Leikurinn
Í upphituninni fyrir þennan leik velti ég því upp hvaða United lið myndi mæta til leiks í dag. Svarið var 2007-08 United. Traustur varnarleikur og leiftrandi skyndisóknir þar sem bakverðir og kantmenn voru mjög flottir. United ansi nálægt því að stilla upp sínu besta byrjunarliði í dag þrátt fyrir töluverð meiðsli í hópnum. Brighton stillti upp ansi lágstemmdu liði að mínu mati og voru með nokkra ágætis leikmenn á bekknum. Dómari leiksins Jon Moss átti mjög góðan dag sem var nauðsynlegt því að Brighton voru frekar grófir en komust upp með lítið og sama má segja um United. Reyndar spurning hvort Brandon Williams hafi verið heppinn að sleppa með gult spjald í seinni hálfleiknum en VAR-sjáin VAR ekki á því.
United byrjaði leikinn mjög vel og Brighton var í vandræðum nánast allan leikinn fyrir utan smá kafla í seinni hálfleiknum þegar liðið minnkaði muninn. Gestirnir voru mikið að brjóta á mönnum og var bróðurparturinn af varnalínunni á gulu spjaldi undri rest. Anthony Martial átti mjög góðan leik í dag þó að honum hafi mistekist að skora en hann var öflugur og átti þátt í tveimur United mörkum í dag. Það var gaman sjá United vera halda áfram að leita að fleiri mörkum allan leikinn. Færasköpunin var einnig til fyrirmyndar.
Andreas Pereira skoraði fyrsta mark leiksins með smá aðstoð varnarmanns Brighton en boltinn breytti nógu lítið um stefnu til þess að Pereira fengið markið skráð á sig. Scott McTominay var nálægt því að koma United í 2:0 en Davy Pröpper rak tána í boltann og stal markinu frá honum. Eftir stuttan kafla í seinni hálfleik minnkaði Brighton muninn eftir skallamark frá Lewis Dunk en hvorugur miðvörður United dekkaði hann og staðan 2:1 og allt í einu var komin spenna í leikinn. Mjög skömmu síðar komst United í 3:1 eftir skemmtilegt samspil hjá Anthony Martial og Marcus Rashford. Rashford komst svo strax aftur í dauðafæri eftir fyrirgjöf frá Daniel James en brenndi af á ótrúlegan hátt. United sótti áfram til leiksloka en niðurstaðan 3:1 en sigurinn hefði með smá heppni verið töluvert stærri.
Leikmenn United
David de Gea – Hafði bókstaflega ekkert að gera í dag og bar ekki ábyrgð á marki Brighton.
Aaron Wan-Bissaka – Traustur eins og alltaf. Betri en oft áður fram á við.
Victor Lindelöf og Harry Maguire – Áttu ekki í vandræðum í dag en hefðu mátt dekka betur þegar Lewis Dunk skoraði.
Brandon Williams – Var flottur í dag og klárlega efni í frábæran bakvörð. Það er skandall ef hann fær ekki að halda sæti sínu í næsta leik.
Fred – Átti fínan dag og virðist smám vera þróast í frambærilegan miðjumann en er alls ekki þeim klassa sem verðmiðinn á honum gaf til kynna.
Scott McTominay – Heldur áfram að vera einn besti leikmaður liðsins og var nokkrum millimetrum frá því fá annað mark United skráð á sig.
Andreas Pereira – Skoraði fyrsta mark leiksins og var virkilega góður í dag.
Daniel James – Var frábær í dag og átti skilið að ná stoðsendingu í dag en Marcus Rashford brenndi af í dauðafæri.
Marcus Rashford – Virkilega góður í dag og en hefði átt að skora meira en markið hans var glæsilegt.
Anthony Martial – Maður leiksins í dag. Átti þátt í tveimur mörkum í dag og hefði mátt skora sjálfur.
Jesse Lingard, Marcus Rojo og Mason Greenwood – Komu inná sem varamenn en komu nánast ekkert við sögu. Rojo og Greenwood komu inná í uppbótartíma.
Bekkur: Romero, Jones, Mata, Lingard (Pereira), Rojo (Williams), Greenwood (Rashford), Garner.
Brighton: Ryan. Duffy, Dunk, Stephens, Maupay, Trossard, Montoya, Propper, Burn, Connolly, Alzate
Bekkur: Button, Gross (Trossard), Balogun, Murray (Connolly), Mooy, March (Montoya), Scheletto.
Audunn says
Verðum að vinna þennan leik, allt annað verður algjör skellur.
Eitt sem er svolítið sjokkerandi en sýnir því miður hvar United er statt í dag.
Super Sunday á sky og þeir sýna frekar Wolves vs Aston villa kl 14.00 í stað Manchester United leik á Old Trafford.
Það er ákveðið högg fyrir Manchester United
gummi says
Við erum bara orðið miðlungs lið
Bjarni Ellertsson says
Miðlungs lið eða ekki, erum alla vegana að sýna baráttu í þessum leik og uppskerum eftir því. Höldum vonandi áfram í seinni.
GGMU
Sindri says
Flottur sigur.
ÞEGAR Rashford fer að nýta færin sín byrjum við að pakka svona liðum saman.
Georg says
Hvernig ætlar Luke Shaw a komast í liðið aftur ef þessu Brandon Williams spilar svona !
Mctominay og Williams eru óhræddir og það er að koma vel út fyrir þá. Fínn leikur og Brighton áttu ekki séns.
En hey Brighton sóttu og það á vel við United…annars er ég 100% sammála Auðunni
Audunn says
Mjög flottur leikur og líklega besti leikur United sóknarlega í mjög marga mánuði.
Gaman að sjá Brandon Williams og vona svo sannarlega að hans frammistaða í dag verði til þess að ég eigi aldrei eftir að sjá Young spila aftur í treyju Manchester United.
Virkilega gaman að sjá Fred líka, hann átti stórleik og sinn besta leik fyrir United frá því hann kom.
Meira svona Fred og meira svona Manchester United. Hefðum jú kannski átt að nýta færin betur en sigur er sigur og heilt yfir var frammistaðan mjög góð. Voru amk að skapa helling af færum sem er skref í rétta átt.
United þarf bara að halda áfram á sömu braut og fara að hala inn stigum.
Björn Friðgeir says
„Virkilega gaman að sjá Fred líka, hann átti stórleik og sinn besta leik fyrir United frá því hann kom.
Meira svona Fred og meira svona Manchester United“
Hver ertu og hvað ertu búinn að gera við hann Auðunn okkar 😳
Sá ekki leikinn og trúi þessu varla.