Manchester United sigraði Chelsea í kvöld með tveimur mörkum gegn engu. Munurinn á liðunum fyrir þennan leik var sex stig en United hefur fengið ótalmörg tækifæri til að saxa á forystu eða hreinlega fara yfir Chelsea í deildinni. Oftar en ekki hitti það þannig á að liðin töpuðu oft stigum á sama tíma og má því segja að Chelsea hafi verið að græða á því í vetur hvað Arsena, United og Tottenham hafa verið slök.
Chelsea
Manchester United fer til Stamford Bridge
Annað kvöld fer fram þriðja viðureign Manchester United og Chelsea. Fyrsti leikur liðanna tímabilinu fór fram á Old Trafford þar sem United sigraði 4:0 og gaf stuðningsfólki falska von um tímabilið framundan.
Gengi liðanna hefur verið ólíkt frá því. Chelsea er meira og minna búið að sitja í 4. sæti deildarinnar þrátt fyrir næg tækifæri fyrir United að saxa almennilega á forystuna. Svo slæmt hefur þetta verið í síðustu umferðum að United situr nú í 9. sæti og er sex stigum á eftir Chelsea og fimm stigum á eftir Tottenham sem læddist í dag uppí 5. sætið. Sigur á morgun er lífsnauðsynlegur sérstaklega ljósi þess að möguleiki er á því að 5. sætið gefi sæti í Meistaradeild Evrópu í kjölfar dóms UEFA á Manchester City. En það koma fljótlega í ljós.
Manchester United 4:0 Chelsea
Í dag mætti United í fyrsta leik tímabilsins en mótherjar dagsins voru lærisveinar Frank Lampard í Chelsea. Þetta var frumraun Lampard sem stjóri í ensku Úrvalsdeildinni. Ole Gunnar Solskjær stillti upp í 4-2-3-1 eins og í hart nær öllum leikjum undirbúningstímabilsins með Paul Pogba og Scott McTominay fyrir aftan Andreas Pereira á miðjunni. Gífurlega ungt lið United steig út á völlinn í dag en meðalaldur útileikmanna náði ekki 24 árum. Leikurinn var sá síðasti í fyrstu umferðinni en öll hin stóru liðin tóku 3 stig úr sínum leikjum og því enn mikilvægara að ná í öll þrjú stigin úr þessum leik fyrir bæði liðin.
Manchester Utd 1:1 Chelsea
United stimplaði sig út úr baráttunni um 4. sætið í dag. Liðið byrjaði leikinn mjög vel og skoraði Juan Mata laglegt mark eftir gott samspil liðsins. Undir lok hálfleiksins gerði De Gea enn ein mistökin sem urðu til þess að Chelsea náði að jafna þennan leik. Þetta virtist slökkva alveg í þessu liði sem hefur andlegan styrk á við plastpoka. Seinni hálfleikurinn var ekki mikið fyrir augað og ákvað dómari leiksins að vera í stíl. Marcus Rojo var mjög heppinn að fá ekki rautt spjald en hann átti tvær ljótar tæklingar í leiknum. 1:1 jafntefli staðreynd í döprum fótboltaleik.
United tekur á móti Chelsea
Eftir rosalega svekkjandi úrslit og frammistöður undanfarið er komið að enn einum leiknum sem verður að sigrast. Chelsea liðið er eitt af þessum liðum sem eru að berjast um þessi 3-4 sæti við Tottenham, Arsenal og United. Í raun er þetta Chelsea lið það eina sem virðist eiga raunhæfa möguleika á að ná Tottenham. Gengi United hefur verið skelfilegt frá seinni leiknum gegn PSG og eru hveitabrauðsdagarnir hvergi í sjónmáli. Lykilmenn liðsins hafa verið að bregðast í síðustu leikjum og þegar menn eins og David de Gea eru farnir að gera regluleg mistök er fokið í flest skjól.