
Bruno og Ronny voru jöfnunarmarki frá því að geðheilsa mín væri farin…
Egill says
Við áttum að vera búnir að klára þetta fyrir löngu síðan. Merkilegt hvað færanýtingin okkar er léleg þessa dagana.
Ég var svo skíthræddur um að Maguire hefpi klúðrað þessu eina ferðina enn þwgar hann þorði ekki að skýla boltanum fyrir Welbeck af öllum mönnum, en sem betur fer hafðist þetta. Baráttan í Bruno er rosaleg!!! Eftir að hafa verið á fullu í 90 min þaut hann af stað á 96 min og kláraði leikinn, rosaleg lungu í þessum gæja.
Annars átti Rashford enn eina hörmunina í kvöld. Átti hann einhverja heppnaða sendingu? Ég er kominn með nóg af honum, við höfum ekkert að gera með mann sem virðist ekki einu sinni hafa áhuga á fótbolta lengur.
Pogba var geggjaður og stjórnaði miðjunni eins og herforingi, Fred gat ekki neitt, Sancho flottur en Shaw er má fara.