Á þriðjudaginn vaknaði United af dvala og vann Crystal Palace sannfærandi í deildarbikarnum. Á morgun kemur Palace aftur í heimsókn. Palace hvíldi leikmenn eins og United gerði og á morgun mæta Eberechi Eze og Marc Guéhi til leiks. Það mun því bætast aðeins í sókn og vörn hjá Palace en hjá United er meiðslalistinn enn að stækka. Nú er ljóst að Lisandro Martínez verður frá næstu 2-3 mánuði og að auki er Sergio Reguilón meiddur.
Við munum því sjá Sofyan Amrabat í vinstri bakverði á ný. Fastlega má reikna með Rashford og Bruno í liðinu og ætli Casemiro og Mount fái ekki að spreyta sig á miðjunni. Pellistri hefur verið valinn umfram Garnacho hægra megin hingað til. Rasmus Højlund hlýtur að vera fremstur.
Palace megin koma Eze og Guéhi inn í liðið og Sam Johnstone verður að byrja þar sem Dean Henderson er meiddur.
Það er enginn að fara að telja hænur fyrir þennan leik, en United hlýtur að geta spilað jafn vel og í síðasta leik. Það verður áhugavert að sjá hvort Mount og Casemiro virka saman, Casemiro þarf greinilega einhvern sterkan sér við hlið og það er komið að Mount að sanna sig.
Aldrei þessu vant hlaðast leikir á morgundaginn, meðal annars vegna Ryder bikarsins og leikurinn hefst kl 2 eins og heilir fimm aðrir!
evra says
rústúm þessum leik spái fimm núll fyrir okkur og gamli roy fer niðurlútur í burtu allt upp á við núna félagar.