Rauðu djöflarnir

Header Right

Main navigation

Zlatan Ibrahimovic

Pistlar

Takk fyrir okkur, Zlatan

skrifaði þann | 3 ummæli

Nú þegar komið er í ljós að Zlatan Ibrahimovic fær ekki áframhaldandi samning hjá Manchester United þá er það mjög leiðinlegur endir á frábæru ári hans hjá United. Sjaldan hefur Manchester United endurspeglast jafnvel í einum leikmanni, allavega ekki undanfarin ár. Það er ekki að ástæðulausu að menn tala um Zlatan í sömu andrá og (King) Eric Cantona.

Eins og flestir vita meiddist Zlatan í Evrópudeildarleik gegn Anderlecht og er ekki búist við því að hann snúi aftur á knattspyrnuvöllinn fyrr en eftir sex mánuði. Það er því algjör synd og skömm að síðasti leikur Zlatans sem leikmaður Manchester United hafi verið úrslitaleikur Evrópudeildarinnar þar sem okkar maður þurfti að horfa á leikinn frá hliðarlínunni, á hækjum.

Fögnuður Zlatans í lok leiks var þó eins einlægur og gat gerst enda fyrsti Evróputitill hans.

Það sem stingur undirritaðan hvað mest eru þeir draumórar að EF José Mourinho hefði tekið við Manchester Untied frekar en David Moyes þá hefði United mögulega fengið Zlatan mun fyrr og við hefðum fengið að njóta krafta hans í Úrvalsdeildinni í meira en þetta eina tímabil.

Þvílíkur draumur sem það hefði verið.

Ef og hefði og allt það.

Möguleikinn á að sjá Zlatan Ibrahimovic í Manchester United treyju númer 9 er þó ekki alveg úr sögunni en hann mun klára endurhæfingu sína hjá félaginu og svo mun félagið ásamt Zlatan og umboðsmanni hans eflaust taka stöðuna í janúar 2018. Þetta kemur lítið á óvart og hefur verið rætt í Djöflavarpinu (podkasti Rauðu Djöflanna) undanfarið.

Eitt glæsilegt tímabil

Þó tímabilið hafi að vissu leyti verið vonbrigði og 6. sæti í deildinni algjörlega óásættanlegt þá er erfitt að vera fúll út í Zlatan – þó svo að efasemdarmenn hafi reynt að halda því fram að liðið spili betur án hans.

Eins og svo margir þá missti undirritaður algjörlega cool-ið þegar Zlatan gekk til liðs við United. Það virtist líka sem að leikmenn félagsins hafi verið mjög spenntir en áhrif Zlatans í búningsklefanum eru umtöluð. Ljónið hreinlega geislar af sjálfstrausti og þó hann sé hrokafullur með eindæmum þá er hann samt svo auðmjúkur.

Svo segir það sig sjálft um vinsældir mannsins að meira að segja Liverpool stuðningsmönnum finnst ánægjulegt að sjá hann skora mörk. Og hann gerði nóg af þeim síðustu 12 mánuðina.

Þann 1. júlí var opinberað hér á síðunni að Zlatan myndi ganga til liðs við United og ljóst að heimurinn yrði aldrei samur. Ólíkt venjulegum félagaskiptum þar sem félagið gefur út yfirlýsingu þá gerði Zlatan það að sjálfsögðu sjálfur.

Það tók Zlatan svo ekki langan tíma að stimpla sig inn í ensku deildina. Þann 7. ágúst skoraði Zlatan sigurmarkið í 2-1 sigri United á Leicester City um Samfélagsskjöldinn. Endilega reynið að segja Zlatan að Samfélagsskjöldurinn sé ekki titill – ég mana ykkur!

Var þetta langt frá því að vera eina sigurmarkið sem Zlatan skoraði í vetur. Hann skoraði til að mynda bæði mörk United gegn Southampton í annarri umferð. Sömuleiðis tryggði hann United sigur á Zorya Luhanks í Evrópudeildinni, skoraði hann tvö mörk í 3-1 sigri á Swansea City í nóvember, skoraði sigurmark gegn Crystal Palace, bæði mörkin í 2-0 sigri gegn West Bromwich Albion og svo var það  þrennan í 3-0 sigri gegn St. Etienne.

Sömuleiðis skoraði hann í nokkrum 1-1 jafnteflum í vetur enda gerði liðið um það bil þúsund slík í vetur.

