Meistaradeild Evrópu

Eins og alþjóð veit var í dag dregið í riðla Meistaradeildar Evrópu. Að venju var riðillinn okkar í léttari kantinum. Við drógumst gegn Braga frá Portúgal, Galatasaray frá Tyrklandi og CFR Cluj frá Rúmeníu. Þetta eru allt lið sem við ættum að fara í gegnum.

Þó er best að hafa allan vara á eftir reynslu síðasta tímabils þar sem við fengum mjög áþekkan riðil en guldum algjört afhroð. Það eina slæma við þennan riðil er okkar menn þurfa að fara í helst til of löng ferðalög til Tyrklands og Rúmeníu. Þetta hefði þó getað verið verra, eins og andstæðingar okkar í City fengu að kenna á. Lesa meira

Klukkan 15:45 í dag verður dregið í riðla í Meistaradeild Evrópu. Síðasti vetur var okkar slakasti í sex ár í Meistaradeildinni þannig að held að við séum flest nokkuð bjartsýn á að Man Utd geri a.m.k betur en síðasta vetur. Það eru þó margir mjög sterkir klúbbar sem gætu dregist í riðil með United, þetta gæti því orðið erfiður vetur. Við skulum svo sannarlega vona að við fáum frekar léttan drátt seinni partinn í dag. Lesa meira