Fyrsti heimaleikur United í deildinni þetta tímabil var gegn Fulham, fyrsti af mörgum 3:2 sigrum tímabilsins. Þessi lið eru á ólíkum stað í deildinni þar sem United er á toppnum á meðan Fulham er í 14. sæti sex stigum frá fallsæti. Einhverjir gætu sagt að við værum óheppin að fá strax 2 úrvalsdeildarlið í röð svona snemma í keppninni, reyndar hafa verstu klúðrin yfirleitt verið gegn liðum úr deildunum fyrir neðan.
Með Fulham leika eins og margir vita tveir fyrrverandi leikmenn United, Kieran Richardson og Búlgarski sjarmurinn og sjentilmaðurinn Dimitar Berbatov. Richardson verður ekki með vegna meiðsla, Dimitar Berbatov mun leika sinn fyrsta leik gegn United í langan tíma. Berba hefur skorað 7 mörk í 17 leikjum fyrir Fulham eða rúmlega 20% marka þeirra.
Leikmenn Manchester United skelltu sér í æfingarferð til Qatar í vikunni og hafa vonandi náð að hlaða batteríin. Samkvæmt blaðamannafundi Ferguson í dag verða Ashley Young og Jonny Evans ekki með á morgun, hann segir að stutt sé í Young en að það sé aðeins lengra í Evans.
Það getur oft verið strembið að skjóta á rétt byrjunarlið þessa dagana en ég spái þessu svona:
Ég spái þessum leik 3-1, van Persie, Nani og Cleverley skora fyrir okkar menn og Berbatov skorar fyrir Fulham.
ellioman says
Ég væri til í að sjá Anderson spila í þessum leik, kannski í stað Cleverley.
Væri frábært að hafa þá tvo í góðu formi fyrir seinni hluta tímabilsins.
Annars þá trúi ég ekki öðru en að við tökum þennan leik örugglega, ekkert 3:2 rugl. Gaman að þessi leikur skuli vera spilaður á Old Trafford, aðdáendur fá þá tækifæri til að klappa rækilega fyrir Berbatov.
Óskar Ragnarsson says
Þið megið alveg láta fylgja með í þessum upphitunum klukkan hvað leikinir eru. Annars fínar upphitanir.
ellioman says
@Óskar
Þú getur séð „Næsti leikur“ upp í hægra horni hér á síðunni. Leikurinn er semsagt kl 17:30 á morgun. En það er góður punktur að hafa þetta einnig í upphituninni.
Egill Guðjohnsen says
Lindegaard mun klárlega spila á mrg og ég vill sjá Anderson á miðjunni og Phil Jones í hafsent!!
Lindegaaed,Rafael,Vidic,Jones,Evra,Nani,Anderson,Carrick,Kagawa,Rooney,RVP
Runólfur says
Lindegaard startar, fer svo aftur á bekkinn. Einnig vonast ég líka til að sjá Anderson starta þennan leik.
Vona að Berbatov sé ekki of bitur út í Man Utd því annars geta þeir kysst Fa Cup bless #Berbasex
úlli says
Getur einhver útskýrt fyrir mér af hverju liðið er að fara til Qatar í æfingaferð í miðri viku? Hvernig getur það mögulega verið góð hugmynd?
ellioman says
Er það ekki orðinn árlegur viðburður hjá United? Ég held að ferðirnar séu einfaldlega gerðar til að fá smá frí frá Englandi, æfa í góðum hita og efla liðsandann.
En ég var bara að rekast á fréttir um að Rooney hefði meiðst á æfingu og þá ólíklegt að hann spili í dag. Vonandi eru þetta bullfréttir en maður veit aldrei, drengurinn búinn að vera hrikalega óheppinn á þessu tímabili.