Alveg rétt, hann skoraði líka tvö mörk í úrslitum Deildarbikarsins þegar United vann Southampton 3-2 í epískum úrslitaleik.

Samtals spilaði Zlatan 46 leiki fyrir Manchester United. Skoraði 28 mörk og lagði upp önnur níu. Var hann fyrsti leikmaður Manchester United til að skora meira en 20 mörk á tímabili síðan Robin Van Persie gerði það (einnig á sínu fyrsta tímabili fyrir klúbbinn).

Mörk Zlatans tryggðu United sigur eða jafntefli í 11 leikjum í vetur. Þar á meðal í tveimur leikjum þar sem það var titill í boði (hér er Samfélagsskjöldurinn talinn með því Zlatan telur hann með – það er bara þannig!).

Alveg rétt, hann lagði líka upp mörk í fimm leikjum þar sem stoðsendingarnar tryggðu sigur eða jafntefli.

Fótbolti er vissulega flóknari en svo að það sé hægt að segja að United hefði ekki unnið eða gert jafntefli í öllum þessum 16 leikjum en það er nokkuð ljóst að Zlatan spilaði risa hlutverk í því sem United gerði í vetur.

Framtíðin

Nú þegar hver framherjinn á fætur öðrum er orðaður við United er erfitt að sjá fyrir sér að Zlatan komi inn í liðið á næsta ári – hvað þá á hans aldri. En samt sem áður þá kæmi það einhvern veginn ekki á óvart. Zlatan elskar að troða sokkum upp í menn og einhvern veginn væri það mjög Zlatan-legt að koma aftur inn í liðið, slá aðra framhejra út og lyfta svo þeim stóra næsta vor.

Sama hvað gerist þá var það samt hrein og bein unun að horfa á Zlatan í Manchester United treyju og hver veit nema það gerist aftur.

Ég veit ekki með ykkur en ég trúi!

Evrópudeildin

Myndaveisla Evrópudeildarmeistaranna

skrifaði þann | 4 ummæli

Síðasta púslið

Besta sjónarhornið

og hvernig Herrera sendi Mkhitaryan fram, til að skora!

Manchester drengirnir á Manchester kvöldi

Carrick og Rooney: Hafa unnið allt sem hægt er að vinna

Meistaradeildina, Heimsmeistarakeppni félagsliða, ensku deildina, bikarinn, deildarbikarinn og núna Evrópudeildina!

Leikmenn með bikarinn

José Mourinho

Tístveisla líka!

Sendingamynstur Ajax er kunnuglegt!

Frá armensku hetjunni okkar til armennsk-ættuðu hetjunnar hans

Þeir áttu sinn þátt

#announceGriezmann

Í þessum þræði má finna forsíður blaða um alla Evrópu

This Is The One!

Enska úrvalsdeildin

United fer til Burnley

skrifaði þann | 3 ummæli

Manchester United var  heldur betur refsað grimmilega fyrir að ná ekki að klára Anderlecht í venjulegum leiktíma því bæði Marcos Rojo og Zlatan Ibrahimovic fóru meiddir af velli. Meiðsli Rojo virtist ekki jafn slæm og hjá Zlatan en nú hefur verið staðfest að báðir slitu þeir krossbönd í hné og ólíklegt að þeir komi meira við sögu á árinu 2017. Svo er hreinlega spurning hvort Zlatan hefur leikið sinn síðasta leik fyrir United því samningurinn hans rennur út í sumar og hann verður a.m.k. frá þangað til í janúar og því erfitt að réttlæta háan launakostnaðinn.

Þessi meiðsli hljóta að þýða að kaup á framherja og miðverði verði sett á oddinn í sumar og hafa margir leikmenn verið þrálátt orðaðir við United. Líkurnar á að Antoine Griezmann verði keyptur til liðsins hafa líklega stóraukist síðustu tvo sólarhringa. Svo er búist við því að Michael Keane verði keyptur aftur til United eftir góða frammistöðu með Burnley í vetur. Eins og með margt annað er hægt að setja spurningarmerki við ákvörðun Louis van Gaal að selja hann framyfir leikmenn eins og Paddy McNair og Tyler Blackett á sínum tíma.

