Lið United í þessum leik kom ekki á óvart
Varamenn: Heaton, Maguire, Lindelöf, Dalot (67′), Malacia, Sabitzer, Antony (45′), Pellistri, Elanga, McTominay (88′), Garnacho (67′), Mainoo
Lið Barcelona er svona:
Það var varla liðin tvær og hálf mínúta af leik þegar Casemiro vann boltann og gaf fram á galopinn Bruno sem lék inn í teig en skaut ekki alveg nótu mikið til hliðar og Ter Steken komst fyrir það, Leikurinn opinn frá fyrstu spyrnu og United pressaði vel á Barcelona, Weghorst var fremstur, Sancho í tíunni, Bruno vinstra megin og Rashford hæra megin eins og myndin að ofan sýnir. Þetta var mjög fjörugt og bæði lið sóttu á og á 15. mínútu kom fyrirgjöf inn á teig United, Varane skallaði frá, og Bruno greip í hendi Balde og hálf snéri hann niður og dómarinn var ekki í nokkrum vafa. Lewandowski tók lélegt víti og De Gea slæmdi hendi í boltann en sló hann bara í hliðarnetið. 1-0 fyrir Barcelona
Hrikaleg slakt hjá Bruno, dómgreindarleysi. Hann var á hinn bóginn ógnandi uppi við mark Barcelona, kom sér í ágæta stöðu og fékk sendingu frá Marínez, reyndi viðstöðulaust skot sem var ekki nógu fast og Ter Stegen tók það.
United voru mun betri eftir þetta, Barcelona dró sig til baka og United sótti á og pressaði vel þegar vörn Barcelona var með boltann. Þeim gekk samt illa að finna glufur og sóknir Barcelona þó færri væru voru hins vegar meira ógnandi. Rétt fyrir hlé var De Gea næstum búinn að gefa mark með að senda beint á Roberto, en nauðvörn fyrst Martínez og svo Casemiro bjargaði því.
Það þurfti að hressa við sóknarleikinn og Wout fór útaf í hálfleik fyrir Antony, þá fór Sancho vinstra megin, Rashford upp á topp og Bruno í tíuna.
Og það þurfti ekki níutíu sekúndur til að jöfnunarmarkið kæmi. Af öllum mönnum var það Fred sem fékk sendingu frá Bruno við vítahringinn, hafði opna línu inn í teiginn og svo skotið af sköflungnum í ristina og inn, Ter Stegen of seinn að skutla sér.
Rétt á eftir var Antony næstum kominn í gegn en Christensen elti hann vel og náði að nikka í boltann þannig hann færi í Antony og útaf. Fjör strax í upphafi leiks og United réði ferðinni, meiri hraði í sóknunum þeirra en vandaði upp á færin og lokahnykkinn.
Barcelona var ekki að sýna mikið en á 64. kom fyrirgjöf og Kounde komst í skallann en De Gea varði frábærlega yfir.
Ten Hag gerði svo tvöfalda skiptingu, Wan-Bissaka og Sancho fóru útaf og Dalot og Garnacho komu inná. Þetta hressti enn upp á leik United og stíf sókn þeirra sem byrjaði vinstra megin og reyndi á blokkir varnarmanna endaði úti á Antony sem smellti boltanum í fjær hornið afskaplega snyrtilega. 2-1!!
United var áfram mun öflugra liðið þó Barcelona reyndu meira. Garnacho fór í gegnum þrjá leikmenn á eigin vallarhelmingi og Busquets greip um háls hann aftanfrá og hefði átt að sjá annan lit á spjaldi en gulan.
McTominay kom inn á undir lokin fyrir Rashford til að loka leiknum, og jafnvel hvíla Rashford. Barcelona sótti stíft, Lewandowski komst í gegn og skaut framhjá De Gea en Varane komst fyrir skotið og svo var dæmd rangstaða þannig að það var í lagi
En síðasta sóknin var United og þegar hún brotnaði niður flautaði dómarinn.
Frábær sigur í höfn. Erfiður fyrri hálfleikur en flottur seinni. Ten Hag skipti eins og kóngur og varamennirnir stóðu sig af snilld.
Núna er það bara dráttur í næstu umferð á morgun kl 11:00 og leikir 9. og 16. mars. Dagskráin er stíf og þannig viljum við hafa hana! Áfram í öllum keppnum!
EgillG says
Þetta er svo gaman eftir síðustu ár, allt að gera og eftir ár verður maður svona í meistaradeildinni
Egill says
Vá hvað seinni hálfleikurinn var geggjaður hjá okkar mönnum, sérstaklega eftir furðulega dómgæslu í fyrri hálfleik.
Allir leikmenn, og þjálfarinn eiga skilið risahrós eftir þennan leik! Þetta var geggjað!!! Breytingin í hálfleik var spot on! Ekkert panic í leikmönnum, ekkert væl, menn bara spiluðu fótbolta og sóttubþennan sigur!
Ég gagnrýni þegar mér finnst eitthvað hafa mátt fara betur, og ég hrósa þegar það er verðskuldað að mínu mati:
Takk ETH fyrir að grafa upp gamla Man Utd!!!
Náum núna í bikar á sunnudaginn!
Turninn Pallister says
Góður sigur og allt það, hafði aldrei miklar áhyggjur af þessum leik, sem segir kannski meira um Barca heldur en okkur. Framförin er samt augljóslega mikil eftir að Ten Hag tók við liðinu og því ber að sjálfsögðu að fagna. Áfram veginn og vonandi er þetta bara forsmekkurinn af því sem koma skal.
Einar says
Frábært en mér fannst vítaspyrnudómurinn rangur leikaraskapur.
Helgi P says
Þvílíkur stjóri sem við erum loksins komnir með maður getur loksins farið að láta sig dreyma aftur