Kosning á besta leikmanni United í mars er lokið og hafa lesendur síðunnar kosið Michael Carrick með 41% atkvæða en David De Gea varð í öðru sæti með 38%. Þessir tveir leikmenn höfðu mikla yfirburði því næstur á eftir þeim kom Nemanja Vidic með 8% atkvæða.
Carrick hefur ásamt Evra spilað mest allra leikmanna United í vetur eða 36 leiki. Það er engin tilviljun því það hefur sýnt sig í vetur, og kannski sérstaklega núna á endasprettinum, að þegar Carrick er ekki með þá er liðið svolítið brothætt aftast á vellinum. Mikilvægi hans fær mann stundum til að velta því fyrir sér hvað myndi gerast ef hann yrði frá í lengri tíma. Ekki það að ég haldi að allt myndi hrynja, held að liðið myndi alveg spjara sig, en ég tek undir með þeim sem segja að liðinu vanti annan leikmann eins Carrick, sérstaklega þar sem óvíst er hvort Fletcher nokkurn tímann komist aftur í sitt fyrra form.
Kannski að Ferguson kaupi bara Falcao í sumar og í kjölfarið færi RVP í sóknartengiliðinn, og svo Rooney aftur í varnartengiliðinn! Ha, ekki?
DMS says
Mér finnst reyndar til mun vitlausari hugmyndir en að færa Rooney á miðjuna. Held að hann geti alveg spjarað sig þar, vinnusamar, fínar sendingar og með ágætis auga fyrir spili.
DMS says
*vinnusamur
siggi utd maður says
Rooney er alveg vonlaus þegar kemur að taktík. Þó svo að ég viti að menn hérna inni séu ekki sammála mér, þá finnst mér hann ekki einu sinni vinnusamur. Hann er baráttuglaður, en þegar það kemur að honum að verjast sem partur af heild er hann úti á túni. Hans hlutverk varnarlega á móti barca á Wembley var að passa að buskets( stafs.) fengi ekki nægan tíma á boltanum. Hann var aldrei nálægt honum. Svo Welbeck var valinn fram yfir Wazza til að dekka Alonso á móti Madrid. Rooney verður aldrei miðjumaður fyrir united, hann er bara alltof stöðuvilltur.