Leikjadagskrá deildarinnar fyrir næsta vetur er komin út. Við fyrstu sýn er óhætt að segja að hún líti bara nokkuð vel út.
Deildin byrjar snemma í ár vegna EM á næsta ári og fyrsti leikur er gegn Tottenham þann 8. ágúst
Síðan koma:
- 15. ágúst. Aston Villa (Ú)
- 22. ágúst Newcastle United (H)
- 29 ágúst: Swansea City (Ú)
Leikirnir gegn Liverpool, Arsenal, Chelsea og City dreifast nokkuð vel og það er enginn stórleikjatörn eins og við fengum í mars/apríl á sl. tímabili þegar liðið mætti Tottenham, Liverpool, City og Chelsea nánast í einum rikk.
Englandsmeistarar Chelsea koma á Old Trafford milli jóla og nýars og við mætum þeim á Stamford Bridge þann 6. febrúar
Umpspil Meistaradeildarinnar fer fram 18/19. ágúst og 25/26. ágúst og gott að sjá að það eru ekki of erfiðir leikir í kringum það.
Ef United kemst í gegnum það og fær sæti í riðlakeppninni er auðvitað leikið á þriðjudögum eða miðvikudögum:
- 15/16. september (Liverpool á undan, Southampton á eftir)
- 29/30. september (Sunderland; Arsenal)
- 20/21. október (Everton; City)
- 3/4. nóvember (Palace; WBA)
- 24/25. nóvember (Watford; Leicester)
- 8/9. desember (West Ham; Bournemouth)
Það mátti alveg búast við að einhverjir toppleikir væru nálægt meistaradeildarleikjum og þetta er ekkert of slæmt.
Það er ekki annað hægt að segja en að dagskráin síðasta mánuðinn sé tiltölulega auðvelt, en síðan koma til frestanir og annað þannig að það getur læðst inn stórleikur undir lokin.
En það kemur allt í ljós. Allan listann má sjá hér og hann mun auðvitað breytast smávægilega eftir að sjónvarpsstöðvarnar komast með puttana í hann. Fyrir áhugasama er hér ítarleg grein á heimasíðu deildarinnar þar sem farið er yfir hvernig í ósköpunum menn fara að því að raða niður þeim 380 leikjum sem spilaðir eru í deildinni án þess að neitt rekist á.
Skildu eftir svar