Rauðu djöflarnir

Félagaskipti Opin umræða Slúður

Lokadagur félagaskiptagluggans

skrifaði þann | 5 ummæli

00:02 Darren Fletcher er orðinn leikmaður West Bromwich Albion. Við þökkum honum samfylgdina og búumst allt eins við að sjá hann síðar meir sem þjálfara hjá United.

23:57 UNITED FÆR ANDY KELLETT AÐ LÁNI FRÁ BOLTON WANDERERS.  Jahér. Kellett er 21 ára varnarmaður sem búinn er að vera að spila sem lánsmaður fyrir Plymouth Argyle í D-deildinni í vetur. Ef einhver heldur að við séum að redda okkur hægri bakverði þá er það misskilningur. Kellett er nefnilega vinstri bakvörður. Kellett er án efa hugsaður fyrir U21 liðið sem er nú reyndar orðið mjög þunnskipað eftir öll útlánin

Saidi Janko er farinn í hina áttina og verður hjá Bolton út tímabilið

23.00 – Glugginn er lokaður. Félög hafa þó einhvern frest til þess að ganga frá lausum endum og við gerum fastlega ráð fyrir því að WBA nái að klára kaupin á Darren Fletcher. Frekar tíðindalítill gluggi hjá okkar mönnum en ágætt þó að ná að losna við nokkra leikmenn sem voru á háum launum án þess að spila mikið. Það verður þó eftirsjá eftir Darren Fletcher enda hefur hann verið frábær liðsmaður Manchester United í gegnum árin. Við þökkum samfylgdina og sjá má lista yfir kaup og sölur United í þessum glugga neðst í þessari færslu.

22.59 – Lingard er farinn á lán til Derby út tímabilið. Saidy Janko gæti farið til Bolton á láni

22.30 – [STAÐFEST] Zaha er farinn til Crystal Palace. Farið hefur fé betra.

21.15 – Darren Fletcher virðist vera á leið til WBA. Hann er að fara í læknisskoðun þar

Að auki hafa Derby og fleiri félög áhuga á að fá Jesse Lingard lánaðan:

19.10 – Það virðist vera fullkomnlega við hæfi að Zaha tilkynni sjálfur um að hann sé farinn til Palace áður en að félögin fái tækifæri til þess:

18.30 – Palace er víst ekki alveg búið að ganga frá kaupum á Zaha en það virðist vera að mjakast nær:

17.20 – Wilfried Zaha er genginn til liðs við Crystal Palace. Kaupverð er óuppgefið. Hann spilaði 4 leiki fyrir United og kostaði 15 milljónir punda. Hann var síðasti leikmaðurinn sem Sir Alex Ferguson keypti til United og það er hægt að færa ágætis rök fyrir því að þetta hafi verið þau verstu:

17.00 – Það lítur út fyrir að United hafi verið kaupa 16 ára leikmann frá Valenciennes í Frakklandi. Dayot Upacameno heitir kauði og er frá Frakklandi. Miðvörður og unglingalandsliðsmaður. Kaupverð talið vera 450.000 evrur. Þetta segja franskir miðlar.

16.55 – Fyrsta [STAÐFEST] mætt á svæðið:

16.30 – Tom Cleverley mun klára lán sitt hjá Aston Villa en fer svo líklegast til Everton í sumar þegar samningur hans við United rennur út 15:10 – Anderson er í læknisskoðun hjá Internacional og skv fregnum búið að segja upp samningi hans við United. Ekkert sem gæti HUGSANLEGA klikkað í læknisskoðunni… United er svo víst að hóta að kalla Cleverley til baka úr láninu hjá Villa ef Villa nýtir ekki kaupréttarákvæðið. 12.30 – Eitthvað hefur verið slúðrað um að Januzaj sé að fara á láni. Helst var talað um Everton en Louis van Gaal neitaði að lána hann til PSG. Nú er komið í ljós að hann er ekki að fara neitt:


11.30 – Hver þarf blaðamenn? Í nýjustu bloggfærslu sinni óskar Juan Mata Anderson góðs gengis í Brasilíu. Reiknum fastlega með því að tími Anderson á Old Trafford sé því formlega liðinn. United er líka tilbúið að losa sig við Wilfried Zaha en aðeins fyrir rétt verð.

08:30 – Express hafa ekki heyrt fréttina um að ekkert eigi að gerast á Old Trafford í dag og segja frá því að United ætli að kaupa Mats Hummels og Kevin de Bruyne í dag. Í traustari fréttamennsku segir MEN að Everton hafi áhuga á að taka Adnan Januzaj að láni. ITV færði okkur þessar fréttir

08.00 – Fastlega má gera ráð fyrir að það verði meira að gera í ÚT-dálkinum fremur en INN-dálkinum. Darren Fletcher gæti enn farið, þó að samningar hafi ekki náðst við West Ham. WBA ku hafa áhuga. Anderson á að vera í viðræðum við brasilísk lið og Wilfried Zaha hefur einnig verið orðaður við sölu til Crystal Palace.

