Þáttur nr. 17 er kominn í loftið. Að þessu sinni ræddu Runólfur, Tryggvi Páll, Björn og Maggi gengi liðsins undanfarnar vikur, markaleysið, varnarleikinn, Pep Guardiola og Louis van Gaal og ýmislegt fleira.
Hægt er að hlusta á þáttinn í spilaranum hér fyrir ofan auk þess sem hægt er að hala honum niður í gegnum spilarann eða hér að neðan. Jafnframt má gerast áskrifandi að þættinum í gegnum ýmis podkast-forrit:
Gerast áskrifandi í iTunes
Gerast áskrifandi í öðrum forritum
MP3 niðurhal: 17.þáttur
Elmar says
takk fyrir mig! Er á þvi að Herrera sé lykilmaður á miðjunni og mér finnst eins og hann eigi að spila alla leiki ef heill. Vill hafa hann á miðri miðjunni á móti litlu liðunum en ef kallinn vill hafa tvo holding á stóru leikjunum þá á Herrera að vera í holunni. Fáránlega vanmetinn leikmaður og það að hann sé ekki alltaf í byrjunarliðinu og ekki í spænska landsliðshópnum er í besta falli hlægilegt.
Memphis er allur að koma til kallinn og ég hef trú á honum, vill allan daginn frekar hafa hann í byrjunarliðinu en Rooney. Það er margt spennandi og jákvætt í þessum hóp okkar en vonandi fara sóknaraðgerðir okkar að vera betri með tíð og tíma.
Bjarni Ellertsson says
Góður þáttur, gaman að heyra skoðanir annarra. Að mörgu leiti sammála því að hafa Herrera í liðinu þegar hann er heill en að hafa 2 holding jálka á miðjunni í nær öllum leikjum hef ég aldrei skilið nema ef annar þeirra væri box to box leikmaður. Í mínum huga er nóg að hafa einn nema að vörnin sé talin svo hriplek að hún þurfi þennan stuðning. En er það kannski málið, telur LVG að vörnin sé svo slök að það þurfi tvo fyrir framan hana, þá erum við með sex leikmenn í vörn og einum færri til að leika sér í sókninni. En er þetta ekki bara spurning um að sleppa beislinu af nokkrum leikmönnum og gefa þeim frelsi til athafna, þessi hópur á vel að geta spilað sig í gegnum varnirnar eins hvert annað lið. Eins og þið komuð inná þá er einnig hreyfing án bolta takmörkuð, pressa nánast engin eða á fáum mönnum.
Deildin er orðin jafnari en áður, fleiri lið með marga góða leikmenn og þarf leiðandi mörg lið að berjast um topp fjögur sætin þannig lítið má útaf bera eins og dæmin sanna. En til að halda út fram á vor þarf að bæta við hópinn, helst í janúar og vona ég að við löndum leikmann sem smellpassar í liðið. Samt trúi ég á það að hópurinn sé nægilega góður til að gera góða hluti í vetur en því miður hefur það ekki kikkað inn, þó staðan sé vænleg.
Keane says
Rooney fúnkerar bara ekki lengur, hann virðist bara útbrunninn. Við getum þakkað Moyes það að hann er ekkert á leiðinni í burtu í bráð. Það væri fyrsta skrefið í rétta átt hvað varðar sóknarleikinn allavega. Það er bara sorglegt að horfa uppá manninn spila fótbolta, leik eftir leik, touch-ið farið.