Klukkan 19:00 annað kvöld fer fram óvenju þýðingarmikill leikur í annars heldur þýðingarlítilli keppni þegar nágrannarnir í Manchester City koma í heimsókn á Old Trafford. Þótt báðum liðum sé líklega nokk sama um EFL bikarinn sem slíkan þá munu þau samt koma inn í þennan leik í leit að langþráðum sigri. Stjórarnir eru undir pressu, leikmenn þurfa að stíga upp, það hefur verið að safnast upp pirringur meðal stuðningsmanna liðanna, blöðin hafa kjamsað á óförum síðustu vikna (reyndar töluvert meira United megin) og hlátrasköll stuðningsmanna annarra liða, sem velta sér upp úr hæðnisfullri Þórðargleði, bergmála í eyrunum. Nú er tíminn til að draga fram sokkaskúffurnar og korktappana, nú er tíminn til að byrja að svara almennilega fyrir sig. Það er komið að næsta stóra prófi Manchester United, endurtektarprófi gegn ljósbláklæddum leikmönnum Pep Guardiola. Bring it on!
Enska deildarbikarkeppnin
Northampton Town 1:3 Manchester United
Manchester United ferðaðist 220 kílómetra frá Manchester til Northampton til að taka þátt í 3. umferð deildarbikarsins. Það var ljóst að þrátt fyrir að miklar breytingar yrðu á byrjunarliði United í leiknum þá átti ekki að taka mikla sénsa því hópurinn var mjög sterkur.
Liðið í leiknum:
Varamenn: Johnstone, Darmian, Fellaini (’73), Lingard, Mata, Rashford (’55), Ibrahimović (’55)
United heimsækir Northampton annað kvöld
Annað kvöld, klukkan 18:45 að íslenskum tíma, spilar Manchester United við Northampton Town í 3. umferð þess fróma bikars EFL Cup (eða í deildarbikarnum). Leikurinn fer fram á heimavelli Northampton, Sixfields Stadium. Völlurinn var byggður fyrir rúmum 20 árum, áður hafði Northampton deilt velli með krikketfélagi. Áhorfendametið á vellinum er frá 30. apríl á þessu ári þegar Northampton Town sigraði Luton Town í næst síðustu umferðinni í League Two (fjórða deildin) og tryggði sér sigur í deildinni. Þá mættu 7.664 áhorfendur. Til samanburðar komast u.þ.b 14.200 áhorfendur bara í Stretford End stúkuna á Old Trafford. Það á víst að vera hægt að koma fyrir 60 áhorfendum í viðbót í sæti áður en völlurinn er alveg fullur, verður fróðlegt að sjá hvort áhorfendametið verði slegið annað kvöld.
EFL Bikarinn: United heimsækir Northampton Town
Manchester United hefur keppni í þriðju umferð enska deildabikarsins. Andstæðingurinn verður Northampton Town sem leikur í League One (2.deild).
Það er ekki hægt að segja annað en að þetta hljóti að teljast algjör skyldusigur. Ekki er útilokað að við munum fá að sjá leikmenn spreyta sig í þessum leik sem eru ekki að spila mikið þessa dagana.
Liðin hafa í gegnum tíðina mæst fjórum sinnum og er United taplaust í þessum viðureignum með þrjá sigra og eitt jafntefli. Liðin mættust síðast árið 2004 í FA-bikarnum og þá vann United 3-0 með sjálfsmarki frá Chris (ekki Owen) Hargreaves og mörkum frá Mikael Silvestre og Diego Forlan.
Manchester United 0 (1) – 0 (3) Middlesbrough
Jæja. Þetta eru tveir klukkutímar sem ég fæ aldrei aftur. Þeir tveir hlutir sem máttu alls ekki gerast, gerðust í kvöld;
a) Leikurinn fór í framlengingu, en leikmannahópur liðsins má ekki við því.
b) Manchester United tapaði.
Sumsé, í kvöld þá datt United úr Carling Cup eftir vítaspyrnukeppni við Middlesbrough. Var þetta fjórða vítaspyrnukeppnin sem Manchester United tapar í röð, og sjaldan hefur liðið skorað meira en eitt mark í hverri keppni fyrir sig.