07.00 – Það hafa ekki verið miklir flugeldar hjá okkar mönnum né öðrum liðum núna í janúarglugganum. Núna fyrir helgi og um helgi hefur eitthvað verið hvíslað um að United sé að undirbúa tilboð á lokametrunum í miðvörð og hafa þá þeir félagar Hummels og Laporte auk Marquinhos helst verið nefndir til sögunnar. Innvígðir blaðamenn hafa þó ekki mikla trú á því að eitthvað gerist og um kvöldmatarleyti í gær birtu nokkrir blaðamenn helstu miðla á Bretlandi svipuð tíst:

Augljóst að þeir hafi fengið þessi skilaboð frá sínum heimildarmönnum innan United. Nú er bara að bíða og sjá hvort að þetta reynist rétt eða hvort að við fáum einhverja flugeldasýningu eins og á lokadegi sumargluggans. Þetta hefur þó ekki verið alveg hljóðlátur gluggi. Hér er listi yfir þá sem hafa komið og farið núna í janúar:

Inn

Victor Valdes Frjáls sala
Sadiq El Fitouri Kaupverð óuppgefið – Salford City
Andy Kellett Lán út tímabilið – Frá Bolton

Út

Michael Keane Kaupverð talið vera £2.000.000 – Burnley
Marnick Vermijl Kaupverð óuppgefið – Sheff Wed.
Wilfried Zaha Kaupverð talið vera £6.000.000 – Crystal Palace
Jesse Lingard Lán út tímabilið – Derby
Joe Rothwell Lán út tímabilið – Blackpool
Ben Amos Lán út tímabilið – Bolton
Saidi Janko Lán út tímabilið – Bolton
Ben Pearson Lán í 1 mánuð – Barnsley
Sam Johnstone Lán út tímabilið – Preston
Will Keane Lán út tímabilið – Sheff Wed.

Reader Interactions

Comments

  1. Fletcher er góður í klefanum en hann fer bara ef hann vill, svipað og var með Park, bara að fá meiri leiktíma.
    Það sem var samt sorglegt með Park er að Fergie vildi að hann færi til að spila en hann tók bara 1-2 season með QPR og PSV og svo hætti hann bara 31-32 ára sem er bara grín miðað við vinnuaflið og og þolið sem hann hefur, ég hef sjaldan séð annað eins.

    Fletcher er ekki ósvipaður þar sem hann hefur vinnukraft en hann fer bara ef hann vill.
    Fínt að tekið sé til í liðinu, Anderson og Zaha fara þá líka.

    Ég vill allavega fá Powell og Nani aftur, nice að hafa þá.

  2. Svo eru Will Keane og Ben Pearson fínustu talent, væri fínt ef þeir fengju að spreyta sig einhverntímann.
    Blackett fékk að spreyta sig en McNair hefur staðið sig mikið betur undir pressu

  3. Þessi kaup Fergie á Zaha eru fremur undarleg. Kallinn hefur væntanlega verið búinn að ákveða að hætta um vorið og kaupir hann í janúar. Kannski var þetta bara classic gamble, hann hataði það nú ekkert. Sáum það nú í kaupunum á Bebe líka.

    Miðað við það sem maður hefur heyrt af Zaha þá virðist vanta ansi mikið upp á hugarfarið hjá honum. Held því miður að hann verði aldrei í heimsklassa.

    Vonandi fyrir Anderson að hann nái ferlinum í gang aftur. Fletcher á allt gott skilið, hann er United maður í gegn. Vonandi finnur hann sér félag þar sem hann mun fá spilatíma og verður sáttur.

  4. Frábær gluggi! Við bættum akkúrat í þær stöður sem okkur vantaði. Markmannstaðan hefur verið okkar veikasti hlekkur í ár, svo Valdes kemur sterkurinn. Ég hoppaði að kæti þegar ég las að við hefðum fengið ANDY KELLETT að láni út tímabilið frá Bolton, þvílíkt útspil og þvílikur fengur! Nú er ekki spurningin hvort við náum 4. sætinu heldur hvort við náum að stela dollunni af Chelsea! Árangur áfram ekkert stopp!

    Sjaldan upplifað jafn óspennandi glugga. Cuadrado til Chelsea munu eflaust reynast snilldarkaup á þessum prís, spurning hvar þeir ætla að láta hann passa með Willian og Oscar í núverandi formi.

Skildu eftir svar

Netfang þitt verður ekki birt. Nauðsynlegir reitir eru merktir *