Maggi, Hrólfur, Bjössi og Ragnar settust niður og fóru yfir febrúarmánuð þar sem aðaláherslan var á leikina gegn Barcelona og deildarbikarsigurinn gegn Newcastle.
Rauðu djöflarnir á:
Apple Podcasts
Spotify
MP3 skrá: 109. þáttur
Barcelona
Barcelona 3:0 Manchester United
Manchester United datt í kvöld úr leik í Meistaradeild Evrópu eftir átakanlegt tap á Nývangi í Katalóníu. Lokatölur leiksins 3:0 Barcelona í vil og því samtals 4-0 þar sem Börsungar unnu 0-1 útisigur á Old Trafford fyrir sex dögum síðan. Lionel Messi skoraði fyrstu tvö mörk leiksins með skömmu millibili í fyrri hálfleik og fyrrum Liverpool leikmaðurinn Philippe Coutinho skoraði með góðu skoti í síðari hálfleik án þess að leikmenn United gætu rönd við reist.
Barcelona á morgun | Tekst Ole aftur það ómögulega á Nývangi?
Þann 26. maí verða slétt 20 ár síðan Ole Gunnar Solskjær skoraði markið sem kom honum endanlega í sögubækur Manchester United. Þann 26. maí verða slétt 20 ár síðan Solskjær renndi sér á hnjánum í átt að stuðningsmönnum Manchester United sem hver einn og einasti í einhverri mestu sæluvímu sem fyrirfinnst. Þann 26. maí verða slétt 20 ár síðan Manchester Untied bauð upp á eina ótrúlegustu endurkomu knattspyrnusögunnar.
Risaleikur á Old Trafford – Barcelona í heimsókn
Það er risaslagur á morgun. Eitt af þremur bestu liðum Evrópu síðustu tíu árin kemur í heimsókn. Besti leikmaður í heimi leikur á móti besta miðverði í heimi, af þeim miðvörðum sem heita Chris Smalling.
Já það er örlítið öðruvísi stemming en oft áður þegar United og Barcelona mætast. Síðustu tvö skipti var það í úrslitaleik Meistaradeildarinnar, 2009 þegar brugðið hefði getað til beggja vona, en Barcelona vann og svo 2011 þegar Barcelona sýndi mátt sinn og megin og vann auðveldlega. Þar á undan var það auðvitað Paul Scholes sem smellti United í úrslitaleikinn 2008, sællar minningar. Það er ekki hægt annað en að mæla með grein Rob Smyth um fyrri viðureignir liðanna, þar er margt konfektið!
Manchester United mætir Barcelona í fjórðungsúrslitum Meistaradeildarinnar
Áðan var dregið í Meistaradeildinni og Manchester United mætir Barcelona 10. og 16. apríl!
Heimaleikurinn er 10. apríl og útileikurinn viku síðar.
Ef United vinnur bug á Barca, bíður Liverpool, nú eða Porto í undanúrslitum
Hinu megin mætir Tottenham Manchester City, og Ajax keppir við Juventus.
Leikjaplanið í apríl verður þá einhvern veginn svona
2. apríl – Wolves (Ú)
6. apríl – Bikarundanúrslit ef við vinnum Úlfana á morgun.
10. apríl – Barcelona (H)
13. apríl – West Ham (H)
16. apríl – Barcelona (Ú)
21. apríl – Everton (Ú)
24. apríl – Manchester City (H)
28. apríl – Chelsea (H)
30. apríl/1. maí. Undanúrslit Meistaradeildarinnar… ef og þegar