Leikskýrsla

Manchester United ferðaðist til Lundúna og heimsótti Brentford. Síðasti leikur United var 4:3 sigurinn gegn Liverpool í FA bikarnum og Brentford hafa átt ansi brösugt tímabil og hafa verið að tapa helling af stigum. Liðin enduðu á að taka sitthvort stigið úr leiknum en United hafa sjaldnar verið hægari og lélegri en í kvöld. Heimamenn voru á hálfu skrefi á undan allan leikinn og litu út á köflum út fyrir að vera 1-2 leikmönnum fleiri. Brentford átti 31 marktilraun í kvöld og hefðu með meiri gæðum unnið þægilegan sigur. Framlína United var langt frá sínu besta og miðjuparið Mainoo og McTominay var lítil fyrirstaða en Brentford áttu mjög auðvelt að spila í gegnum þá félaga. Einnig var hápressa United frekar döpur og virtist unnin af hálfum hug. En og aftur fá andstæðingar eins margar snertingar og þeir vilja inní markteig United en tölfræðin sú var Brentford ríflega í hag. Ten Hag ákvað að víxla Wan-Bissaka og Dalot í kvöld og var enski bakvörðurinn vinstra megin í dag en skilaði ekki miklu sóknarlega. Einhverra hluta vegna spilaði United þannig að Rashford og Garnacho tvíteymdu vinstri kantinn en það skilaði engu. Lesa meira

Fyrsta tap United gegn Fulham á Old Trafford í háa herrans tíð staðreynd. Það er ekki hægt að segja að sigur Fulham hafi ekki verið fullkomlega verðskuldaður. Marco Silva setti upp fullkomið leikplan gegn Höjlundlausu United liði. Það er eiginlega lygilegt hversu afskaplega lélegir United voru nánast allan leikinn. Langbesti leikmaður United í dag Andre Onana var eina ástæðan fyrir því að United héldu hreinu í fyrri hálfleiknum. Fengum að sjá betur af hverju hann var fenginn til liðsins. Sama er ekki hægt að segja um marga aðra leikmenn liðsins. Trekk í trekk fengu Fulham leikmenn að dunda sér með boltann í og við markteig United, menn náðu oftar en ekki 3-4 snertingum með boltann algjörlega pressulausir. Augljóst að vörnin saknar Lisandro Martínez. Harry Maguire átti þó ágætan leik og skoraði mark liðsins en hefði átt að vera búinn að skora fyrr þegar hann skallaði framhjá í dauðafæri. Miðjan var rosalega lek í dag. Fulham léku alltof auðveldlega framhjá Mainoo og Casemiro. Omari Forson fékk óvænt tækifæri í byrjunarliðinu og átti frekar gleymanlega frammistöðu en hann átti mikið af feilsendingum og virkaði mjög taukaóstyrkur í flestum aðgerðum sínum. Alejandro Garnacho ásamt Onana voru framan af einu leikmennirnir sem voru að reyna eitthvað. Marcus Rashford var einfaldlega skelfilegur í dag og virtist engan áhuga hafa á að gera eitt né neitt. Það er nánast hægt að segja United hafi verið einum færri í dag. Þegar nokkrar mínútur voru liðnar af seinni hálfleiknum lentu Casemiro og Reed í því að skalla hvorn annan óvart. Stöðva þurfti leikinn í nokkrar mínútur og gerði Ten Hag tvöfalda skiptingu strax í kjölfarið og henti McTominay og Eriksen inná til að reyna að þétta miðjuna og stöðva snarpar sóknir gestanna. Það skilaði þó ekki miklu og Fulham náði forystu eftir hornspyrnu en Calvin Bassey fékk tvö tækifæri til að koma boltann á markið og skoraði í síðara tilraun sinni. United tók aðeins við sér eftir markið sem kom á  65′ mínútu en allar tilraunir og tilburðir liðsins voru ómarkvissar og fyrirsjáanlegar. Áðurnefndur Maguire náði þó að jafna leikinn eftir fínt einstaklingsframtak á 89′ mínútu og loksins virtist United vakna til lífsins og eftir að dómarinn gaf upp að uppbótartíminn yrði 9+ mínútur var allt í einu komið mómentum í leik liðsins og nægur tími til að sækja öll þrjú stigin. Það voru þó gestirnir sem gerðu útum vonir heimamanna eftir að Alex Iwobi af öllum mönnum skoraði sigurmarkið eftir flott sprett frá Traoré. Lesa meira