Liðið er komið, Rashford meiddur
Varamenn: Bayindir, Amass, Jackson, Ogunneye, Amad, Amrabat, Forson, McTominay, Wheatley.
Björn Friðgeir skrifaði þann | 2 ummæli
Liðið er komið, Rashford meiddur
Varamenn: Bayindir, Amass, Jackson, Ogunneye, Amad, Amrabat, Forson, McTominay, Wheatley.
Zunderman skrifaði þann | Engin ummæli
Manchester United er komið á toppinn – bara í vitlausri deild. Samkvæmt yfirliti yfir meiðsli hjá ensku úrvalsdeildarliðunum er United með flesta leikmenn meidda. Erfitt fer að verða að ná í lið fyrir leikinn gegn Sheffield United á morgun.
Samkvæmt Premier Injuries síðunni eru 14 leikmenn United meiddir. Þar á eftir koma Newcastle með 11 og Luton og Brighton með 10. Á sama tíma er einn meiddur hjá Arsenal, tveir hjá City og fjórir hjá Liverpool.
Erik ten Hag hefur verið gagnrýndur fyrir að skipta Alejandro Garnacho út af í bikarleiknum gegn Coventry um helgina en hann er einn þeirra sem telst tæpur. Marcus Rashford fékk skammir fyrir að vera lélegur, hann haltraði burt af vellinum. Óumdeilt er að Scott McTominay meiddist en Bruno Fernandes kláraði allt dramað. Þeir eru allir tæpir fyrir leikinn á morgun, helst eru líkur á að Bruno og Garnacho spili.
Ekki var farið yfir stöðu annarra leikmanna á blaðamannafundi í morgun. Premier Injuries telur mögulegt en ólíklegt að Willy Kambwala, Sofyan Amrabat og Johnny Evans komist í hópinn. Aðrir á meiðslalistanum svo sem Luke Shaw, Mason Mount, Lisandro Martinez og Raphael Varane verða örugglega ekki með.
Af fundinum í morgun er annars það helst að frétta að Erik ten Hag reyndi reiðina til að svara gagnrýni á vandræðaganginn gegn Coventry og bætti við að það væri alltaf afrek að komast í bikarúrslit. Hann sagði stór skörð höggvin í hópinn sem gerði alla spilamennsku erfiðari og brothættari.
Vörnin verður því trúlega óbreytt, með þá Casemiro og Maguire í miðvarðastöðunum. Anthony og Amad gætu keppst um stöðu Rashford og Eriksen komið inn fyrir McTominay. Unglingar verða líklega notaðir áfram til að fylla bekkinn. Í hverri viku heyrist af nýjum unglingum sem fá að æfa með aðalliðinu og eiga möguleika að komast í hóp. Vandamálið er að það er ekki því þeir séu svo framúrskarandi heldur er að verða vandamál að ná í lið.
United hefur unnið einn af síðustu sjö leikjum í deildinni, sem er sjötti lakasti árangurinn yfir það tímabil. Möguleg von felst þó í að liðið með versta árangurinn, bæði þessa leiki sem almennt í vetur, er mótherjinn á morgun, Sheffield United og að leikurinn er á Old Trafford.
Liðið hefur ekki unnið deildarleik síðan gegn Brentford þann 9. desember og reyndar oft tapað illa, meðal annars 1-4 gegn Burnley í síðasta leik. Sheffield liðið hefur reyndar líka glímt við meiðsli, níu leikmenn eru meiddir, þar af nokkrir lykilmenn. Ekki er von á að nokkur þeirra komist í hópinn gegn United.
Leikurinn hefst klukkan 19:00.
Björn Friðgeir skrifaði þann | 5 ummæli
Liðið sem Ten Hag stillti upp leit svona út
Varamenn: Bayindir, Eriksen (72.), Amad (90+4.), Antony(66.), Forson (103.), Amass, Ogunney, Jackson, Wheatley.
Willy Kambwala er meiddur og því allar líkur á að Casemiro frekar en McTominay fari í miðvörðinn. Það er vonandi að framherjar Coventry séu ekki of fljótir
United setti í gír frá upphafi, pressaði Coventry alla leið inn í teig og þegar Coventry hreinsaði unnu þeir boltann sem endaði á langri sendingu fram, skalli Bruno og Garnacho var kominn í færi en hitti ekki boltann og hann lak útaf. Þetta var áfram mynstur leiksins. Stök gagnsókn Coventry sem sjaldnast náði teignum en Unitedliðið sló upp tjaldbúðum við vítateig Coventy og vantaði bara að stilla upp í góða Kaíró til að þetta yrði eins og í handboltaleik.
