Annað kvöld heldur bikarævintýri United áfram. Mótherjinn í þessari umferð er lið West Ham undir stjórn David Moyes. Lundúnarliðið hefur verið á mikilli siglingu undanfarið og hefur verið verðskuldað í baráttunni um Evrópudeildarsæti og er eins og stendur í 6.sæti með jafnmörk stig og Chelsea sem er í 5.sætinu. Einn albesti leikmaður tímabilsins hefur verið tékneski varnartengiliðurinn Tomáš Souček en hann hefur ásamt sínu varnarsinnaða hlutverki verið að skora mikilvæg mörk fyrir liðið. Souček fékk mjög umdeilda brottvísun um helgina gegn Fulham og þykir nokkuð öruggt að leikbannið verði ógilt og því er viðbúið að hann mæti til leiks gegn United. Jesse Lingard gekk til liðs West Ham á dögunum og byrjaði mjög vel með því að skora 2 mörk í sínum fyrsta leik fyrir Moyes. Þar sem Lingard er á láni frá United þá getur hann ekki leikið gegn liðinu það sem eftir lifir tímabils.
Manchester United hefur heilt yfir verið að eiga frekar gott tímabil. Fyrir utan seinni hluta riðlakeppni Meistaradeildarinnar. Liðið er í 2. sæti ensku úrvalsdeildarinnar og sigraði Liverpool í síðustu umferð bikarkeppnarinnar. Síðasti leikur var svekkjandi jafntefli gegn Everton þar sem varnarmenn og David de Gea gerðu sig seka um ansi klaufaleg mistök og láku inn 3 mörkum í seinni hálfleiknum sem er engan veginn boðlegt. Það er því gott fyrir liðið að fá strax annan leik til að bæta fyrir frammistöðu helgarinnar. Eftir síðasta leik þá vil ég sjá Dean Henderson fá tækifærið annað kvöld og jafnvel hreinlega til frambúðar.
Valdi says
Já langar að sjá Dean henda í solid frammistöðu í kvöld og fá svo bara næsta deildarleik líka. Nenni ekki svona aumingjaskap lengur inn i teig. Orðið vandræðalegt hvað De Gea er hræddur við sóknarmenn.
Van der Sar var aldrei kjötaður en djöfull var hann tilbúinn að leggja sig fram að stoppa mörk, nefbrotnaði ansi illa í einu úthlaupi t.d.. Öruggur markvörður gerir það að verkum að vörnin verður öruggari og vice versa.