Maggi, Halldór og Friðrik settust niður og svöruðu spurningum frá ykkur ásamt því að fara yfir síðustu leiki United liðanna.
Við viljum endilega fá ykkar álit þannig að virk þáttaka í athugasemdarkerfinu er vel þegin.
Ef þið viljið senda okkur spurningar þá er það hægt á Facebook síðu Rauðu djöflanna.
Hægt er að hlusta á þáttinn í spilaranum hér fyrir ofan auk þess sem hægt er að hala honum niður í gegnum spilarann eða hér að neðan. Jafnframt má gerast áskrifandi að þættinum í gegnum ýmis podkast-forrit:
Gerast áskrifandi í iTunes
Gerast áskrifandi í öðrum forritum
MP3 niðurhal: 66. þáttur
Karl Garðars says
Takk fyrir strákar.
Ekki það allir leikir skipti ekki miklu máli en mér finnst þessi city leikur vera einn sá allra mikilvægasti í langan tíma vegna tímasetningarinnar. Það væri svo stórt að taka þetta og það myndi senda svo stór skilaboð um framhaldið.
Sama hverjir spila, ég ætlast til þess að leikmenn mæti eins og öskrandi ljón og skilji allt eftir á vellinum.
Það mætti setja letiþumal undir podcastið. Ég hlusta alltaf á ykkur en maður nennir kannski ekki alltaf að ropa sömu tugguna í athugasemdir 😉
Robbi Mich says
Tek undir með Karli. Hlusta alltaf (og var kominn með hörð fráhvarfseinkenni að fá ekki vikulega podkast skammtinn minn).
Það sem ég myndi helst vilja nefna er Lukaku. Ekki það að ég vilji ekki að hann skori, því auðvitað vil ég að hann skori sem mest og hjálpi liðinu, en óskaplega er ég glaður að liðið er að spila vel án hans og skora 2 mörk að meðaltali í leik – sem er töluvert betra en liðið hefur gert með hann í liðinu á leiktíðinni. Ég get ekki alveg sett fingur á það hvað það sem er pirrar mig við hann en alveg frá upphafi hefur hann ekki hrifið mig og var reyndar ekki fullkomlega sáttur að fá hann til liðsins. Mér finnst hann bara ekki skemmtileg týpa af framherja. Vantar allan elegance í hann, gerir allt á kraftinum.
Anthony Martial hefur alltaf verið mín vonarstjarna og hann er týpa af leikmanni sem höfðar til mín, flottur tæknilega séð, geggjuð skytta, hraður. Svona humble CR7 týpa. Ef hausinn á honum er rétt skrúfaður á, þá er hann óstöðvandi og það er virkilega gaman að sjá hann loksins stíga upp þegar hann þurfti þess sem mest.