Heimamenn í Burnley eru í fallbaráttu en virðist líklegir með að halda sæti sínu á meðan lið eins og Sunderland og Middlesbrough halda áfram í ruglinu. Þriðja liðið sem fellur verður annað hvort Swansea eða Hull en þau unnu reyndar bæði leiki sína í dag og stefnir í æsispennandi baráttu hinum megin í töflunni. Af þeim leikmönnum sem eru á meiðslalistanum eru þeir Kevin Long og Dean Marney örugglega frá í leiknum á morgun en smá möguleiki er á að félagarnir Jóhann Berg Guðmundsson, Sam Vokes og Scott Arfield verði í hópnum.

Hvernig verður byrjunarliðið hjá Manchester United í þessum leik? Oft hefur verið auðveldara að spá því en svona væri ég til í að sjá liðið á morgun

1
De Gea
36
Darmian
3
Bailly
38
Tuanzebe
23
Shaw
6
Pogba
21
Herrera
18
Young
11
Martial
14
Lingard
19
Rashford

Leikurinn hefst kl. 13:15

Enska úrvalsdeildin

Sunderland 0:3 Manchester United

skrifaði þann | 12 ummæli

Ágætis skyldusigur að baki hjá United gegn afar döpru Sunderland-liði David Moyes. Byrjunarliðið var svona.

20
Romero
23
Shaw
5
Rojo
3
Bailly
36
Darmian
6
Pogba
21
Herrera
27
Fellaini
14
Lingard
22
Mkhitaryan
9
Ibrahimovic

Bekkur: J.Pereira, Carrick, Blind, Fosu-Mensah, Tuanzebe, Martial, Rashford.

Það kom ekkert sérstaklega mikið óvart þar, fyrir utan það að David de Gea var ekki í hóp en hann virðist hafa meiðst lítillega í vikunni. Sergio Romero, sá mikli meistari, kom í hans stað. Það sem vakti mesta athygli var að Maroune Fellaini fékk fyrirliðabandið í fjarveru allra þeirra sem eru venjulega með það. Ágætis troll hjá José Mourinho.

Leikurinn byrjaði afar rólega og fyrstu 25 mínúturnar virkuðu þannig á mann að bæði lið væru hreinlega að hvíla sig, slíkur var hraðinn, eða skortur á honum, framan af leik.

Það var helst sem eitthvað gerðist í kringum Jesse Lingard og Luke Shaw án þess þó að það sé þess virði að segja eitthvað sérstaklega frá því. Lingard var hreyfanlegur og alltaf að reyna, sem er kannski meira en hægt er að segja um Zlatan og Mkhitaryan sem voru varla með í leiknum, svona til að byrja með.

Það sem virðist hafa vakið okkar menn af værum blundi var dauðafæri sem Jermaine Defoe fékk á 28. mínútu. Lee Cattermole, af öllum mönnum, lyfti boltanum yfir vörn United á Defoe sem skaut boltanum á lofti, rétt framhjá. Defoe var reyndar dæmdur rangstæður, réttilega, en það mátti engu muna.

Við þetta lifnaði heldur betur yfir okkar mönnum. Lingard átti besta tækifæri United aðeins mínútu eftir færi Defoe þegar hann lék á nokkra leikmenn Sunderland og reyndi að leggja boltann í hægra markhornið með skoti rétt fyrir utan teig. Jordan Pickford í markinu gerði afar vel í að verja boltann í horn.

Hann átti þó engin svör mínútu síðar þegar Zlatan, sem hafði átt mjög dapran leik, fékk boltann frá Ander Herrera við vítateig Sunderland. Hann var með Billy Jones í bakinu, sem hefur þó sjaldnast verið talið mikið vandamál. Zlatan þurfti enda ekki að gera mikið til að koma sér í skotstöðu og skot hans söng í netinu.

Leikmenn virtust ólmir í að bæta upp fyrir leiðindin framan af fyrri hálfleik og aðeins fjórum mínútum eftir mark United gerðu Zlatan og Shaw afar vel í að koma þeim síðarnefnda upp að endamörkum. Þar negldi hann fyrir á Fellaini sem hefði átt að gera betur fyrir framan markið. Snerting Fellaini var ekki nógu góð af stuttu færi og boltinn endaði hjá Pickford í markinu.

Victor Anichebe, sem var langsprækasti leikmaður Sunderland, var svo ansi nálægt því að jafna á 40. mínútu þegar hann sneri af sér Eric Bailly í markteignum. Hann missti þó boltann aðeins frá sér sem gerði Romero kleyft að loka á skot uppáhaldsleikmanns David Moyes. Það er varla hægt að vera með mikið betri varamarkmann en Romero, það er á hreinu.

