Leikmenn United hafa verið að skríða saman úr sumarfríi og á morgun má segja að undirbúningstímabilið hefjist formlega þegar liðið spilar við Singha All-Stars í höfuðborg Tælands, Bangkok. Fyrir skömmu var hópurinn sem fer í ferðalagið tilkynntur og er hann eftirfarandi:
Markmenn: Anders Lindegaard, Ben Amos
Varnarmenn Rafael, Phil Jones, Rio Ferdinand, Jonny Evans, Patrice Evra, Alex Büttner, Fabio, Michael Keane
Miðjumenn: Michael Carrick, Anderson, Tom Cleverley, Ryan Giggs, Wilfried Zaha, Jesse Lingard, Adnan Januzaj
Framherjar: Wayne Rooney, Danny Welbeck
David de Gea og Robin van Persie hitta hópinn í Sidney og Kagawa kemur til leiks í Japan. Javier Hernandez fær sumarfrí vegna þáttöku Mexíkó í Álfubikarnum og annara landsliðsverkefna.
Mesta athygli vakti að fyrirliðinn Nemanja Vidic fer ekki með og hefur klúbburinn ekki gefið út skýringar á fjarveru hans er talið er að hann sé í meðferð vegna þjótaks í baki sem hefur verið að plaga hann.
Í gær var síðan tilkynnt að Wayne Rooney hefði verið sendur beint heim eftir að lærmeiðsli sem komu fyrst upp daginn fyrir brottför reyndust alvarlegri en vonast hafði verið til.
Planið er eftirfarandi, allar tímasetningar að íslenskum tíma:
Singha All Star XI – 13. júlí kl 13:00
Rajamangala Stadium, Bangkok, Tælandi
Australian A-League All Stars – 20. júlí kl 09:30
ANZ Stadium, Sydney, Ástralíu
Yokohama F·Marinos – 23.júlí kl 10:20
Nissan Stadium, Yokohama, Japan
Cerezo Osaka – 26.júlí kl 10:00
Osaka Nagai Stadium, Osaka, Japan
Kitchee FC – 29.júlí kl 12:00
Hong Kong Stadium, Hong Kong
síðan verður haldið heim til Manchester og svo farið til Svíþjóðar.
AIK Fotboll – 6. ágúst kl. 17:30
Friends Arena, Stockholm, Sweden
Eins og sést á þessari mynd er þetta talsvert ferðalag og spurning hvort að þessi ferðalög muni hafa áhrif á gengi liðsins í byrjun tímabils?
Á morgun kl 13:00 verður sem sé spilaður fyrsti leikur liðsins undir stjórn David Moyes og verður afar spennandi að sjá hvernig Moyes setur þetta upp. Reikna má með að Danny Welbeck spili frammi! Einnig vonast margir til að sjá til unglinganna sem ferðast með, þeirra Keane, Lingard og Januzaj, og loks verður spennandi að sjá hvort að Wilfried Zaha stimplar sig inn, en miðað við frammistöðu kantmannanna okkar síðasta tímabil gæti góð frammistaða hans skilað byrjunarliðssæti í vetur.
Mótherjarnir eru úrvalslið úr tælensku deildinni sem enginn hér veit neitt um, en væntanlega ekki of sterkt lið.
Bambo says
Fyrir áhugasama er fyrsta byrjunarlið David Moyes
Ben Amos
Fabio, Rio, Evans, Buttner
Januzaj, Carrick, Cleverley, Anderson, Giggs
Welbeck
Bambo says
Og leikurinn er auðvitað á móti Singha All-Stars.
Hjörvar Ingi Haraldsson says
Hvernig spiluðu menn?
Bambo says
Ég reyndar sá bara fyrri hálfleikinn en það fór ekkert á milli mála að þetta var fyrsti æfingarleikur sumarsins, gæðin voru virkilega lítil. Við vorum ljónheppnir að fá ekki á okkur mark í upphafi leiksins þegar vörnin steinsvaf og einn singha maðurinn komst aleinn í gegn en tókst á einhvern ótrúlegann hátt að slóra það lengi að jonny náði að koma til baka og fyrir skotið. Annars var ekkert markvert í þessum fyrri hálfleik allavega, nema kannski að ég sá Januzaj spila í fyrsta skipti og hann var nokkuð sprækur, fáum líklega að sjá eitthvað af honum í Bikarkeppnunum á næsta tímabili.