FC København 4:3 Manchester United

Varamenn: Bayındır, Heaton, Varane(15′), Lindelöf, Reguilon, Amrabat, Mount, Hannibal, Forson, Pellistri, Antony, Martial

Eftir Hasar á síðustu mínútunni gegn Fulham þurftu stuðningsmenn ekki að bíða nema tvær mínútur og fimmtíu og eina sekúndu eftir fyrsta markinu í þessum leik. Rashford gaf á Wan-Bissaka, sem lék upp, gaf síðan frábæra stungusendingu fyrir Scott McTominay að elta upp að endamörkum, hann gaf þversendinguna framhjá Grabara á nærstönginni og Rasmus Höjlund var á réttum stað og skoraði af tveggja metra færi. Snilldar sókn og Unied komið yfir.

United náði ágætist tökum á leiknum en eftir 12 mínútna leik tognaði Jnny Evans og þurfti að fara af velli. Raphaël Varane kom inn á. Miklar

FCK var að koma upp smá spili en á 28. mínútu kom hratt upphlaup, Bruno komst inn í skalla á miðjum vallarhelmingi United, lék upp og gaf upp á Garnacho sem keyrði inn í teig og skaut, Grabara varði til hliðar og þar kom auðvitaðRasmus Höjlund og skoraði auðveldlega. Rétt á eftir komst hann sjálfur inn í sendingu og skaut úr teignum en núna varði Grabara frábærlega yfir.

United leyfði FCK að sækja en voru verulega frískir framávið og öruggari á boltanum en við höfum lengi séð. Á 38. mínútu kom sókn United, Bruno gaf fram og Höjlund keyrði upp að teig en skotið var aðeins of slakt, fór framhjá Grabara en sleikti svo stöngina utanverða. Þá fór dómarinn í skjáinn til að skoða atvik í aðdragandanum þegar Rashford vann boltann en sneri sér óvarlega. Þegar hann var að skýla boltanum fór hann í ökklann á varnarmanninum og steig hann niður, dómarinn rak Rashford útaf fyrir vikið.

https://twitter.com/DaleJohnsonESPN/status/1722358394156114253

Úr aukaspyrnunni kom skalli FCK í slá og rétt á eftir jafnaði Elounoussi þegar hann fékk að skjóta rétt fyrir utan markteiginn.

Það voru verulegar tafir í þessum fyrri hálfleik, áhorfandi hljóp inn á völlinn, Evans meiddist, og tvisvar veiktist áhorfandi og svo kom VARið. Það var því þrettán mínútum bætt við hálfleikinn!

Á sjöundu mínútu upppbótartímans fékk FCK víti þegar Maguire var dæmdur hafa handleikið boltann og Goncalves sendi Onana í vitlaust horn. Á innan við kortéri var United búið að missa niður tveggja marka forystu og orðið manni færri.

Þetta var ótrúlegur fyrri hálfleikur, United með allt á hreinu þangað til allt fór í skrúfuna.

Amrabat kom inná fyrir Erikssen í hálfleik og seinni hálfleikurinn var frekar rólegur framan af. FCK fór svo að færa sig upp á skaftið og sækja meira.

Loksins á 67. mínútu kom boltinn inn á teig FCK, Maguire skallaði í útrétta hendi varnarmanns, dómarinn fór í skjáinn og dæmdi víti! Bruno skoraði af miklu öryggi og á 69 mínútu var United komið yfir.

En vörn United gat ekki látið þetta standa og jöfnunarmarkið kom. FCK var í stífri sókn, allir United menn inni á teig, fyrirgjöfin kom inn á fjær og Diogo Dalot vissi ekkert af Lerager sem kom aftan að honum og var bara sterkari að ná skotinu. 3-3 á 83. mínútu og FCK pressaði áfram og á 87. mínútu kom sigurmarkið. Boltinn inn á tegi, þrír United menn í einum og boltinn fór út í teiginn og á óvaldaðan Bardghji og varamaðurinn ungi skoraði með skoti í jörðina og niður.

Ten Hag hafði verið á leiðinni að skipta Höjlund út fyrir Mount þegar Lerager skoraði og var ekkert að endurhugsa það heldur skipti samt.

FCk sigldi þessu svo heim.

Þetta var hrikalegt tap. Strangt til tekið voru bæði vítin og rauða spjaldið rétt lögum samkvæmt en fyrir tíma VAR hefði ekkert af því gerst. Er VAR þess virði? Gallar United eru augljósir, vörnin er hripleg og liðið brotnaði við minnsta mótlæti. Rashford var skárri hægra megin en hann hefur verið lengi vinstra megin, Höjlund fékk loksins færi og bjó líka til og skoraði tvö og hefði getað náð tveimur í viðbót. Til hvers Mount er veit því miður enginn, stórkaup sumarsins virðast ætla að vera mistök í enn eitt skiptið. Nema planið sé að selja Bruno til Saudi í janúar?

United þarf að vinna Galatasaray og taka stig gegn Bayern til að eiga einhvern séns að fara áfram.