Atvik leiksins gerðist svo á 43. mínútu þegar Ander Herrera og Sebastian Larsson lentu í samstuði. Í fyrstu hélt ég að dómari leiksins, Craig Pawson, væri að fara að dæma á Herrera en annað kom á daginn þegar Pawson reif upp rauða spjaldið og henti Svíanum í sturtu.

Endursýningar sýndu að Larsson fór allt of hátt með sólann upp í tæklinguna gegn Herrera. Sem betur var snertingin við Herrera ekki mikil, enda hefði Spánverjinn geðþekki líklega fótbrotnað illa hefði það gerst. Larsson var alveg æfur yfir því að fá reisupassann og það er kannski skiljanlegt í ljósi þess að snertingin við Herrera var ekki mikil. Tæklingin var þó stórhættuleg og líklega er hægt að réttlæta rauða spjaldið.

Staðan 0-1 í hálfleik og útlitið afar dökkt fyrir Moyes og félaga í Sunderland.

Ekki varð það bjartara í seinni hálfleik en það var ekki liðinn mínúta af honum þegar Mkhitaryan var búinn að koma United í 0-2. Shaw gerði vel í að koma boltanum á Armenann okkar vinstra meginn í markteignum. Kone virtist varla nenna að pressa Mkhitaryan þannig að hann skaut bara á markið úr nokkuð þröngri stöðu og inn fór boltinn.

Game over.

United hefði vel getað bætt við nokkrum mörkum í viðbót, besta færið fékk Paul Pogba á 60. mínútu þegar hann skaut yfir úr teignum. Zlatan vann skallaeinvígið í teignum og boltinn datt beint fyrir Pogba sem þurfti þó að taka boltann á lofti.

Marcus Rashford kom inn á fyrir Jesse Lingard og hann hefði án efa getað skorað nokkur mörk ef Zlatan hefði verið aðeins ákveðnari. Í tvígang sluppu þeir félagar í gegn þar sem aðeins markmaður og varnarmaður Sunderland voru til varnar. Í bæði skiptin gat Zlatan komið boltanum á galopinn Rashford en í bæði skiptin voru sendingarnar ekki nógu góðar og færin runn út í sandinn.

Það átti þó ekki við á 89. mínútu þegar þeir félagar gerðu allt rétt. Pogba stakk boltanum á Rashford sem tók hlaupið inn fyrir vörn Sunderland. Englendingurinn ungi kom boltanum á Zlatan sem kom boltanum aftur á Rashford og hann gerði sér lítið fyrir og smellti boltanum í netið. 0-3, fyrsta mark Rashford í deildinni frá því september.

Þægilegur sigur því staðreynd og ekki annað hægt að gera en að fagna því. United þurfti ekki að hafa mikið fyrir sigrinum gegn arfaslöku liði Sunderland sem er augljóslega að fara lóðbeint niður undir styrkri stjórn David Moyes.

Nokkrir punktar

  • Mörk breyta leikjum. Það breytti öllu fyrir United að fá markið í fyrri hálfleik. Það gerði verkum að Sunderland gat ekki setið á stiginu og varist eins og við höfum séð svo marga andstæðinga United gera í vetur. Það er svo miklu auðveldara að þurfa ekki að vera að berjast við ellefu manna varnarmúr
  • Sóknarleikur United er þó áhyggjuefni. Það var ekkert sem benti til þess að United væri að fara að gera eitthvað í þessum þangað til Zlatan skoraði. Sóknarleikurinn er alltof ómarkviss og hann hefur verið í mjög langan tíma. Mourinho er þekktur fyrir að skipuleggja varnarleik sinna manna afar vel en treysta svo einfaldlega á gæði leikmanna fram á við. Það rímar ágætlega við tímabil United sem hefur einkennst af góðum varnarleik og einstaklingsgæðum Zlatan. Ætli Mourinho að ná einhverjum árangri með United þarf sóknarleikurinn að batna til muna á milli tímabila.
  • Að mörgu leyti spilaðist þessu leikur þó bara eins vel fyrir United og hugsast getur. Það var alveg ljóst að leikmenn liðsins voru ekki að sprengja sig í seinni hálfleik og það sást vel á spilamennsku liðsins. Auðvitað hefði maður viljað sjá United kafsigla þetta ömurlega Sunderland lið. Það er þó vel skiljanlegt að menn séu með augun á dagskránni framundan sem er vægast sagt þéttskipuð.
  • Luke Shaw var mjög sprækur og fékk klapp á bakið frá Mourinho þegar hann fór útaf en Shaw virtist vera lítillega meiddur. Mourinho hefur sagt að Shaw þurfi að sýna meira og það gerði hann svo sannarlega í þessum leik. Það er vel enda væri gjörsamlega frábært að fá Shaw af fullum krafti inn í þetta aftur.