En það var loksins enginn annar en Scott McToinay sem braut ísinn. Dalot kom upp hægra megin, fékk boltann í finni sendingu frá Garnacho og gaf fyrir, boltinn fór milli Collins í markingu og Latibeaudiere og þar var McTominay á markteig og skoraði auðveldlega.
Þó þetta héldi áfram á sama hátt er þetta ekki United nema liðið gerði sér erfitt fyrir og á 38. mínútu komst Coventry loksins inn í teig United, skot að marki sem varð að fyrirgjöf en Dalot komst fyrir boltan og hreinsað.
Rétt fyrir hlé kom svo loksins gott skot að marki, Rashford kom seint inn í teiginn, fékk sendinguna frá Dalot sem var kominn upp að endamörkum en Collins varði prýðisvel í horn. En úr horninu skoraði svo Harry Maguire með einföldum föstum skalla. Var alveg óvaldaður á vítapunktinum, og Bruno hitti beint á hann.
Örugg forysta United í hálfleik.
Bruno átti fínt skot utan af kanti strax í byrjun seini hálfleiks rétt framhjá fjær, en svo kom kafli þar sem Coventry var með boltann án þess að ógna. En á 58. mínútu kom svo sókn United, Rashford inn í teig vinstra megin, lenti í varnarmönnum og boltinn barst til Bruno sem náði að leggja hann fyrir sig, tók skotið, í legg varnarmanns og framhjá Collins. 3-0 og sigurinn innsiglaður að því flest héldu.
Fyrsta skipting United kom þá, Antony inn fyrir Garnacho en Mark Robins gerði þrefalda skiptingu og uppskar fljótlega, sóknir þeirra höfðu haldið áfram og einni slíkri komu þeir móti fáliðaðri vörn United, boltinn inn á teiginn frá Tavares og þar var Simms algerlega óvaldaður á miðjum teignum og skóflaði boltann með sköflungnum í markhornið. 3-1 eftir 71. mínútu. Afskaplega slælegt hjá vörninni.
Þá setti Ten Hag Christian Eriksen inná fyrir Kobbie Mainoo og United virtist ætla að halda boltanum, en á 79. mínútu kom sókn Coventry, O’Hare fékk boltann óáreittur utan teigs, tók skotið, í höfuð Wan-Bissaka og í háum boga og inn undir vinkilinn. 3-2!
Coventry og stuðningsmenn þeirra tóku þá svo sannarlega við sér, sóttu af hörku og unnu horn eftir horn, eftir eitt þeirra kom hörkuskot Torp sem Onana þurfti að hafa sig allan við til að verja.
Dómarinn bætti við sex mínútum og Coventry sótti ákaft og uppskáru á þriðju mínútu uppbótartíma, löng sending út að endamörkum við markteig, Wan-Bissaka kom á ferðinni með báðar hendur úti og fyrirgjöfin fór í hendin á honum við ermina og VAR staðfesti vítadóm Robert Jones. Og eins og í leiknum gegn Wolves skorar Haji Wright í uppbótartíma og sendi leikinn í framlengingu..
Diallo kom inná áður en United byrjaði á miðju, United reyndi aðeins að sækja enda nokkrum aukamínútum bætt við vegna vítisins en gerðu ekkert af viti.
Unted fékk loksins færi snemma í framlengingunni, Bruno hamraði boltann í þverslána neðanverða en boltinn fór út. Hinu megin fór svo Tavares framhjá Casemiro eins og hann væri keila en náði ekki að klára missti boltann útaf.
Omari Forson kom inná fyrir McTominay í fyrri hálfleik framlengingarinnar og vann horn með ágætu skoti sem fór af varnarmanni.
Í upphafi seinni hálfleiksins var það Harry Maguire af öllum mönnum sem fór upp að endamörkum komst framhjá varnarmanni og skaut úr þröngu færi, Collins ýtti boltanum frá og horn var raunin. United sótti áfram, vann annað horn og auðvitað varð ekkert úr því.
