• Skip to primary navigation
  • Skip to main content
  • Skip to primary sidebar
  • Skip to footer

Rauðu djöflarnir

  • Forsíða
  • Hópurinn
  • Greinasafn
  • Twitter
  • Leikir
  • Meiðsli
  • Djöflavarpið
  • Forsíða
  • Hópurinn
  • Greinasafn
  • Twitter
  • Leikir
  • Meiðsli
  • Djöflavarpið
Meistaradeild Evrópu

S.C. Braga – Manchester United annað kvöld

Magnús Þór skrifaði þann 6. nóvember, 2012 | 7 ummæli

Það má heldur betur segja að völlur Braga manna sé öðruvísi og umhverfið magnað.

Annað kvöld byrjar seinni hluti riðlakeppninnar hjá okkar mönnum. Aftur mætum við Braga en í þetta skiptið fer leikurinn fram á heimavelli Portúgalana, Estádio AXA í Braga. Fyrri leikur þessara liða var dæmigerður leikur fyrir okkar menn á þessari leiktíð, lenda snemma undir og þurfa svo að vinna sig aftur inn í leikinn. Góðu fréttirnar eru þær að í síðustu deildarleikjum gegn Chelsea og Arsenal hefur annað verið upp á teningnum og hafa United menn skorað snemma og stjórnað leikjunum. Sir Alex sem á 26 ára starfsafmæli í dag hefur gefið það út að það verði breytt lið sem spilar í kvöld frá því um helgina. Búast má við að Rio Ferdinand verði hvíldur ásamt fleirum. En stefnan er samt sett á að vinna leikinn og tryggja liðið áfram. Hópurinn sem fer til Portúgal: De Gea, Lindegaard; Rafael, Evans, Ferdinand, Büttner, Smalling, Evra; Cleverley, Giggs, Anderson, Nani, Valencia, Carrick, Young, Powell; Rooney, Welbeck, Hernandez, van Persie.

Braga hefur unnið báða leikina sem þeir hafa spilað í Portúgölsku deildinni síðan þeir töpuðu á Old Trafford. Heimamenn eru meiðslalausir og munu án efa stilla upp sínu sterkasta liði. Þar sem hættulegastir verða teljast framherjarnir Éder og Alan sem skoraði einmitt mörk Braga í fyrri viðureign liðanna.

Erfitt að gera spá fyrir um mögulegt byrjunarlið í þessum leik, en miðað við hvað Ferguson hefur sagt þá gæti það verið á þessa leið:

Lindegaard

Rafael Smalling Evans Büttner

Cleverley Anderson

Nani  Rooney  Giggs

Hernández

 

Ég spái því að þessi leikur endi í 1-1jafntefli sem verður nóg til að komast upp úr riðlinum. En hvað haldið þið?

Efnisorð: Braga Upphitun 7

Reader Interactions

Athugasemdir

  1. 1

    Sveinbjorn says

    6. nóvember, 2012 at 15:35

    Það væri flott að hafa Anderson og Cleverley
    saman á miðjunni með Rooney fyrir framan
    sig og sjá hvað þeir geta gert saman.

    Annars er skrifað í skýin 1-4 fyrir okkur.

    0
  2. 2

    Egill Guðjohnsen says

    6. nóvember, 2012 at 16:13

    Welbeck er allan daginn að fara spila þennan leik og ég sé Smalling aldrei byrja þennan leik

    0
  3. 3

    Svavar says

    6. nóvember, 2012 at 16:23

    Láta Welbeck og Chicarito báða byrja bara. Welbeck á kantinn í staðinn fyrir Giggs.

    0
  4. 4

    Tryggvi Páll says

    7. nóvember, 2012 at 10:44

    Ferguson hefur staðfest að Smalling „taki þátt“ í leiknum. Það þýðir væntanlega ekki byrjunarliðssæti en vonandi fær hann einhverjar mínútur. Nauðsynlegt að fá hann til þess að létta á álaginu í vörninni.

    Það væri jafnframt mjög sterkt að taka 3 stig hérna og gulltryggja fyrsta sætið. Meðan önnur ensk lið í vandræðum er mjög jákvætt að okkar menn séu að sigla í gegnum þennan riðil og ef við erum með 12 stig getur gamli leyft sér aðeins að „slaka á“ í síðustu tveimur leikjunum.

    0
  5. 5

    Guðmundur says

    7. nóvember, 2012 at 12:35

    nú spyr ég bara því ég þekki þetta ekki alveg.

    En hvernig var þetta, á ekki alltaf að stilla upp sterkasta mögulega liðinu?
    Eitthvað rámar mig í fyrir nokkurm árum þegar manu stillti upp veiku liði gegn Hull City, að mig minnir, bara til þess að hvíla flest alla lykilmenn fyrir næsta leik. og það varð allt brjálað útaf því:S

    Eða er ég bara að rugla?:S

    En svo ég komi aðeins að leiknum, þá auðvitað vona ég að man u landi sigri, en ég er samt hræddur um að ef þeir ætla að stilla upp „veikara“ liði, þá verður þetta ansi löng og brött brekka. En við sjáum hvað gerist:)

    0
  6. 6

    Snævar says

    7. nóvember, 2012 at 18:51

    @Guðmundur,

    Þú ert ekki að rugla en ég held að sú regla gildi í úrvalsdeildinni en ekki meistaradeildinni. Hef allavega ekki heyrt af henni þar…

    0
  7. 7

    Einar j says

    7. nóvember, 2012 at 18:55

    það er nú ekki eins og þetta séu einhverjir varaliðsmenn sem að fóru út, gamli ætti nú að geta hnoðað í eitt lið sem að á að fara nokkuð létt með þetta Braga lið.

    0

Skildu eftir svar Hætta við svar

Netfang þitt verður ekki birt. Nauðsynlegir reitir eru merktir *

Primary Sidebar

Michelsen Tag Heuer er styrktaraðili Rauðu djöflanna

Síðustu ummæli

  • Magnús Þór um Manchester Utd 3:1 Fulham
  • Arni um Manchester Utd 3:1 Fulham
  • Bjarni um Önnur ferð til Sevilla!
  • Egill um Real Betis 0:1 Manchester United
  • Helgi P um United 0 – 0 Southampton

Tístvélin

Tweets by @raududjoflarnir

Facebook

Rauðu djöflarnir

Footer

Rauðu djöflarnir

  • Um okkur
  • Reglur

Fantasy deildin

Vertu með í Fantasy leiknum okkar!

Kóði: 1997321-460021

Leit

  • Um okkur
  • Reglur

Rauðu djöflarnir © 2023 · Keyrt á WordPress