Mikið var talað um í aðdraganda leiksins að James Wilson myndi fá tækifæri til að byrja leikinn enda átt hann líflega innkomu í tapinu gegn Manchester City. Það varð ekki raunin. Einnig var talað um fátt annað en meiðsli Marcos Rojo og hvað það myndi þýða fyrir varnaruppstillinguna í leiknum og við myndum lenda í miklum vandræðum þar í dag. Það var heldur ekki raunin.
Louis van Gaal ákvað einhverra hluta vegna að halda áfram með þessa 4-5-1 uppstillingu sem virðist vera búin að drepa algjörlega tempóið í sóknarleiknum. Ángel Di María átti 3. slaka leikinn í röð en hann hefur leikið á kantinum í þeim öllum. Robin van Persie er gjörsamlega öllum heillum horfinn og lítið kom út úr Wayne Rooney. Adnan Januzaj er ungur leikmaður sem þarf algjörlega að fá tækifæri og mun gera það áfram. Hann var hinsvegar dapur í dag og virtist undantekningarlaust að taka rangar ákvarðanir og klappa boltanum of mikið. Reyndar var það ekki bara hann því að menn virtust allir að taka a.m.k. 2 snertingum of mikið á boltann, sérstaklega í fyrri hálfleik. Þegar flautað var til hálfleiks hafði United verið 74% með boltann en Crystal Palace fékk besta færi hálfleiksins. Fyrir utan ágætan sprett og fínt skot frá Luke Shaw þá gerðist fátt markvert hjá liðinu.
Seinni hálfleikur fór aðeins betur af stað en sá fyrri og var aðeins meira tempó í liðunu framan af en dró úr eftir sem leið á leikinn. Fyrsta skipting liðsins kom á 63. mínútu þegar Juan Mata kom inná fyrir slakan Januzaj. Það tók ekki nema 4 mínútur fyrir hann að bókstaflega setja mark sitt á leikinn. Hann átti fínt skot fyrir utan teig sem annars ágætur markvörður Palace, Julian Speroni réð ekki við. Hann átti svo síðar gott skot sem endaði í stöng og boltinn barst til van Persie sem gjörsamlega klúðraði frábæru færi. Áður en yfir lauk hafði Rooney átt eina ágæta tilraun eftir skemmtilega sprett frá Paddy McNair og síðan alveg glatað skot framhjá innan úr vítateig. Síðustu mínútur leiksins voru stressandi og bjóst maður alveg eins við því að Palace myndu jafna leikinn.
Leikurinn í dag var alls ekki nógu góður. En 3 stigin eru vel þegin og nauðsynleg.
Maður/menn leiksins að mínu mati voru Paddy McNair
og Luke Shaw
Liðið sem hóf leikinn
Bekkur: Lindegaard, Vermijl, Blackett, Fletcher (McNair 90′), Herrera, Mata (Januzaj 63′), Wilson (Di María 71′).
Gunnþór Sig says
3 stig takk fyrir!! áfram Man Utd
Bjarni Ellertsson says
Þetta var skelfilegt á að horfa en svona verður veturinn meira og minni. Sem betur fer komu 3 stig í hús en eftir því sem leið á leikinn var ég ekki viss um hvaðan markið kæmi. Boltinn flæðir lítið í leik liðsins, 2-3 snertingar á mann, Palace þurfti ekki einu sinni að hlaupa í fyrri hálfleik. Við krefjumst meira af liðinu en það sýndi í dag og því ætla ég að leyfa mér að vera óhress með nokkra leikmenn, þeir geta betur en ömurlegt að sjá að þetta séu 11 einstaklingar en ekki 11 manna lið. Januzaj og Di Maria voru ekki með í dag, annar stoppaði alltaf og reyndi gamla góða trixið með hliðarhreyfingu og ætlaði að stinga leikmanninn af, þetta er liðin tíð, nú eru menn bara teknir í ósmurt um leið og menn fá boltann. Hinn skaut að marki um leið og hann fékk boltann eða sá glitta í stangirnar, fóru margar árennilegar sóknir í vaskinn þegar þessir vösku menn komu við knöttinn. Þeir geta miklu miklu betur. Aðrir komust þokkalega frá leiknum og gef ég varnarmönnunum 10 í einkunn, jú við héldum hreinu og meiri kröfur geri ég ekki til þeirra. Annars Arsenal næst og þá vona ég að okkar fyrrum leikmaður haldi sig til hlés og okkar menn hysji upp um sig buxurnar og fari að spila einsog menn.
Elmar says
Við stjórnuðu leiknum frá a til ö en náðum ekki að skapa nóg. Vill sjá tígulinn þar sem di maria var svo frábær en ætli hann hafi ekki stillt þessu svona upp vegna þess að hann treysti ekki vörninni. Ég er fáránlega sáttur með að hafa fengið stigin 3 þegar uppi er staðið er það, það mikilvægasta af öllu.
Btw ánægður með minn mann Mata hausinn gjörsamlega rétt skrúfaður á.
Rúnar Þór says
tígullinn er málið blind/carrick aftast – di maria vinstra megin – herrera/januzaj hægra megin – fellaini/mata í holunni – falcao/rvp/rooney fremst – rooney getur svo verið í holunni ef mikið eru um meiðsli
Hjörtur says
Liðið er bara að drulla upp á bak. Það sækir og sækir en sóknirnar fara allar í vaskinn, þegar nálgast mark andstæðingana. Januzaj ætlar sér alltof mikið þegar hann er með boltann, feginn þegar hann var tekinn út, og Mata inn enda bjargaði hann þremur stigum í dag.
Bosi says
Luke Shaw gladdi mig i dag.
Þórður Birgisson says
Ferguson hefði ekki verið kátur með Van Gaal í dag, hann fagnaði ekki markinu, sem segir mikið. Gamli vildi alltaf að mörkum yrði fagnað.
Cantona no 7 says
Betur má ef duga skal.
GGMU