Maguire í banni, Shaw veikur og Varane hvíldur
Varamenn: Heaton, Varane, Williams, Fred (71), Mainoo, McTominay, Pellistri (71), Elanga, Garnacho (57′)
Lið Forest
United sótti stíft frá fyrsta flauti og þegar Forest fékk sína fyrstu sókn vann United boltann, Rashford fékk boltann á miðju úti við hliðarlínuna, keyrði á vörnina, stakk sér á milli Freuler og Worrall og inn í teig og afgreiddi boltann einfaldlega framhjá Hennessey með vinstri. Einfalt, auðvelt og frábært, United komið í 1-0 á sjöttu mínútu.
Forest sótti þó nokkuð eftir markið en komust litið áfram, United vörnin og Casemiro áttu auðvelt með að brjóta upp sóknirnar og sækja hratt á, sérstaklega upp vinstra megin með Rashford. En eftir eina slíka var það Forest sem kom til baka, voru allt í einu þrír á tvo og einföld sending fann Surridge sem skoraði örugglega. En varsjáin sá að hann var kominn með hnéð í rangstöðu og United slapp með skrekkinn.
Eftir þetta ógnaði Forest meira og það var ekki alltaf sem maður treysti vörninni almennilega. Antony átti þokkalega spretti móti vafasamri vörn Forest en of einfæættur til að gera of mikinn usla, besta færið hans kom eftir fínt spil hans, Rashford og Bruno gegnum vörnina en þó það kæmi á vinstri fótinn þurfti hann að teygja sig aðeins of og skotið fór beint á Hennessey. Hefði mátt gera betur þar.
Það var samt skot Antony utan teigs sem gaf mark, hann fékk sendingu frá Casemiro, boltinn skoppaði upp og flott skot á lofti. Hennessey varði boltann út í teiginn og Wout Weghorst var fyrstur til og skoraði auðveldlega, 2-0 alveg undir lok fyrri hálfleiks.
Seinni hálfleikur byrjaði verulega fjörlega, bæi lið sóttu á og áttu alls kyns tækifæri ef ekki færi. Skot Eriksen utan teigs fór í slá og svo varði Hennessey frá Rashford.
Það virtist ekki ástæða til að láta Rashford hlaupa meira, Garnacho kom inn á, en áfram var þetta opinn leikur.
Gibbs-White hreinlega hirti boltann af Casemiro ekki oft sem maður sér það, lék inn í teig en skaut yfir. Forest voru alveg að gera sig líklega fram ávið.
Næsta skipting kom þegar tuttugu mínútur voru eftir, Fred þétti miðjuna í stað Eriksen og Pellistri fékk að spreyta sig fyrir Antony.
Leikurinn var ekki slæmur það sem eftir var en var vissulega að fjara út þegar United tók góða rispu undir lokin aðallega gegnum Pellistri, og sókn á 89. mínútu skilaði þriðja markinu, boltinn barst til Fernandes utan teigs og lágt og fast skot hans fór í netið. Sigurinn tryggður og leikurinn á Old Trafford því sem næst formsatriði.
Mjög góður sigur hjá liðsheild. Casemiro og Martínez leggja hornstein að svona sigrum með að sjá til þess að vörnin sé þétt. Forest náði vissulega sínum færum en veikari miðja og vörn hefði þýtt að þau hefðu orðið að mörkum. Marcus Rashford er í besta formi lifs síns og skoraði meira að segja með veikari fætinum. Ef Antony væri ekki svona hrottalega einfættur væri hann án efa næstum jafn góður. En hann er bara 22ja ára og gæti bætt það.
Næst er það alvöru bikarinn!
Helgi P says
Fínn sigur og loksins komnir með alvöru stjóra
Steve Bruce says
Fínn sigur. Sá ekki leikinn en heyrist að sigurinn hafi verið stærri en leikurinn sjálfur spilaðist. Hvað um það, frábært veganesti í seinni leikinn. Að því sögðu er í mínum huga rannsóknarefni að Carabao Cup sé enn með tveggja leikja undanúrslit! Ekki einu sinni FA Cup tekur sig svo alvarlega.