Leitum að nýjum penna

Finnst þér gaman að skrifa og tala um Manchester United?

Við í ritstjórn Rauðu djöflanna auglýsum eftir manneskju til að taka þátt í starfi síðunnar með okkur. Manneskjan þarf að hafa mikinn áhuga á Manchester United og geta komið þeim áhuga vel frá sér í texta og tali.

Meðal verkefna eru:

• Pistlaskrif
• Upphitanir
• Leikskýrslur
• Upptökur á podkasti Rauðu djöflanna

Ef þetta er eitthvað sem þú hefur áhuga á hafðu þá endilega samband við okkur í netfangið ritstjorn@raududjoflarnir.is.

Með umsókninni væri gott að fá textabrot um Manchester United og áhugann á félaginu. Ef það er hægt að vísa í önnur textaskrif á netinu þá er það líka fínt. Slík reynsla er þó ekki nauðsynleg.

Við hvetjum konur sérstaklega til að sækja um!