Nokkur tíst

Næsti leikur er gegn Anderlecht í átta liða úrslitum Evrópudeildarinnar, næstkomandi fimmtudag.

Enska úrvalsdeildin

Manchester United 1:1 Everton

skrifaði þann | 27 ummæli

Enn eitt jafnteflið. Enn ein vonbrigðin. Enn eitt jafnteflið gegn liðum sem eru í efstu 6 sætunum í úrvalsdeildinni. 1-1 lokatölur kvöldsins þar sem Zlatan Ibrahimovic bjargaði stigi eftir enn einn leikinn þar sem United virtist ómögulega geta brotið niður andstæðinginn.

Leikurinn var í raun endurtekning á svo mörgum leikjum sem við höfum séð undanfarin ár og var maður í raun viss um að liðið myndi tapa 1-0 því lengur sem leið á leikinn enda Ronald Koeman búinn að vinna 1-0 tvö ár í röð á Old Trafford.

En að leiknum, eftir slaka frammistöðu gegn WBA á laugardag þá ákvað José Mourinho að hrista upp í hlutunum. Daley Blind, Ander Herrera og Zlatan Ibrahimovic komu allir inn í byrjunarliðið.

1
De Gea
17
Blind
5
Marcos Rojo
3
Bailly
18
Young
16
Carrick
27
Fellaini
21
Herrera
19
Rashford
9
Ibrahimović
17
Lingard

Varamenn: S.Romero, Shaw (’64), Fosu-Mensah, Darmian, Pogba (’45), Martial og Mkhitaryan (’64).

Leikurinn

Leikplanið var 4-3-3 þar sem Jesse Lingard driftaði inn á miðjuna svipað og Juan Mata gerir svo oft á meðan Ashley Young átti að vera í Antiono Valencia hlutverkinu upp vænginn.

United byrjaði leikinn eins og svo oft áður á fínu tempói og slapp Zlatan nánast einn í gegn eftir fjórar mínútur. Hann var hins vegar alltof lengi að athafna sig og Ashley Willams bjargaði málunum. Þetta var þema sem átti eftir að vera gegnum gangandi í leiknum.

Marcus Rashford og Jesse Lingard voru gjörsamlega á fullu gasi í byrjun en því miður eins og svo oft áður þá kom lítið sem ekkert út úr neinu sem United gerði. Svo ákvað líka Joel Robles, markvörður Everton, að bæta upp fyrir skituna frá því í síðasta leik en hann átti þó nokkrar frábærar markvörslur í leiknum.

Það virtist draga af United eftir fyrsta korterið og Everton kom sér hægt og rólega inn í leikinn. Á tuttugustu mín fékk Kevin Mirallas fínan bolta yfir Blind og átti skot sem David De Gea varði í horn.

Upp úr horninu komst Everton svo yfir. Hornspyrnan kom á Ashley Williams, sem flikkaði boltanum í átt að marki þar sem Phil Jagielka skóflaði honum einhvern veginn aftur fyrir sig og í gegnum klofið á David De Gea.

Ótrúlegt mark í alla staði. De Gea hefði líklega átt að geta komið út í boltann og Marcos Rojo hefði eflaust átt að geta gert betur.

Var þetta þriðja markið sem United fær á sig á Old Trafford árið 2017, hin tvö mörkin voru vítaspyrnur.

Eftir 30 mínútur ákvað Kevin Mirallas að rífa í hálsinn á Jesse Lingard og henda honum í jörðina þó boltinn væri hvergi nálægt. Úr aukaspyrnunni átti Daley Blind mjög gott skot sem Joel Robles varði áður en hann klessti á stöngina, á einhvern ótrúlegan hátt tókst Ander Herrera svo að setja frákastið í slánna frekar en í netið.

