Rauðu djöflarnir

Daley Blind

Staðfest

Daley Blind farinn heim til Ajax *staðfest*

skrifaði þann | Engin ummæli

Í gærkvöld staðfesti United það sem legið hafði í loftinu: United og Ajax höfðu komist að samkomulagi um verð á Daley Blind og hann heldur aftur til Ajax. Verðið 14,6 milljónir punda og hugsanlega fjórar milljónir í aukagreiðslur, og nú hefur United staðfest að Daley er farinn

Ferill Blind hjá United var alveg þokkalegur þessi fjögur ár, þó síðasta tímabil hafi hann ekki komið við sögu. Hans verður helst minnst fyrir geysigóðan leik í úrslitum Evrópudeildarinnar gegn Ajax í fyrravor en var að öðru leyti allrahandsmiður í vörninni, sem miðvörður og vinstri bakvörður þegar þurfti. Hans besta staða er líklega afturliggjandi miðjumaður en hann fékk fá tækifæri sem slíkur og var líklega ekki nógu sterkur til að gegna því hlutverki í Englandi. Lesa meira

Djöflavarpið

Djöflavarpið 42. þáttur – Zlatan snýr aftur

skrifaði þann | 1 ummæli

Maggi, Björn og Halldór settust niður og ræddu stórsigrana gegn West Ham og Swansea. Einnig var komið inná endurkomu Zlatan Ibrahimovic sem gæti jafnvel gerst í þessari viku. Svo svöruðu þeir spurningunni hvort einhver leikmaður muni bætast í hópinn í þessum glugga.

Hægt er að hlusta á þáttinn í spilaranum hér fyrir ofan auk þess sem hægt er að hala honum niður í gegnum spilarann eða hér að neðan. Jafnframt má gerast áskrifandi að þættinum í gegnum ýmis podkast-forrit: Lesa meira

Enska úrvalsdeildin

Manchester United 3:1 Sunderland

skrifaði þann | 9 ummæli

Það verður seint sagt að endurkomu David Moyes á Old Trafford hafi verið beðið eftir með mikilli eftirvæntingu. Flestir vilja sjálfsagt gleyma því að hann hafi nokkurn tímann stýrt Manchester United. En hann hefur það víst á ferilskránni og var mættur á sinn gamla heimavöll í dag með John O’Shea og félaga í Sunderland. Gamli squadplayerkóngurinn O’Shea var þó á bekknum í dag. Byrjunarlið Manchester United í leiknum var á þessa leið: Lesa meira

Leikmaður mánaðarins

Leikmaður septembermánaðar 2016

skrifaði þann | 6 ummæli

Það var ekki hátt risið á leikmönnum og stuðningsfólki Manchester United eftir skelfilega viku þar sem þrír leikir töpuðust. Fyrst komu meistaraefni Pep Guardiola í heimsókn og var það virkilega svekkjandi frammistaða en svo sem ekkert stórslys. Í kjölfarið kom útileikur í Evrópudeildinni þar sem liðið tapaði eftir kolólöglegt mark heimamanna í Feyenoord. Svo kom leikurinn gegn Watford. Liðið var aldrei almennilega í sambandi í þeim leik og ekki hjálpaði að Watford tók forystuna í fyrri hálfleiknum með mjög umdeildu marki. United náði þó að jafna leikinn og stjórnaði leiknum algjörlega eftir það en fékk samt á sig tvö mörk til viðbótar og tapaði 1:3. Lesa meira

Leikmaður mánaðarins

Leikmaður ágústmánaðar 2016

skrifaði þann | Engin ummæli

Við á Rauðu djöflunum höfum ákveðið að grafa upp gamlan lið á síðunni þar sem við á ritstjórninni tilfefnum fjóra leikmenn sem þið lesendur kjósið um.

Ágústmánuður var mjög góður fyrir okkur United fólk. Fjórir leikir og fjórir sigrar. José Mourinho hefur þegar tekist að bæta spilamennskuna og sóknarleikurinn hefur skánað til muna.

Tilnefndir þennan mánuðinn eru: Lesa meira