Þar kom að því, nýtt og ferskt og þokkalega áreiðanlegt slúður!
Og þá er það að Thomas Vermaelen hafi samþykkt samning við United og nú eigi bara eftir að ganga frá kaupverði við Arsenal. Vermaelen á ár eftir af samningi og því ætti Arsenal ekki að geta heimtað mikið.
Það er ekki hægt að segja að þetta séu flottustu fréttirnar. Vermaelen er búinn að vera fimm ár hjá Arsenal, stóð sig vel í fyrstu en hefur verið nokkuð meiddur undanfarið. Hann var valinn fyrirliði liðsins eftir að Van Persie fór, en hefur ekki átt fast sæti í liðinu í vetur.
Ef satt er þá er þetta í mesta lagi þokkalegur díll, Van Gaal að vonast til að fá hann í sitt fyrra Arsenal form og þá líklega þannig að þessi þrír yngri miðverðir okkar nái að læra eitthvað og taka svo skrefið upp. En hann er ekki alveg þessi heimsklassa miðvörður sem flestir eru að vonast eftir, amk ekki síðustu tvö ár. Sagt er að lykilatriði í þessu sé að Vermaelen sé með sama umboðsmann og Van Persie. Úff…
Þórhallur Helgason says
Ég held reyndar að þetta gætu verið sniðug kaup. Það er vissulega rétt að Vermaelen hefur verið mikið meiddur undanfarið, en margir leikmenn hafa lent í löngum meiðslum en hafa svo komið til baka og gert magnaða hluti. Má þar t.d. nefna Robin van Persie og jafnvel Aaron Ramsey. Málið er að Vermaelen er ekki lélegur leikmaður, alls ekki, annars væri hann ekki í belgíska landsliðinu sem er í dag eitt best mannaða landsliðið í heiminum. Ef hægt er að fá hann fyrir lítinn pening myndi ég hiklaust stökkva á þann díl…
DMS says
Þetta er allaveg skárri díll en þegar Arsenal ákvað að fá Mikael Silvestre til sín.
Ef það er hægt að keyra Vermalen í gang í sitt gamla form þá er þetta flottur varnarmaður. Vonandi bara að hann haldist heill. Við eigum fyrir tvo varnarmenn sem meiðast mjög oft (Evans og Jones).
Björn Friðgeir says
Þó Telegraph kynni þetta sem „Exclusive“ þá er slúðrið ættað frá Het Laatse Nieuws í Belgíu skv þessu
http://sportwitness.ning.com/forum/topics/vermaelen-to-manchester-united-started-in-belgium-on-sunday-night
Umbi Vermaelen er svo búinn að neita því að nokkrir samningar hafi náðst.
Kjartan says
Ef þetta ber merki um það sem koma skal þá erum við í vondum málum. Ferillinn hjá belganum hefur legið niðrá við að undanförnu og hann er búinn að vera mikið meiddur. Það er varla pláss hjá sjúkraþjálfara Man Utd fyrir enn einn meiddan miðvörðin, Smalling og Jones eru þar tíðir gestir og líklegast fáum við að sjá nokkra leiki með Carrick í miðverði.
Ég er bara hundóánægður með þessar fréttir og sé ekkert jákvætt við þær.
Runólfur says
Talsvert skárra slúður þó en þær sögusagnir að við séum að kaupa 29 ára Brasilískan varnarmann sem kemst ekki í 23 manna hóp Brasiliíu á heilar 30 milljónir evra. Ef það fer í gegn þá eru menn þarna svo sannarlega búnir að missa vitið.