Ralf hafði jafn litla trú á hópnum og við og stillti upp fimm manna vörn
Varamenn: Henderson, Telles, Bailly, Lingard (10′), Mata, McTominay, Garnacho, Hannibal(84′), Sancho (45′)
Liverpool stillti svona upp
Það tók innan við fimm mínútur fyrir Liverpool að komast yfir. United vörnin var flöt rétt innan við miðju og þetta var ekki einu sinni gagnsókn, bara hröð sókn upp á vinstri kanti United, Dalot varð aleinn eftir og Diaz var kominn langt framúr miðvörðunum öllum og átti auðvelt með að skora úr fyrirgjöfinni. Skelfilega skelfileg varnarvinna.
United þurfti svo að nota fyrstu skiptinguna strax á 10. mínútu, Pogba meiddist og Lingard kom inn á. United sá síðan ekki boltann löngum stundum og næsta mark kom á 22. mínútu. Liverpool tók einnar snertingar syrpu utan við teig, endaði á fínni sendingu Mané inn á Salah, Dalot var auðvitað vitlausu meginn við hann og Salah skoraði auðveldlega. Tvö núll.
Unitéd fékk hornspyrnu á 33. mínútu.
Skömmu seinna sólaði Fabinho sig gegnum vörnina, gaf inná Diaz sem var rangstæður, þannig það slapp. Liverpool var síðan með boltann á vallarhelmingi United nær stöðugt en United náði að halda út, 2-0 í hálfleik.
Jadon Sancho kom inná í hálfleik fyrir Phil Jones.
United var ég segi ekki allt annað lið, en miklu skárra í seinni hálfleik, hélt boltanum og sótti á og meira segja áttu Rashford eða Sancho að skora, Rashford komst innfyrir réttstæður og lét Alisson verja og Alisson tók svo skotið frá Sancho úr frákastinu, vissulega góðar vörslur en þeir áttu að gera betur.
En það var auðvitað Liverpool sem skoraði, einföld sókn á 67. mínútu þegar Lindelöf átti slaka sendingu sem Robertson hirti, kom upp kantinn og gaf á Mané sem var einn í teignum Maguire alveg búinn að týna honum og það var einfalt skot í hornið.
Leikurinn var ansi rólegur eftir þetta, Liverpool þurfti lítið að gera og tilraunir United voru máttlausar, en auðvitað bætti Liverpool við, enn einu sinni sóttu þeir hratt á, sending inn á Salah, Wan-Bissaka alltof seinn og Salah vippaði yfir De Gea. Fjögur núll á 85. mínútu.
Frétt fyrir markið hafði Hannibal komið inná fyrir Elanga en hann fékki fá tækifæri til að sýna hvað i honum býr, en fékk þó tiltal fyrir að brjóta smá á Keita, það var meiri barátta en flestir aðrir leikmenn sýndu í kvöld.
Salah var næstum búinn að bæta við því fimmta rétt fyrir leikslok, en í það skiptið náði Wan-Bissaka að vera nógu leggjalangur og pota í horn.
Þetta var tapið sem flest allir stuðningsmenn United bjuggust við. Þessi hópur er laus við baráttu, ákefð, og að stórum hluta getu. Það má eflaust benda á að Ralf Rangnick er ekki reyndasti stjóri sem til er og kannske er eitthvað að á æfingasvæðinu. En eins og einhver benti á, ætli leikmennirnir sem ætla að vera áfram hjá United næsta vetur haldi að tilvonandi þjálfari sjái þá ekki og dæmi fyrirfram? Og hvernig ætla leikmennirnir sem eru að fara á frjálsri að fá góða samninga.
Það er eitt að vera latur í vinnu sem þér leiðist í og ert kannske með lélegan yfirmann, það er á einhverju allt öðru leveli að gera það í beinni útsendingu!
Robbi Mich says
Úff. Þetta verður erfiður leikur. Koma svo!
Rúnar P says
Ég get bara copy/past mitt síðasta comment.. Why Harry, why..?
Snjómaðurinn ógurlegi says
ÞessI vörn! HAHAHAHAHA
Arni says
Ekki einu sinni burnley stitlir upp svona varnarsinuðu liði á móti liverpool
Snjómaðurinn ógurlegi says
Varnarsinnuðu? Finnst þér lið með Maguire og Jones vera varnarsinnað? Meira svona eins og gjafabref fyrir sóknarlínu Liverpool.
Snjómaðurinn Ógurlegi says
Net spend frá 2015.
