Portúgalski landsliðsmaðurinn Nani hefur gengið til liðs við Fenerbahce í Tyrklandi. Kaupverðið er um fjórar milljónir punda og er samningurinn til þriggja ára.
Nani var aldrei í náðinni hjá Louis van Gaal og var framtíð hans hjá liðinu í raun ráðinn síðasta sumar þegar hann var lánaður til uppeldisliðs síns Sporting í Lissabon. Reyndar átti hann mjög gott tímabil þar og lék mjög t.d. í Meistaradeild Evrópu. Í vor varð hann portúgalskur meistari með Sporting.
Á ferli sínum hjá Manchester United hefur Nani unnið fjölmörg verðlaun með félaginu. Fjórir Englandsmeistaratitlar, einn meistaradeildartitill, deildarbikar, heimsmeistarar félagsliða og fjórir samfélagskildir.
Tímabilið 2010-2011 var hann valinn í lið ársins í ensku úrvalsdeildinni og var valinn leikmaður ársins af liðsfélögum sínum. Í nóvember skrifaði Tryggvi Pál þennan flotta pistil um Nani.
Nani verður minnst af mörgum sem rosalega hæfileikaríks leikmanns sem vantaði alltaf smá uppá að hann kæmist í heimsklassa. Það þótti vægast sagt undarlegt þegar Moyes lét hann fá 5 ára samning árið 2013. Það er ljóst að með brottför Nani og Falcao að losna mun mikið pláss á launareikningnum.
https://www.youtube.com/watch?v=1bw-8KtVI_Q
panzer says
Stórkostlegir hæfilegir en Þessi fíni pistill um Nani frá því í fyrra segir allt sem segja þarf. Við erum með betri leikmenn í hans stöðu í dag og eðilegt að leiðir skilji. Gangi honum samt vel á Tyrklandi – nema ef United þarf að spila á móti Fenerbache í CL umspilinu!
Ég veit að Nani er víst á fáranlega góðum (fyrir Nani!) samning þökk sé herra Moyes, en hvaða grín er 4m?! Er þetta eitthvað ‘damange control’, er hann virkilega á svo góðum samning að það yrði of dýrt taka sénsins á að önnut lið væru til að borga eðlilegt verð?
Ef Bébé kostar 7m þá kostar Nani allavega 8.5m!! :)
Auðunn says
Maður var alltaf að bíða og vona eftir því að Nani myndi springa út en eins og með Anderson þá gafst maður bara upp þeirri bið.
Því miður þá er hann einn af þessum leikmönnum sem höfðu nánast allt sem þurfti nema ákvarðanartökur, þær féllu honum einfaldlega of sjaldan í lið.
klárlega rétt ákvörðun hjá honum og United, hann var kominn á endastöð hjá klúbbnum.
Hjörtur says
Það hefur ef ég man rétt tíðkast hjá MU að borga himinháar upphæðir fyrir leikmenn, en láta þá svo frítt, eða fyrir einhverja smá aura (Ronaldo undanskilin).
DMS says
Getur ekki spilað inn í þetta lága kaupverð að leikmaðurinn var á mjög dýrum samningi hjá United? Kannski ódýrara til lengri tíma fyrir okkur að selja hann núna ódýrt heldur en að halda honum, borga launin og bíða eftir hærra kauptilboði.
En gangi Nani sem allra best. Það vantaði oft svo lítið upp á að þessi leikmaður yrði gjörsamlega frábær. Átti oft geggjaða spretti en svo komu lægðirnar inn á milli.
Rúnar Þór says
Þann 2.mars 2013 fór ég í mína fyrstu (og einu) ferð mína á Old Trafford í boði Manchester United klúbbsins á Íslandi. Þar sá ég okkar menn leggja Norwich að velli 4-0 þar sem Shinji Kagawa skoraði þrennu og Rooney 1 mark. Eftir leik beið ég fyrir utan völlinn þar til allir voru farnir, þar fékk ég bolamynd með Nani. Hann var virkilega nice gæji og það er því með sorg í Manchester hjartanu mínu að ég kveð Nani. Hann er virkilega góður leikmaður en eins og allir vita þá vantaði bara stöðugleika, en hann mun alltaf eiga sérstakan stað í mínu lífi þar sem hann er sá eini sem ég hef hitt :)
Rúnar Þór says
væri góð bæting á þessa síðu að geta sent myndir í commentunum. T.d. myndin með Nani :)
Runólfur Trausti says
Þetta Youtube myndband segir samt allt sem segja þarf. Á réttum degi var Nani „unplayable“. Ég get þó ekki hrist af mér þá hugsun að Sir Alex eigi sinn þátt í hversu óstöðugur Nani var í gegnum árin. Manni fannst hann alltaf inn og út úr liðinu á meðan margir aðrir áttu fast sæti þrátt fyrir að eiga ekki alltaf sínu bestu leiki.
Nani er góð Ef og Hefði saga en guð minn góður hann var góður þegar hann var góður.