Antony Matheus dos Santos er nýr leikmaður Manchester United. Antony er 22 ára gamall brasilískur landsliðsmaður sem kemur frá Ajax í hollensku Eredivise deildinni. Talið er að kaupverðið sé í kringum 95 milljónir evra ásamt 5 millj. í viðbótargreiðslur. Upphæðin gerir leikmanninn að þeim dýrasta sem hefur verið keyptur úr hollensku deildinni en næstdýrustu kaupin eru einmitt góðkunningjar United, þeir Frenkie de Jong (86 millj. evr.) og Matthis de Ligt (85,5 millj. evr.) sem voru seldir 2019/2020.
Leikmenn
Casemiro er nýjasti leikmaður United
Loksins, loksins, loksins! Manchester United hefur loksins fest kaup á varnarsinnuðum miðjumanni og sá er ekki af lakari gerðinni. Carlos Henrique Casimiro, betur þekktur sem Casemiro er þrítugur miðjumaður sem kemur frá Real Madrid eftir að hafa verið þar í tæpan áratug, rétt eins og Varane og Ronaldo. Talið er að kaupverð sé um 60 milljónir punda og þar af eru um 8-10 milljónir í árangurstengdar geriðslur. Hann skrifar undir 4 ára samning með möguleikanum á framlenginu en talið er að hann muni þéna um 300-350 þúsund pund á viku sem gerir hann þá að einum launahæsta leikmanni deildarinnar.
Lisandro Martínez er orðinn leikmaður Manchester United
Manchester United hefur staðfest kaup á argentínska leikmanninum Lisandro Martínez frá Ajax. Lágvaxinn en áræðinn leikmaður með góðan vinstri fót sem getur spilað bæði í vörninni og á miðju.
An agreement has been reached for the transfer of Lisandro Martinez 🔴🇦🇷#MUFC || @LisandrMartinez
— Manchester United (@ManUtd) July 17, 2022
Talað er um að verðið sé tæplega 46 milljón pund, þ.e. 55 milljón evrur, með þeim möguleika að verðið geti hækkað um 10 milljón evrur í framtíðinni ef vel gengur hjá leikmanninum. Eitt merki um þá trú sem bæði Ajax og Ten Hag hafa á þessum snjalla leikmanni er að hann er nú orðinn þriðji dýrasti leikmaður sem Ajax selur frá upphafi, á eftir Frenkie de Jong og Matthijs de Ligt.
Christian Eriksen er lentur í leikhúsi draumanna!
Nú virðist loksins komin hreyfing á félagaskiptagluggann hjá United. Christian Eriksen er nýjasta viðbótin í herdeild Erik ten Hag en hann kemur til með að skrifa undir samning sem gildir til 2025. Ekki er ljóst hver launapakkinn verður en þar sem um þrítugan leikmann á frjálsri sölu má gera ráð fyrir hærri launapakka en ella.
Christian Eriksen is a RED! ✍️🔴#MUFC || @ChrisEriksen8
Tyrell Malacia er leikmaður Manchester United.
Þá er það staðfest. Manchester United hefur fest kaup á vinstri bakverðinum Tyrell Malacia, 22 ára gömlum hollending frá Feyenoord. The Athletic heldur því fram kaupverð sé í kringum 15 millj. evra sem getur endað í 17 millj. evra út frá bónusgreiðslum auk þess að Feyenoord mun fá hluta af söluverðinu þegar United ákveður að selja hann.
🇳🇱 Forged at Feyenoord.
🔴 Made for Manchester.@T_Malacia is United ready! 👊#MUFC || #WelkomTyrell