Erik ten Hag ákvað að henda Rashford á bekkinn og byrja með Garnacho, Zirkzee og Amad sem framlínuna í dag. Eins fékk Eriksen óvænt sæti í byrjunarliðinu eftir frábæra frammistöðu í miðri viku rétt eins og flestir sem byrjuðu í deildarbikarnum fyrir United.
Crystal Palace á Selhurst Park bíður okkar manna
Síðbúin og stutt upphitun fyrir síðdegisleik dagsins. Núna á eftir taka Ernirnir hans Glasner á móti okkur á Selhurst Park en Crystal Palace hefur snúið rækilega við blaðinu eftir að hann tók við stjórn liðsins. Tók hann þá við keflinu af Roy Hodgson í febrúar á þessu ári en síðan þá hefur liðið unnið 19 leiki og tapað fimm og gert jafnmörg jafntefli.
Undir hans stjórn vann liðið frægan 1-0 sigur á Liverpool á síðustu leiktíð en þar með lauk 29 leikja taplausri leikjahrinu Liverpool á Anfield. Þá gerði hans sér lítið fyrir og skellti United 4-0 og í síðustu umferðinni í maí lagði hann Aston Villa 5-0.
Southampton 0:3 Manchester United
Erik ten Hag gaf Úrúgvæanum Manuel Ugarte ekki tækifæri í byrjunarliðinu en í stað Casemiro kom Christian Eriksen. Þá var ekkert pláss fyrir Garnacho en þeir báðir höfðu ferðast til Suður-Ameríku í landsliðsverkefni og eflaust einhver þreyta sem því fylgdi.
Dýrlingarnir taka á móti Rauðu djöflunum!
Þá geta tuðrusparksáhugamenn og -konur komið sér vel fyrir framan skjáinn eftir langt og strembið landsleikjahlé því Enska úrvalsdeildin heldur áfram um helgina. Okkar menn gera sér ferð aftur suður með sjó og að þessu sinni mæta þeir á St. Mary’s Stadium þar sem þeir hitta fyrir nýliðana í Southampton. Síðasta ferðalag okkar suður endaði með 2-1 tapi gegn Brighton sem hefði hæglega geta farið á annan veg á öðrum degi en á milli þessara leikja var svo afhroð á Old Trafford gegn erkifjendunum í Liverpool þar sem liðið steinlá gegn öðru af tveimur efstu liðunum.
Brighton 2:1 Manchester United
Erik ten Hag stillti upp óbreytt lið frá síðustu helgi og var ekkert að flækja hlutina.
24
Onana
20
Dalot
6
Martinez
5
Maguire
3
Mazraoui
37
Mainoo
18
Casemiro
10
Rashford
7
Mount
16
Amad
8
Fernandes
Á bekknum voru þeir : Bayindir, Evans, de Ligt, Eriksen, McTominay, Garnacho, Antony og Zirkzee.
Heimamenn stilltu upp upp í 4-2-3-1:
23
Steele
41
Hinshelwood
5
Dunk
29
van Hecke
34
Veltman
11
Gilmour
6
Milner
22
Mitoma
9
Pedro
17
Minteh
18
Welbeck
Á tréverkinu: Rushworth, Webster, Igor, Lamptey, Baleba, Rutter, Enciso, Ayari og Adingra.
Fyrri hálfleikur
Bæði lið voru að þreifa fyrir sér fyrstu mínúturnar en pressa okkar manna var góð framan af og setti varnarlínu heimamanna oft í vesen. Fyrsta skotið kom þó frá heimamönnum þegar boltinn barst til Joao Pedro nokkuð fyrir utan vítateigsbogann en skotið var laust og svolítið framhjá markinu. Hins vegar fengu gestirnir gott tækifæri eftir útspark frá Onana. Diogo Dalot vann skallaboltann og fleytti boltanum upp vinstri kantinn og náði boltanum sjálfur og kom með ágætis fyrirgjöf á Amad Diallo en skot hans var ónákvæmt og framhjá markinu.