Liverpool 115 mills
United 603 mills
Horfið svo á hópinn. Dàsamlegt!
Tryx says
Jones, Bissaka, Dalot og Matic. Að vinna Liverpool?
Jesús. 85 % má fara í ruslið
Turninn Pallister says
Sést bara á uppstillingunni að hvorki þjálfarinn né leikmenn hafa haft nokkra trú á því að hægt væri að ná stigi út úr þessum leik öðruvísi en að leggja rútunni. Skil ekki afhverju þessum ungu strákum var bara ekki leyft að byrja þennan leik. Hefðum örugglega fengið meira hungur frá þeim heldur en frá Jones, Matic og Pogba.
Hver sem nýr þjálfari verður, þá er verkefnið framundan svakalegt og það verður ekki gert með einhverju quick fixi. Það þarf nánast að sópa öllu þessu liði af teikniborðinu og byrja upp á nýtt. Við megum alveg búast við meira af þessu á næstu 2-3 tímabilum þar til árangur fer að sjást.
Dór says
Þetta united lið þarf að fara niður um deild til að við förum sjá einhverjar framfarir hjá þessu liði
MSD says
Ætli Ten Hag hafi verið að horfa? Held að hann muni losa sig við ansi marga.
Það vantar alla löngun og ákefð í þennan hóp ef hóp skyldi kalla. Bara milljónamæringar sem hittast þarna og nenna ekki að leggja sig fram.
Það má spila Hannibal fremur en Matic, Lingard eða Pogba. Þeir eiga enga framtíð hjá United hvort sem er. Bara gefa þessum ungu strákum sénsa það sem eftir lifir leiktíðar, þetta versnar varla.
Dór says
Við áttum frekar að selja bruno en að gefa honum 250 þús á viku hann hefur ekki getað rassgat í mjög langan tíma
birgir says
munur á því að vinna eftir ígrunduðu plani og því að taka ákvarðarnir eftir hvernig vindurinn blæs.
Ha er Ronaldo laus?, okey tökum hann.
Paul Pogba var boðinn samningur upp á 500k á viku. Hann sagði nei.
Salah vill ólmur semja og er sagður hafa lækkað sig niður fyrir 400k og ekki er enn ljóst hvort eigendur LFC gefi sig.
Scaltastic says
Ég upplifði umtalsvert minni hræðslu og meiri yfirvegun og sjálfsöryggi hjá fólki í kringum í suðurlandsskjálftanum árið 2000 heldur en hjá okkar margblessaða liði í fyrri hálfleik.
Ekki að þetta hafi komið mér í opna skjöldu, en það var ansi sorglegt að sjá þetta með berum augum. Stuðningsmenn geta borið höfuðið hátt, hann vantaði ekki þrátt fyrir að allir vissu innst inni að rasskellur nr.2 væri yfirvoðandi.
Vonandi hefur þetta áratugsþrot ástand eitthvern tilgang. Það er bara að þrauka 5 ár í viðbót max, vonandi.
Hallmar says
Besti leikmaður okkar í þessum leik það var hann Hannibal og hann var inná vellinum í sirkka 10 min
birgir says
Furðulegar ummæli BF sem voru í þá átt að Man Utd hafði ekkert að spila fyrir í leiknum.
Halló,
Arsenal og Spurs opnuðu möguleikann á meistaradeildarsæti upp á gátt um síðustu helgi.
Svo er það alveg sama hvernig þessum liðum hefur gengið í deildinni í gegn um tíðina,, þessir leikir hafa alltaf verið hörku bardagar, jafnvel þó Liverpool hafi á tímabili verið um miðja deild og ekki haft að neinu að keppa þá mættu þeir alltaf í þessa leiki til að berjast.
Steve Bruce says
Þvílíkt þrot af liði sem þetta er! Og alltaf erum við í þeirri stöðu að segja „við þurfum 2-3 ár….“. Þegar þau eru liðin er staðan sú sama eða verri. Ekki vantar að eyða peningum. Ole Gunnar hafði þó allavegana langtímaplan í höndunum áður en hann missti klefann. Andrúmsloftið í leikmannahópnum virðist vera rotið. Á þessu tímabili hefur afar fáir leikir unnist auðveldlega. Öll liðin eiga í fullu tréi við United. Að hugsa sér hvernig er komið fyrir klúbbnum! Lygilegt …
Dór says
Ég sé þetta lið ekki vinna fleiri leiki á tímabilinu
Björn Friðgeir says
Hélt lengi að BF ætti við mig, lúslas greinina…
heh. heheh. hehehehe