Byrjum á viðvörun: Leikurinn hefst kl 15:50 á morgun að íslenskum tíma!
Þar sem sæti United í 32 liða úrslitum Evrópudeildarinnar er tryggt var það von allra að nokkrir unglingar fengju að spreyta sig í næstu leikjum. Það gat þó enginn búist við því liði sem Ole Gunnar Solskjær fór með til Kasakstan í gær. Hugmyndin er án efa sú að leyfa byrjunarliðinu að sleppa við langt og erfitt ferðalag og fimbulkuldann í Nur-Sultana, þó leikurinn fari fram undir þaki í þolanlegu hitastigi. Að auki eru aðalliðsþjálfararnir Michael Carrick og Kieran McKenna skildir eftir en Nicky Butt er mættur til að hjálpa til við að stjórna unglingunum sem hann þekkir vel
Evrópudeildin