• Skip to primary navigation
  • Skip to main content
  • Skip to primary sidebar
  • Skip to footer

Rauðu djöflarnir

  • Forsíða
  • Hópurinn
  • Greinasafn
  • Twitter
  • Leikir
  • Meiðsli
  • Djöflavarpið
  • Forsíða
  • Hópurinn
  • Greinasafn
  • Twitter
  • Leikir
  • Meiðsli
  • Djöflavarpið
Leikmenn Slúður

Verður Nani seldur??

Sigurjón skrifaði þann 28. ágúst, 2012 | 3 ummæli

Luís Carlos Almeida da Cunha…eða Nani.

Þær fréttir berast nú í morgunsárið að Zenit frá Pétursborg í Rússlandi sé á eftir Nani og hafi boðið 25 milljónir punda í piltinn. Það eru eflaust skiptar skoðanir um Nani en það er engin spurning að maðurinn hefur reynst liðinu mikilvægur og bjargað því upp á sitt einsdæmi, trekk í trekk. Þegar Nani er að spila á 100% afli þá er hann einn besti maður deildarinnar, engin spurning. Löstur hans er hinsvegar stöðuleiki, við erum ekki að sjá hans rétta andlit nema í kannski 30% leikja, restina af tímanum er hann svo sem að spila ágætlega, en virkar samt hálf bitlaus miðað við þann Nani sem við viljum alltaf sjá. Oft er hann svo að taka stórkostlega vondar ákvarðanir á mikilvægum tímapunktum, til dæmis í lok leikja þar sem Man Utd þarf á marki að halda.

25 milljónir hljómar ekki sem mikill peningur fyrir mann eins og Nani, svona miðað við hvernig leikmannamarkaðurinn hefur verið í sumar. Hann hefur verið tregur að skrifa undir þá samninga sem honum hafa verið boðnir og það er hættulegur leikur þegar Ferguson er hinum megin við borðið, sá gamli hefur afskaplega litla þolinmæði gagnvart stælum. Það er hinsvegar óþarfi að láta eins og samingur Nani renni út eftir hádegi á morgun, hann er ennþá samningsbundinn Man Utd til ársins 2014 og því engin ástæða til að selja hann á einhverjum afslætti. Selja hann hinsvegar á góðu verði og kaupa síðan Moutinho eða Rodriguez frá Porto? Jájá, það gæti alveg virkað!

Efnisorð: Nani 3

Reader Interactions

Athugasemdir

  1. 1

    ellioman says

    28. ágúst, 2012 at 13:21

    Ég trúði varla þegar ég las athugasemdir frá sumu fólki, þar sem það sagðist vilja selja Nani fyrir þennan pening. Hvernig getur leikmaður eins og Lucas Moura farið á 30 millur en Nani svo á 25? Drengurinn er án efa einn besti leikmaður liðsins/deildarinnar og að mínu mati er þetta brandaraupphæð fyrir hann. Svo í þokkabót er drengurinn 25 ára og fer núna í gegnum sín bestu ár sem fótboltamaður. Kjánalegt.

    0
  2. 2

    Björn Friðgeir says

    28. ágúst, 2012 at 16:45

    Alveg sammála. Þó hann geti verið pirrandi slakur stundum er Nani samt einn af fáum sem getur gjörbreytt leik okkur í hag.
    Að selja hann svona rétt fyrir gluggalokun væri fásinna, og nær ómögulegt að fá einhvern í hans stað, sérstaklega ekki fyrir þessa upphæð.

    0
  3. 3

    Hilmar Þórlindsson says

    29. ágúst, 2012 at 05:18

    Til hamingju með síðuna Stuðningsmenn Manchester United. Gjörsamlega til fyrirmyndar þessi síða og mun ég skoða hana reglulega.

    Bestu kveðjur frá Japan.

    0

Skildu eftir svar Hætta við svar

Netfang þitt verður ekki birt. Nauðsynlegir reitir eru merktir *

Primary Sidebar

Michelsen Tag Heuer er styrktaraðili Rauðu djöflanna

Síðustu ummæli

  • Magnús Þór um Manchester Utd 3:1 Fulham
  • Arni um Manchester Utd 3:1 Fulham
  • Bjarni um Önnur ferð til Sevilla!
  • Egill um Real Betis 0:1 Manchester United
  • Helgi P um United 0 – 0 Southampton

Tístvélin

Tweets by @raududjoflarnir

Facebook

Rauðu djöflarnir

Footer

Rauðu djöflarnir

  • Um okkur
  • Reglur

Fantasy deildin

Vertu með í Fantasy leiknum okkar!

Kóði: 1997321-460021

Leit

  • Um okkur
  • Reglur

Rauðu djöflarnir © 2023 · Keyrt á WordPress