Fyrir viku síðan settum við í Rauðu djöflunum inn könnun þar sem við vildum forvitnast um álit ykkar lesenda (og hlustenda) á starfinu okkar. Nú í framhaldinu langaði okkur að fara aðeins yfir helstu niðurstöður úr þeirri könnun og hvernig við höfum hugsað okkur að tækla þær í framhaldinu.
Frábær viðbrögð
Til að byrja með langar okkur að þakka kærlega fyrir frábær viðbrögð. Það tók ekki langan tíma að ná úrvalssvörun og margir gáfu sér tíma í að koma líka með ábendingar og hugmyndir fyrir okkur. Þetta er allt mjög vel þegið og setti ákveðna hluti í samhengi fyrir okkur sem við höfðum verið að ræða okkar á milli.