Young átti svo gott hlaup upp kantinn og gaf boltann fyrir en enn og aftur var enginn á fjærstönginni hjá United. Í lok hálfleiksins átti Herrera svo fínt skot sem Robles varði vel, auðvitað.

Síðari hálfleikurinn var svo samansafn af ÖLLU sem hefur gengið illa hjá United í vetur. Til að byrja með kom Paul Pogba inn á fyrir Blind sem þýddi að Herrera endaði í hægri bakverði og Young í vinstri bakverði. Síðan meiddist Young og fór útaf fyrir Shaw á meðan Carrick fór útaf fyrir Mkhitaryan. Að reyna lesa hver var að spila hvaða stöðu á þessum tímapunkti í leiknum var ómögulegt.

Ofan á allt þetta þá átti Paul Pogba auðvitað skalla í slánna eftir frábæra aukaspyrnu Young og Zlatan Ibrahimovic skoraði en hann var dæmdur rangstæður. Umdeilanlegt er varla orðið en Zlatan virkaði í línu og mjög erfitt að sjá hvernig aðstoðardómarinn gat verið 100% viss um að hann væri rangstæður.

Alveg í lokin setti Rashford frábæran bolta inn í teig sem Zlatan stangaði yfir. Þarna var undirritaður handviss um að þetta væri búið en á einhvern ótrúlegan hátt tókst United að næla sér í vítaspyrnu þegar Willams varði skot frá Luke Shaw með hendi í teignum en boltinn virtist vera á beinustu leið í netið þegar Willams slengdi hendi í knöttinn.

Fékk hann rautt spjald að launum og Zlatan jafnaði úr vítinu. Hvernig Robles slapp við að fá annað gult þegar hann bombaði boltanum í burtu eftir vítið er eitthvað sem ég skil ekki. Sömuleiðis skil ég ekki hvernig Gareth Barry fékk ekki annað gult og það er mér einnig hulin ráðgáta hvernig Zlatan var flaggaður rangstæður.

Phil Neville var að lýsa leiknum og orðaði þetta ágætlega ,,It´s Deja Vu“ en þessi leikur var eins og svo rosalega margir sem maður hefur séð undanfarin ár.

Lokatölur 1-1.

Meira hef ég í raun ekki að segja um þennan leik, við höfum öll séð þennan leik tíu sinnum eða oftar síðustu ár. Leik eftir leik er þetta alveg eins. Ef mótherjinn skorar þá tekst United oftar en ekki að pota inn einu, ef mótherjinn skorar ekki þá skorar United ekki.

 

Mig grunar að við gætum séð Mourinho gera það sama og Jurgen Klopp gerði með Liverpool í fyrra og gefa allt í Evrópudeildina en fjórða sætið í úrvalsdeildinni er fjarlægur og óraunhæfur draumur sem stendur.

Enska úrvalsdeildin

Manchester United 1:1 AFC Bournemouth

skrifaði þann | 16 ummæli

Í dag tóku Manchester United á móti Bournemouth í fyrsta leik 27. umferðar. Fyrir leikinn var United í sjötta sæti og Bournemouth í því fjórtánda.

Með sigri á Bournemouth myndi United tryggja sé það að komast upp eitt sæti þar sem liðin tvö í sætunum fyrir ofan, Liverpool og Arsenal, myndu mætast síðar sama dag. Það var því til mikils að spila hjá okkar mönnum.

Mourinho talaði um að hann myndi núna fara nýta hópinn vel og stóð hann við þau orð með því að gera fjórar breytingar á liðinu. Luke Shaw fékk sinn fyrsta byrjunarliðsleik í langan tíma, Jones kom inn í vörnina og Carrick ásamt Wayne Rooney fóru á miðjuna. Liðið sem Mourinho ákvað að stilla upp í dag leit svona út:

1
De Gea
23
Shaw
5
Marcos Rojo
4
Jones
25
Valencia
6
Pogba
16
Carrick
11
Martial
9
Rooney
8
Mata
9
Ibrahimovic

og á bekknum voru þeir: S.Romero, Blind, Smalling, Fellaini, Herrera, Lingard og Rashford.

