Þá er búið að draga í 8-liða úrslit Evrópudeildarinnar. Leikið verður í Þýskalandi og restin af mótinu kláruð á tímabilinu 10. til 21. ágúst.
Manchester United er í góðri stöðu eftir 5-0 sigur á LASK í fyrri leik liðanna svo það er óhætt að bóka farseðilinn til Þýskalands í ágúst. Seinni leikurinn gegn LASK verður spilaður á tómum Old Trafford miðvikudaginn 5. ágúst, klukkan 19:00.
Mótherji Manchester United í 8-liða úrslitum verður svo annað hvort FC København eða İstanbul Başakşehir.
Ef United fer í gegnum það þá eru mögulegir mótherjar í undanúrslitum:
Olympiacos, Wolves, Sevilla eða Roma.
Á hinum vængnum eru svo þessi lið:
Basel, Frankfurt, Rangers, Bayer Leverkusen, Shakhtar Donetsk, Wolfsburg, Inter og Getafe.
Ef Manchester United fer alla leið í úrslitaleikinn þá mun liðið verða skráð sem heimalið í þeim leik.
Leikirnir sem eru eftir í 16-liða úrslitum verða spilaðir 5. og 6. ágúst, leikirnir í 8-liða úrslitum 10. og 11. ágúst, undanúrslitaleikirnir 16. og 17. ágúst og úrslitaleikurinn verður föstudaginn 21. ágúst.
Liðin sem eftir eru í keppninni:
- Manchester United/LASK (5-0 eftir fyrri leik)
- Basel/Frankfurt (3-0 eftir fyrri leik)
- FC København/İstanbul Başakşehir (0-1 eftir fyrri leik)
- Wolves/Olympiacos (1-1 eftir fyrri leik)
- Rangers/Bayer Leverkusen (1-3 eftir fyrri leik)
- Shakhtar Donetsk/Wolfsburg (2-1 eftir fyrri leik)
- Inter/Getafe (verður útkljáð í einum leik)
- Roma/Sevilla (verður útkljáð í einum leik)
Björn Friðgeir says
Myndi vilja sleppa við Úlfana. Annars skyldusigrar.
Heiðar says
Þetta verður skemmtilegt minimót í Þýskalandi og gott að þurfa bara að spila einn leik í fjórðungs- og undanúrslitum. Miðað við spilamennsku okkar manna undanfarið eiga þeir að vera öruggir í undanúrslit. Vonandi fara þeir alla leið.
Timbo says
Ég vona innilega að við verðum búnir að tryggja okkur í topp 4 áður en það kemur að þessum leikjum. Það yrði mjög mikilvægt að geta gefið byrjunarliðinu 2-3 vikna frí þangað til næsta tímabil hefst.
Ef það tekst ekki þá er þetta championship or bust staða. Það yrði dýrkeypt að byrja næsta tímabil illa og þurfa að grafa okkur upp úr þeirri holu sem við erum að ná okkur út núna.
Halldór Marteins says
Leiktímarnir eru komnir. Ef Manchester United fer alla leið þá spilar liðið á eftirfarandi tímum:
8-liða úrslit:
Mánudaginn 10. ágúst, klukkan 19:00 að íslenskum tíma.
Undanúrslit:
Sunnudaginn 16. ágúst, klukkan 19:00 að íslenskum tíma.
Úrslitaleikur:
Föstudaginn 21. ágúst, klukkan 19:00 að íslenskum tíma.
Allir mögulegir leikir Manchester United verða spilaðir á Stadion Köln.
Cantona no 7 says
Snilldardráttur.
Verðum að taka þetta og FA cup og þrðja sætið í deildinni.
G G M U