Eftir þetta fyrsta tímabil United undir stjórn Erik ten Hag er ljóst að liðið endar í 3.sæti ensku úrvalsdeildarinnar. Síðasti andstæðingurinn í deildinni var þrælfínt lið Fulham. Liðin hafa mæst fjórum sinnum á tímabilinu, tvisvar í deild og tvisvar í FA bikarnum.
Leikurinn sem slíkur var alveg ágætur en bar þess merki að vera lokaleikur tímabils hjá liðum sem í rauninni höfðu ekki að miklu að keppa. Bæði lið stilltu upp frekar sterkum liðum en okkar menn hvíldu nokkra. Varane, Shaw og Wan-Bissaka voru þó á bekknum.