Margir voru kátir að sjá Luke Shaw í byrjunarliðinu og er höfundur þessarar leikskýrslu engin undantekning. Satt að segja þá vildi ég sjá Luke Shaw enda sem besta leikmann vallarins þegar dómarinn flautaði leikinn af þar sem ég tel hann vera okkar besta vinstri bakvörð og mikilvægt fyrir alla að sjá hann blómstra með liðinu.

Einnig var gott að sjá Herrera fá smá hvíld því framundan hjá United var ansi strembið leikjaprógramm

  • 4. mars -> AFC Bournemouth (heima)
  • 9. mars -> FC Rostov (úti)
  • 13. mars -> Chelsea (úti)
  • 16. mars -> FC Rostov (heima)
  • 19. mars -> Middlesbrough (úti)

En nóg um það. Snúum okkur að leiknum sjálfum.

Leikurinn

Ólíkt mörgum leikjum undanfarið hjá United þá hófst þessi alveg stórkostlega. Satt að segja þá var þetta ein mest kreisí byrjun á United fótboltaleik sem ég hef orðið vitni að. Dauðafærin hrönnuðust upp fyrir United en inn fór boltinn ekki.

Ég grínast ei þegar ég skrifa um að þetta hafi verið alveg ótrúlega sprækur hálfleikur. Færin sem við fengum að sjá fyrstu 15 mínútur leiksins voru t.d.

(1) Antonio Valencia vann boltann hátt upp á velli og kom með flotta fyrirgjöf á Rooney en skallinn frá Rooney fór yfir markið. (2) Stuttu síðar vann Shaw boltann og gaf glæsilega sendingu á Pogba sem var kominn einn inn fyrir vörn Bournemouth en skot hans var varið framhjá af Boruc, markmanni þeirra. (3) Mings með skelfilega sendingu til baka sem Rooney náði og gaf fyrir á Zlatan sem hefði átt að skora auðveldlega en sendingin og móttakan ekki nógu góð.

(4) Bournemouth komst í algjört dauðafæri er löng sending endaði hjá Benik Afobe sem komst framhjá Rojo og einn á móti De Gea en okkar maður í markinu ákvað að sína sína snilld og náði að verja boltann stórkostlega og koma honum frá Afobe. (5) Martial smaug í gegnum vörn Bournemouth vinstra megin og átti flotta fyrirgjöf á Zlatan en boltinn fór í hnéið hans og framhjá.

Þetta hélt svo áfram…

(6) Carrick vann boltann glæsilega á miðjunni og gaf á Martial vinstra megin og átti hann gott skot en Boruc, markmaður Bournemouth, varði vel. (7) Á 23′ mínútu náði United loksins að brjóta ísinn. Valencia fékk boltann fyrir utan teig, gaf sér góðan tíma og bombaði boltanum í átt að marki þar sem Rojo faldi sig á milli varnarmanna Bournemouth og potaði boltanum inn. Fyrsta mark leiksins komið og sjötta stoðsending Valencia á þessu tímabili í öllum keppnum.

United hélt áfram og gat maður ekki annað en dást að baráttunni í öllum leikmönnum United. Allir voru að spila vel, báðir kantarnir mjög hættulegir, bæði bakverðir og kantmenn on point. Hrikalega gaman og bjóst maður við að sjá fleiri mörk og meira gaman. En þá kom skellurinn.

(8) Á 39′ mín komst Bournemouth í góða sókn er Marc Pugh fékk boltann á vinstri kanti og brunaði áfram gegn Phil Jones. Jones gerði alveg skelfileg klaufamistök með því að brjóta á honum inn í teig og fékk réttilega dæmda á sig vítaspyrnu. Joshua King stillti sér svo upp á vítapunktinn og skoraði örugglega út henni, 1:1 (Merkileg staðreynd að þetta er einungis mark númer tvö sem United fær á Old Trafford á þessu ári).

(9) Rétt eftir jöfnunarmarkið fékk Rooney gott færi til að koma United aftur yfir en skot hans framhjá.

Fyrri hálfleikur endaði svo alveg afskaplega furðulega, vægt til orða tekið. Og með réttu hefðum við átt að sjá þrjú rauð spjöld á lofti. Allan leikinn voru Mings og Zlatan búnir að vera kljást og pirra hvorn annan. Á 46′ mín tók Mings Rooney niður sem lenti í smá samstuði við Zlatan og felldi báða niður á jörðina. Á leiðinni aftur í vörnina ákvað Mings að stökkva yfir Zlatan og traðka alveg hreint út ógeðslega og stórhættulega ofan á haus Zlatans. Dómarinn ákvað að dæma ekkert á þetta sem skiljanlega pirraði Svíann. Stuttu síðar fékk United hornspyrnu og ákvað Zlatan að nýta tækifærið og hefna sín á Mings með því að gefa honum virkilega ljótt olnbogaskot.

