Rauðu djöflarnir

Uppgjör

Uppgjör

Uppgjörið 2016/17: seinni hluti

skrifaði þann | 13 ummæli

Það er von á Djöflavarpi fljótlega en ritstjórar svöruðu nokkrum einföldum spurningum til að gera upp þetta fyrsta tímabil José Mourinho. Fyrri hlutinn birtist í gær og hér kemur seinni skammturinn

Mark árs… tjaaaa

Bjössi

Mkhitaryan, auðvitað.

Elli

Þarf maður í alvörunni að nefna það? Nehh, hélt ekki.

Halldór

Flottasta mark ársins var án efa sporðdrekasparkið hans Mkhitaryan. Merkilegasta markið var vegar aukaspyrnumarkametsmarkið hans Rooney gegn Stoke. Flott var það! Uppáhalds Zlatanmarkið var svo markið gegn Everton, þegar hann vippaði yfir markmanninn og boltinn lak inn eftir að hafa skoppað bæði í slá og stöng. Lesa meira

Uppgjör

Uppgjörið 2016/17: Fyrri hluti

skrifaði þann | 5 ummæli

Það er von á Djöflavarpi fljótlega en ritstjórar svöruðu nokkrum einföldum spurningum til að gera upp þetta fyrsta tímabil José Mourinho. Hér er fyrri hlutinn, seinni hluti þeirra birtist á morgun.

Hver er ykkar skoðun á þessu tímabili með United?

Bjössi

Mjög viðunandi, þökk sé Evrópudeildartitlinum.

Deildarbikarinn var skemmtilegt aukakrydd og gaman að vera kominn á toppinn í titlatalningunni.

En sjötta sætið í deildinni voru gríðarleg vonbrigði fyrir alla, leikmenn, þjálfara og stuðningsmenn. Það sást á gleði Mourinho eftir leikinn í Stokkhólmi hvað hann hafði verið gríðarlega stressaður síðustu vikur og mánuðir. Hann hafði ætlast til að United væri í titilbaráttu en eftir að það klikkaði og síðan hvarf mjöguleikinn á fjórða sætinu hægt og rólega þó andstæðingarnir gerðu sitt besta til að halda voninni á lífi. Þá lagði Mourinho allt undir sigur í Evrópudeildinni og ef það veðmál hefði ekki gengið upp hefði þetta tímabil flokkast sem skelfilegt. Lesa meira

Ritstjóraálit Uppgjör

Tímabilið 2014-15 gert upp

skrifaði þann | 6 ummæli

Yfirferðin yfir síðasta tímabil heldur áfram. Við podköstuðum og við skoðuðum nýju leikmennina en núna eru það stóru spurningarnar sem svarað verður

Hver er ykkar skoðun á þessu tímabili með United?

Tryggvi:

Svo að það sé alveg á hreinu þá er 4. sætið enginn árangur fyrir félag eins og Manchester United og ekkert til þess að stæra sig af. Undir venjulegum kringumstæðum myndi þetta tímabil flokkast undir: „Gleymist“. Kringumstæðurnar hafa þó auðvitað ekki verið venjulegar. Louis van Gaal tók við algjöru skipbroti eftir langt tímabil vanfjárfestingar og svo auðvitað David Moyes. Annað sumarið í röð tók nýr stjóri við og það tekur bara sinn tíma fyrir nýjan stjóra að ná áttum, meta hópinn og svo framvegis. Ólíkt Moyes fékk Louis van Gaal góðan stuðning á leikmannamarkaðinum og ólíkt Moyes hafði van Gaal tök á verkefninu. Við náðum 4. sæti þrátt fyrir talsverða leikmannaveltu og algjörlega fordæmalausa tíðni meiðsla hjá leikmönnum liðsins, sérstaklega varnarmönnum félagsins. Með þetta á bakinu náði van Gaal markmiðum tímabilsins. Það besta við tímabilið hefur líklega verið frammistaða liðsins gegn liðunum sem við erum í helstri samkeppni við og það er það sem hefur fleytt okkur í þetta fræga 4. sæti. Lesa meira

Félagaskipti Leikmenn Pistlar Uppgjör

Leikmannakaup tímabilið 2014/2015

skrifaði þann | Engin ummæli

Tímabilinu er lokið og það kallar bara á eitt: UPPGJÖR! Við byrjuðum á því að taka upp podkast-þátt í gær þar sem við ræddum leikmannahóp liðsins og við munum rúlla út uppgjörsgreinum af ýmsu tagi á næstu dögum. Við byrjum á því að fara yfir þá leikmenn sem gengu til liðsins fyrir þetta tímabil auk þess sem að við tökum létta yfirferð yfir þá leikmenn sem fóru út á láni. Bjössi, Sigurjón og Maggi láta ljós sitt skína í dag og fara yfir þessi mál öll saman fyrir okkur hin. Lesa meira

Uppgjör

Besta ræða ársins á lokahófinu í gær

skrifaði þann | Engin ummæli

Það fór ekki framhjá neinum á Twitter að í gær hittust leikmenn United og margir fleiri í lokahófi félagsins.

Það kom fátt á óvart við verðlaunin.

Axel Tuanzebe var valinn bestur U-18

Andreas Pereira var valinn bestur U-21

See why Pereira is the U21s' star man for 2014/15… #mufcpotyhttps://t.co/p7yBHkTQnm Lesa meira