Nú í morgun birti Manchester United uppgjör fyrir þriðja ársfjórðung fjárhagsárs félagsins. Í þeim er fátt sem kemur mjög á óvart nema helst að tilkynnt er um að vænt EBITDA, eða hagnaður fyrir fjárhagsliði yrði hærri en búist hefði verið við á árinu í heild, eða um 110-105m punda í stað 90-93m. Þetta má væntanlega rekja til aukinna tekna af auglýsingatekjum enda hækka þær um rúm 10% frá sama tíma og í fyrra. Sjónvarpstekjur og tekjur af heimaleikjum eru mun lægri en það var fyrirséð þar sem United er ekki að spila í Meistaradeildinni og að auki voru tveimur heimaleikjum færra í deild en sama ársfjórðung í fyrra, munar um slík atriði.
Mánudagspælingar 2015:07
Í síðustu viku vorum við eðlilega að velta fyrir okkur slæmu gengi liðsins í síðustu þrem leikjum.
Tryggvi skoðaði færasköpun og Fellaini á mánudaginn og í hlaðvarpinu á þriðjudaginn ræddum við það sem og mikilvægi Carrick fyrir liðið.
Leikurinn á laugardaginn var aðeins skárri en mörkin komu úr kunnuglegum áttum. Juan Mata skoraði sitt fjórða mark í deild á árinu, að þessu sinni úr víti, og leikmennirnir tveir sem sýnt hafa mestar framfarir í vetur bjuggu til seinna markið, Young gaf fyrir og Fellani skoraði líka sitt fjórða mark á árinu.
FC United of Manchester deildarmeistarar
Mörg okkar kannast við nafnið FC United of Manchester en færri vita ef til vill mikið um félagið.
FCUM vann hins vegar loksins sæti í National League North deildinni með því að tryggja sér meistaratign í Northern Premier League í fyrradag og stíga þannig upp úr sjöunda þrepi deildarpýramídans og upp í það sjötta.
Það er því ekki úr vegi að fara aðeins yfir sögu þessa félags og þau bönd sem það tengist Stóra United eins og sumir kalla það. Sagan varpar ljósi ámargt það sem er að gerast í knattspyrnunni í dag og hvernig lítill hópur stuðningsmanna fékk nóg af nútímaknattspyrnu. Enda er svo að slagorðið Against Modern Football er vinsælt meðal stuðningsmanna og má sjá það víða um Evrópu á leikjum minni liða sem oft eru í eigu félagsmanna. Slík félög eru nú orðin þó nokkur.
Enn ein þolraunin – Chelsea á morgun
Þetta er búið að vera hreint ótrúlega gaman undanfarið! Sex sigurleikir í röð í deildinni, liðið verið meiðslalaust og farið að ná saman, leikaðferðin að smella, og meira að segja skemmtileg spilamennska.
En við vissum að þessi gríðarerfiða leikjahrina myndi enda á einum þeim erfiðasta. Síðustu 11 árin hefur United tvisvar unnið á Stamford Bridge. Í Meistaradeildinni vorið 2011 tryggði Wayne Rooney liðinu sigur með þessu marki
Landsleikir? Nei, stóra slúðurfærslan.
Við verðum flest ef ekki öll ekki að hugsa um United milli þrjú og fimm í dag, en þangað til er ágætt að taka smá snúning á United.
Ef einhverjum datt í hug að silly season myndi ekki byrja fyrr en nær drægi sumri þá er það alger misskilningur. Slúðurmaskínur eru komnar í fjórða gír og United er orðað við nýja, eða sömu leikmennina í hverri viku. Samt er það svo að fleiri og fleiri eru að komast á þá skoðun að stór hluti leikmannakaupa sumarsins séu ef ekki frágengin, þá a.m.k. langt komin