Bruno var tæklaður rækilega við vítateiginn, ekkert dæmt, Coventry í skyndisókn sem endaði á því að Wright var orðinn frír í teignum en skaut rétt framhjá. Næsta færi var líka Coventry, Simms hristi auðveldlega af sér bæði Wan-Bissaka og Eriksen og bombaði af markteig, boltinn í neðanverða slá og út. United var að reyna að sækja en það gekk ekkert.
Coventry hélt svo þeir hefðu tryggt sigurinn þegar tuttugu og fjórar sekúndur voru liðnar fram yfir 120 mínúturnar, Wright fékk sendinguna upp vinstra megin, enginn United maður fylgdi, Wright gaf fyrir þar sem Victor Torp var með nóg pláss til að senda boltann í hornið fjær. En Wright var hárnákvæmt rangstæður og United slapp inn í vítin.
0-0 Casemiro: Lét Collins verja auðveldlega frá sér.
0-1 Wright: Öruggt
1-1 Dalot: öruggt
1-2 Overgaard: Öruggt upp í vinkil
2-2 Eriksen: Öruggt
2-2 O’Hare: Vel varið hjá Onana í horninu
3-2 Fernandes: Öruggt
3-2 Sheaf: Innanfótar yfir slána.
4-2 Höjlund, hamraði boltann í hornið og næstum enginn kom að fagna með honum.
Björn Friðgeir skrifaði þann | 1 ummæli
Það jafnast ekkert á við að vinna bikar og á morgun getur United stigið skref í átt að því að gera þetta tímabil eftirminnilegra en það á kannske skilið og komast á Wembley. Að vísu bíður City eða Chelsea og það hefur fennt verulega yfir tapið í úrslitaleiknum í fyrra. En það var þá og þetta er núna. Bikar er bikar og sigur á morgun gerir margt betra.
Andstæðingurinn á morgun er lið Coventry City. Við sem komin erum á miðjan aldur ólumst upp við Coventry City sem langtímalið í efstu deild, féllu aldrei en gerðu ekki garðinn frægan að ráði. Og þó. Sigur þeirra í bikarkeppninni 1987 var eitthvert mesta afrek minna liðs á þeim tíma, og það þegar bikarinn skipti alvöru máli.
Mark Keith Houchen í leiknum gleymist ekki og þetta var allt í allt einhver besti bikarúrslitaleikur allra tíma.
En það var þá og þetta er núna. Í vikunni var tilkynnt að aukaleikir eftir jafntefli myndu nú alfarið heyra sögunni til, enn eitt skrefið í að minnka vægi bikarkeppninnar, og Coventry City hefur ekki sést í efstu deild síðan liðið féll árið 2001. Liðið er nú í Championship þriðja árið í röð eftir átta ár í óbyggðum C deildarinnar. Markakóngur síðustu tveggja ára, Victor Gyökeres, var seldur til Sporting í fyrrasumar en liðið hefur haldið sjó og er nú í áttunda sæti, þó umspilssæti sé utan seildingar eftir töp í tveimur síðustu leikjum gegn Southampton og Birmingham. Leiðin í undanúrslitin á morgun hefur verið frekar þægileg, liðið vann Oxford United, Sheffield Wednesday eftir umspil, Maidstone United, og svo Wolves á útivelli í fjórðungsúrslitum þar sem Bandaríkjamaðurinn Haji Wright tryggði sigurinn þegar komið var frá á elleftu mínútu viðbótartíma
https://x.com/usmntonly/status/1769005703312576697
gult
Wright er markahæstur þeirra Coventry manna í deildinni, en Ellis Sims sem skoraði líka gegn Wolves fylgir fast á hæla honum. Í hasarnum í leikslok fékk Kasey Palmer gult spjald fyrir að fara inn á völlinn eftir að hafa verið tekinn útaf fyrr í leiknum og missir því af leiknum á morgun, Palmer er framliggjandi miðjumaður sem hefur spilað reglulega upp á síðkastið eftir að hafa verið varamaður framan af. Aðeins tveir leikmenn eru meiddir, Jamie Allen og Tatsuhiro Sakamoto, miðjumaður og kantmaður.
