Það getur hafa verið misráðið að opna svona rétt fyrir landsleikjahlé, en það verður að venjast eins og annað.
Lítið að frétta af okkar mönnum, engin opin bréf og svona þannig að við minnumst á það helst að Joshua King, leikmaður varaliðsins er í Noregshópnum sem kemur til Íslands í vikunni. King hefur verið á láni hér og þar, var hjá Borussia Mönchengladbach og Hull í fyrra, spilaði lítið hjá ‘Gladbach en nokkuð hjá Hull, helst á kantinum og skv viðtali við hann í Verdens Gang í morgun tekur hann það fram fyrir að spila frammi. Þetta val King í landsliðið kemur á óvart í Noregi en Egil Olsen er að yngja allverulega upp í landsliðinu.
Dimitar Berbatov hefur kvatt United en hann kvaddi ekki Sir Alex, og lætur hafa eftir sér að hann hafi misst virðingu að hluta fyrir Sir Alex eftir að hann var ekki látinn spila en samt sífellt sagt að hann væri mikilvægur leikmaður og mætti ekki fara. Að vissu leyti skiljanlegt viðhorf, og líklega rétt sem Dimitar segir að hann hefði átt að fara eftir að hafa verið settur út úr hópnum fyrir úrslitaleikinn í Meistaradeildinni í fyrravor.
Annars er orðið laust.
Árni Þórður says
Ég verð eiginlega að fá að lýsa yfir ánægju minni með það að Berba, Parkarinn og Owen séu farnir þrátt fyrir að Berba er enn þá í hjarta mínu fyrir þrennuna sína gegn Liverpool um árið og Parkarinn fyrir bara að vera Parkarinn, mun sakna dugnað og vinnusemi hans og auðvitað Owen fyrir markið gegn City á 95 mín. en þeirra tíma var liðin í United treyju.
Árni Þ.
Pillinn says
Já er sammála. Hef alltaf verið hrifinn af Berbatov en því miður þá gekk þetta ekki alveg. Allir menn sem ég er samt sáttur við að hafi verið í Utd. stóðu sig mjög vel. Owen var náttúrulega mjög óheppinn með meiðsli eins og Owen Hargreaves en mjög góðir leikmenn og ég hef aldrei verið fúll út í þá. Owen skoraði ágætlega mikið af mörkum miðað við hvað hann spilaði lítið, spilaði auðvitað á móti lakari mótherjum en sama.
jóhann Ingi Guðmundsson says
Verð bara að segja að ég sé ekki eftir honum Berba kallinum og ekki neinum sem hefur farið síðustu 2 árin eða svo. Höfum hinsvegar gert góð kaup á leikmannamarkaðnum. Með Van Persie frammi þá erum við að fara að skora búnka af mörkum það er alveg á hreinu.
Áfram Man U
Birkir Freyr says
ég á alltaf eftir að sakna Berbatov sem að mínu mati er einn mesti töframaður sem utd hefur haft innan sinna raða !! algjörlega frábær leikmaður!
arnór says
Krossum fingur og vonum að Huntelaar fái 90 mínútur… nú skil ég loks þá skelfingu sem fylgt hefur landsleikjahléum fyrir arsenal menn síðustu árin.
Ingi Ernir. says
Ég var og er mikill Berba maður. Algjör synd að sjá hann fara.
Ég fílaði Owen líka alltaf, þótt hann var í Liverpool þá bar ég virðingu fyrir honum. Hreinræktaður senter. Ömurlegt að sjá hans feril vera með svona langa og erfiða meiðslasögu. Þegar hann var heill og fékk tækifærið þá skoraði hann, nánast undantekningalaust.