Eftir þetta urðu mikil læti í leikmönnum og Surman, sem var á gulu spjaldi eftir brot á Carrick, ákvað eftir olnbogaskotið að hrinda Zlatan niður á jörðina. Kevin Friend, dómari leiksins, gaf honum fyrir það sitt annað gula spjald og var fyrir vikið vísað af velli. Þannig endaði fyrri hálfleikur, 1:1 og Bournemouth manni færri.

Í fyrri hálfleik var United 60% með boltann, fékk 7 hornspyrnur, átti 10 skot á mark þar sem fimm fóru á rammann. Bournemouth á sama tíma var 40% með boltann, fékk eina hornspyrnu, átti tvö skot þar sem eitt fór á rammann.

Seinni hálfleikurinn var því miður algjör vonbrigði miðað við þann fyrri. United hélt áfram að sækja og ætlaði að nýta sér það að vera manni fleiri.

United fékk nokkur hálffæri en ekkert sérstaklega hættulegt. Mourinho ákvað því að gera, aldrei þessu vant, þrefalda skiptingu í von um að komast aftur yfir. Inn á komu Fellaini, Lingard og Rashford fyrir þá Rooney, Carrick og Shaw.

Nokkrum sekúndum síðar fékk United vítaspyrnu er Valencia sendi háa fyrirgjöf inn í teig. Pogba hoppar upp og ætlar að koma boltanum fyrir framan markið en varnarmaður Bournemouth var boltann svona glæsilega með hendinni. Pirraður Zlatan náði svo í boltann og ætlaði að láta Bournemouth finna fyrir því með því að skora. Því miður ákvað Boruc að verja vel frá Svíanum og neita honum um mark í dag.

Kevin Friend ákvað að halda áfram að dæma illa er Arter braut illa á Pogba á ’77 mín og hefði átt að fá sitt annað gula spjald en fékk í staðinn smá tiltal frá Friend. Síðustu 20 mínúturnar voru svo alveg gríðalega pirrandi er United reyndi og reyndi, Bournemouth töfðu og töfðu og ekkert gekk upp fyrir United. Eftir skrilljón tilraunir flautaði dómarinn leikinn af og gríðarlega svekkjandi jafntefli raunin.

Heildartölfræðin í þessum leik var svo United 68% með boltann, fékk 15 hornspyrnur, átti 20 skot á mark þar sem sjö skot fóru á rammann. Bournemouth á sama tíma var 32% með boltann, fékk tvær hornspyrnur, átti þrjú skot þar sem eitt fór á rammann.

Lokaorð

Með sigri hefðum við geta komist upp í fimmta sæti. Er svo svekkjandi að sjá okkur klúðra aftur svona tækifærum. En ég neita að missa mig í svekkelsinu. Við erum núna með jafnmörg stig og Liverpool eftir 26 leiki. Erum svo fjórum stigum frá Spurs en einu og þremur stigum frá Arsenal og City sem eiga leik til góða. Það er hellingur eftir og í okkar höndum að komast hærra upp.

En ég ætla að taka út smá pirring á einstaklingi sem á í raun ekkert vont skilið í dag. Það er ekki honum að kenna hvernig fór en mikið er það byrjað að fara í taugarnar á mér að sjá Mourinho setja Fellaini inn í leik þar sem við erum að reyna ná sigri. Mourinho virðist alltaf vilja nota sömu Plan-B strategíu og Moyes með því að setja Fellaini inn á og gefa þúsund fyrirgjafir í von um að eitthvað gerist. Þótt ég hafi í raun ekkert á móti Fellaini, þá hlakkar mig til þegar kappinn verður seldur svo að við getum hætt að sjá þetta Plan-B.

Svo getum við nokkuð örugglega átt von á því að missa Zlatan í bann fyrir olnbogaskotið. Það bann, ef mér skjátlast ekki, yrði gegn Chelsea í FA Bikarnum. Vægast sagt vondar fréttir fyrir okkur.

Næst er það FC Rostov á fimmtuag í Evrópudeildinni… onwards and upwards…