Liðinu er því spáð svo
Framkvæmdastjóri Coventry City er Mark Robins
Ef það er eitthvað víst í þessum heimi þá er það dauðinn, skattar, og að Keith Houchen og Mark Robins fá sitt pláss í þessari upphitun. Í ár eru 34 ár síðan Mark Robins skráði sig óafmáanlega í sögubækur United þegar hann skoraði markið sem „bjargaði Alex Ferguson“. Hvort það er rétt er víst að þegar Robins skoraði markið gegn Nottingham Forest sem tryggði United sigur á City Ground í þriðju umferð bikarsins þá var það sólarupprásin á björtustu tímum Manchester United. Robins átti lítið meira en þokkalegan feril sem leikmaður og hefur síðan verið traustur stjóri í neðri deildunum án þess að slá í gegn. Á morgun fær hann sitt tækifæri aftur.
Scott McTominay, Harry Maguire og Antony eru allir orðnir góðir af meiðslum og verða í hóp á morgun. Spá má liðinu svo
Þurfum ekkert að ræða mikið kosti og galla liðsins, þeir hafa öllum verið augljósir síðustu mánuði. Liðið þarf bara að átta sig á að þeir eiga að vera betri en B deildar lið, sama hvað hið síðarnefnda er vel þjálfað og vel stemmt fyrir leiknum
Leikurinn hefst 14:30 og dómari er Robert Jones.
Friðrik Már Ævarsson skrifaði þann | 4 ummæli
Erik ten Hag gerði engar breytingar frá síðasta liðsvali. Byrjunarliðið gegn Bournemouth var því svona:
Bekknurinn okkar var þunnskipaður en á honum voru þeir Bayindir, Fiorentino, Ogunneye, Amrabat, Mount, Eriksen, Amad Diallo, Forson og Wheatley.
Fyrsta korterið var afskaplega tíðindasnautt. Liðin skiptust á að reyna að komast í hættuleg færi en rennandi blautur völlurinn hafði sitthvað að segja og engin raunveruleg færi. En leið og það korter var liðið kom fyrsta færið í leiknum þegar Willy Kambwala var grafinn í grasinu fyrir utan vítateiginn okkar eftir rimmu við Dominic Solanke sem gerði sér lítið fyrir og skoraði 17. markið sitt í deildinni og breytti um leið stöðunni í 1-0.
Við það lifnaði aðeins við leiknum og Marcus Rashford fékk ágætisskotfæri þegar hann bar boltann hálfan völlinn og endaði inn í teignum en smellti tuðrunni í hliðarnetið. Hinu meginn á vellinum komst Kerkez í hörkufæri þegar Dalot var hvergi að finna en sem betur fer lokaði Onana vel á skotið hans úr þröngu færi.
Næst átti Sinisterra gott skot eftir að hann hristi Diogo Dalot af sér en hann dróg skot sitt rétt framhjá stönginni. Enn og aftur dynja skotin á okkar mönnum og virðist alveg sama hver mótherjinn er þá eru þetta eins og 90 mínútna skotæfing.
Enn á ný var samt eins og það vantaði smurningu eða 2-3 tannhjól í sóknarleikinn, því hann virtist vera að hökta á ýmsums stöðum á vellinum. Ekki tókst okkur að eiga skot á rammann fyrsta hálftímann þrátt fyrir að United fór að þrýsta á heimamenn. Það varð svo til þess að United missti boltann á miðjum vellinum og skyndisókn heimamanna endaði með skoti sem Onana las fyrir jól.
Hins vegar tókst United að eiga skot á rammann leið og fyrsti hálftíminn var liðinn eftir góða sókn þar sem Rashford náði að vinna seinni boltann í vítateigsboganum og kom honum á Garnacho hægra meginn í teignum. Sá stutti brunaði að endalínunni og sendi boltann fyrir markið þar sem Bruno hitti boltann illa en boltinn fór upp rétt yfir höfuð hans og sá portúgalski mundaði skotfótinn og hamraði boltann eins og heitt járn framhjá varnarlausum Neto í markinu.
Við þetta snaropnaðist leikurinn og liðin skiptust á að sækja og virkuðu bæði mjög óskipulögð varnarlega. Það færðu heimamenn sér í nyt þegar Dalot var enn og aftur í einskismannslandi og Justin Kluivert komst einn og óvaldaður framhjá varnarmönnunum og setti boltann í nærhornið framhjá Onana og tók forystuna á ný fyrir heimamenn. 2-1.
