Lundúnaferð hjá okkar mönnum þessa helgina. Eftir streðsigur gegn Dýrlingunum á miðvikudaginn förum við á Craven Cottage og spilum gegn liðinu sem við burstuðum í bikarnum á Old Trafford um daginn. Það ætti því á pappírnum að vera auðveldur sigur á morgun, en okkur hefur samt aldrei gengið almennilega vel úti gegn Fulham.
Það eru almennt góðar fréttir af ástandinu á okkar mönnum og hópurinn nær full mannaður ef frá er skilinn Ashley Young. Jonny Evans er að verða tilbúinn og verður þá á bekknum. Rooney er búinn að biðjast undan vítaskyttuhlutverkinu og við getum þá verið aðeins minna stressuð þegar Van Persie fer á punktinn næst.
Spái liðinu svona, en annars er eins og oft áður erfitt að spá hvernig róteringin endar í þessu:
De Gea
Rafael Ferdinand Smalling Evra
Cleverley Anderson
Valencia Rooney Kagawa
Van Persie
Eftir ágætan leik á miðvikudaginn þá fyndist mér leitt að sjá Kagawa ekki fá að byrja aftur, en Nani er alveg eins líklegur til að koma inn í liðið. Það eru landsleikir í næstu viku og Rooney, Cleverley, Carrick og Smalling eru allir í enska hópnum, og Jones í U-21 árs þannig að það að hvíla Carrick er líklega frekar gagnslaust. Anderson er ekki að fara að spila í miðri viku þannig að hann getur spilað núna og aftur um næstu helgi. En, nei ég er hættur að reyna að sjá þetta út.
Við vinnum 3-1.
Magnús Þór says
Líst ansi vel á þetta hjá þér, uppstillingin er frekar líklega. Vona að ég þurfi ekki aftur að horfa á Jones á miðjunni.