Það hafa sjálfsagt ansi margir verið búnir að reka Solskjær þegar Manchester United gekk inn í búningsklefa í hálfleik tveimur mörkum undir og í neðsta sæti F-riðils. En frábær endurkoma í seinni hálfleik þýðir að Manchester United er í efsta sæti riðilsins þegar riðlakeppnin er hálfnuð. Áfram er spurningamerki um ýmislegt í spilamennsku liðsins og uppleggi en sem knattspyrnuáhugamaður og United-stuðningsmaður þá getur maður ekki annað en glaðst á svona kvöldi. Sjáum svo bara til hvað gleðin endist lengi í þetta skiptið.
Meistaradeild Evrópu
Meistaradeildin heldur áfram á Old Trafford
Síðasti rúmi mánuður hefur ekki verið sá besti hjá Manchester United eftir að Ole Gunnar Solskjær tók við liðinu. 4 slæm töp í 7 leikjum, ósannfærandi spilamennska og þessir 2 sigurleikir sem hafa þó komið hafa verið ansi tæpir. Efasemdaraddirnar um Solskjær hafa hækkað til muna á síðustu vikum og liðið á verulega erfiða leikjatörn framundan. Þrátt fyrir að þeir fjölmiðlamenn sem hafa tengingar við félagið staðhæfi að Solskjær hafi fullt traust innan Manchester United áfram þá fær maður samt á tilfinninguna að liðið og þjálfarahópurinn séu með bakið upp að veggnum núna.
United í hefndarhug gegn Villarreal
Það er fátt leiðinlegra en að bíða eftir næsta verkefni, þegar að leikurinn á undan tapaðist – sérstaklega þegar hann tapast eins ömurlega og gegn Aston Villa. Í kvöld, kl. 19:00 gefst Manchester United tækifæri til að kvitta fyrir vonbrigði síðustu tveggja leikja á Old Trafford. Andstæðingurinn er kunnuglegur: Villarreal. Liðin mættust síðast í vor þegar að þeir gulklæddu höfðu betur í langdreginni vítaspyrnukeppni, í úrslitaleik Evrópudeildarinnar. Það var helvíti leiðinlegt.
Young Boys Bern 2:1 Manchester United
Ole Gunnar gerði þrjár breytingar á liðinu sem byrjaði á laugardaginn, Donny van de Beek, Fred og Victor Lindelöf komu inn.
1
De Gea
23
Shaw
5
Maguire
2
Lindelöf
29
Wan-Bissaka
34
Van de Beek
17
Fred
6
Pogba
18
Bruno
25
Sancho
7
Ronaldo
Lið Young Boys var varnarsinnað eins og hefði kannski mátt gera ráð fyrir
Von Ballmoos
Garcia
Lauper
Camara
Hefti
Martins
Sierro
Ngamaleu
Aebischer
Fassnacht
Elia
United sótti frá upphafi án þess að hafa mikið erindi, Young Boys áttu ágæta sókn á 10. mínútu án þess að geta nýtt það f og í næstu sókn á eftir kom portúgalskt mark hjá United. Bruno gaf inn á teiginn, fram hjá og milli miðvarðanna og García hafði ekki hugmynd um að Ronaldo lúrði fyrir aftan hann, Ronaldo tók boltann og skot hans fór í markvörðinn Von Ballmoss og lak svo undir hann og í netið. Smá heppni þar en sendingin frá Bruno stórkostleg.
Meistaradeildin í Bern á morgun
Leikmenn United eru komnir til Bern í Sviss og mæta á morgun liði Young Boys
*brandari að eigin vali um unga drengi*
Andstæðingurinn
Young Boys urðu meistarar í Sviss í fimmtánda skipti í vor og fjórða skiptið í röð og eru búnir að fara í gegnum þrjár undanrásir áður en liðið tryggði sér sæti í riðlakeppninni. Slovan Bratislava, CFR Cluj og Ferencváros lutu í gras.
Stjóri Young Boys er gamalkunnur úr enska boltanum, Þjóðverjinn David Wagner stýrði Huddersfield frá 2015-2019, fékk síðan tækifæri hjá Schalke og entist rúmlega árið en tók við Young Boys í sumar, meistarastjórinn Gerhard Soane fór til Bayer Leverkusen. Young Boys hafa ekki byrjað of vel í deildinni, tveir sigrar, tvö jafntefli og eitt tap og þeir sitja í fimmta sæti. Þeir unnu þó leik sinn um helgina, sannfærandi fjögur – núll sigur gegn efsta liðinu FC Zürich, þar sem miðjumaðurinn Michel Aebischer átti stórleik og skoraði tvö mörk. Það er ekki hægt að segja að í hópi liðsins séu leikmenn sem við utan Sviss eigum að þekkja og ég stilli hér upp sama liði og vann þennan góða sigur um helgina.