Þeir votu nálægt því að auka forystuna rétt fyrir hálfleik þegar Kerkez fékk gullfallega sendingu og skallaði í slánna en enginn varnarmaður United virtist vera meðvitaður um grunneðlisfræði að það sem fer upp í loftið kemur aftur niður því hann fékk bara aðra tilraun án þess að nokkur reyndi nokkuð að trufla félagann. Kamerúninn okkar í búrinn tók einn góðan Schmeichel á þetta og þanndi raddböndin til að reyna að vekja varnarlínuna sem greinilega var ekki alveg með á nótunum fyrstu 45 mínúturnar.
Aftur tók Onana og bjargaði liðinu þegar Kluivert fékk vippusendingu inn fyrir vörnina og var einn á móti markverðinum. Hann lokaði vel á skotið sem verður að teljast algjört dauðafæri en Kluivert virtist ekki ná að smellhitta boltann.
Fyrir hálfleik vildu heimamenn fá vítaspyrnu eftir samstuð innan teigs en í endursýningu sást að engin ástæða var til að benda á punktinn að þessu sinni. Hinu meginn átti Bruno fína tilraun af 26-7 metrunum en gott skot hans lenti ofan á slánni. 2-1 í fyrri hálfleik fyrir heimamönnum.
Erik ten Hag virðist hafa verið ósáttur við fyrri hálfleikinn en hann ákvað að gera skiptingu í hálfleik og settir Amad Diallo inn á í stað Garnacho. Skiptingin skilaði sér nú ekki strax en heimamenn áttu fyrstu 5-6 mínúturnar af hálfleiknum með húð og hári.
En eftir það byrjaði United að taka aðeins völdin á vellinum og heimamenn virtust alveg sáttir við að sitja þéttir aftarlega á vellinum og halda fengnum hlut í þær 40 mínútur sem eftir lifðu leiks. Eða svo hélt maður en hver sem veit eitthvað um Kirstuberin þá eru þau alltaf hættuleg í skyndisóknum sínum.
Dominic Solanke komst í hörkufæri eftir sendingu frá vinstri vængnum á 59. mínútu en Willy Kambwala átti hreint út sagt stórkostlega tæklingu og bjargaði í horn.
En það var afskaplega lítið að gerast annað en að liðin skiptust á að tapa boltanum þegar loksins kom eitthvað markvert þegar Kobbie Mainoo reyndi að senda boltann inn í teiginn en boltinn fór af varnarmanni og í handlegginn á Smith. Dómarinn var ekki lengi að benda á punktinn sem virtist þó örlítið strangur dómur en mögulega leit hann á það sem svo að Smith hefði reynt að setja höndina viljandi í boltann. En vítadómurinn stóð og fyrirliðinn nálgaðist punktinn.
Hann stillti upp boltanum og sendi Neto í rangt horn og jafnaði fyrir gestina. 2-2 og um 25 mínútur eftir af venjulegum leiktíma. Heimamenn virtust hafa meiri áhuga á að sækja stigin þrjú og lágu á okkar mönnum næstu mínúturnar.
Það virtist sem svo að leikurinn væri að fjara út síðustu mínúturnar en það er náttúrulega ekki United leikur þar sem það er ekki einhver dramatík í lok leiksins. Að þessu sinni var komið að vítaspyrnudómi á United en heimamenn vildu fá víti þegar Kambwala breyttist í vegg og stöðvaði þannig Favre sem var á fleygiferð inn í teiginn en eftir að búið var að ráðfæra sig við VAR varð niðurstaðan aukaspyrna á vítateigslínunni.
Enes Unal tók aukaspyrnuna og setti hana í vegginn og þaðan í horn og hélt sókninni gangandi en uppgefinn viðbótartími var löngu liðinn þegar spyrnan var tekin en Onana greip boltann og kom honum hratt í leik og United blés til sóknar. Því miður varð sú sókn alveg eins bit- og vonlaus eins og flestar sóknir United í leiknum. Þannig fjaraði leikurinn út og leiknum lauk með 2-2 jafntefli.
Það þýðir að United er í 7. sæti deildarinnar með jafnmörg stig og Newcastle en mun verri markatölu en þeir svarthvítu. Núna hefur United einungis unnið einn af síðustu sjö deildarleikjum og virðist óðfluga stefna í að Erik ten Hag stýri liðinu úr Evrópusæti ef ekki fer eitthvað að breytast.
Næsti leikur er viðureign okkar í undanúrslitum bikarsins gegn Coventry City. Leikurinn fer fram á Wembley á sunnudaginn kemur kl 14:30.
Vertu með í Fantasy leiknum okkar!