• Skip to primary navigation
  • Skip to main content
  • Skip to primary sidebar
  • Skip to footer

Rauðu djöflarnir

  • Forsíða
  • Hópurinn
  • Greinasafn
  • Twitter
  • Leikir
  • Meiðsli
  • Djöflavarpið
  • Forsíða
  • Hópurinn
  • Greinasafn
  • Twitter
  • Leikir
  • Meiðsli
  • Djöflavarpið
Æfingaleikir

AS Roma 2:3 Manchester United

Björn Friðgeir skrifaði þann 26. júlí, 2014 | 19 ummæli

Liðið leit svona út í fyrri hálfleik

Johnstone

Jones Evans Blackett

Valencia Cleverley© Mata Herrera James

Welbeck Rooney

Roma liðið: Skorupski; Calabresi, Benatia, Romagnoli, Emanuelson; Uçan, Keita, Paredes; Iturbe, Destro, Florenzi

Leikurinn var varla mínútu gamall þegar löng sending kom inn fyrir vörn United, Destro stakk Blackett og Evans af, vippaði yfir lélegt úthlaup Johnstone, boltinn skoppaði inn í markteig og á einhvern ótrúlegan hátt var skoppið nógu mikið til þess að boltinn fór yfir slána. Gríðar vel sloppið þar. Roma pressaði áfram og Destro átti fljótlega aðra tilraun, beint yfir í þetta skiptið.

Leikurinn var nokkuð rólegur framan af, hitinn og hæðin hefur haft sitt að segja. Roma reyndi stungusendingar, en vörn United var betri í að halda línunni og fá rangstöðuna heldur en í færinu á fyrstu mínutunni. Það var hins vegar ljóst að Roma voru engir Galaxy og United gekk illa að ná upp spili og halda boltanum. Þegar Roma var með boltann voru þeir hins vegar sáttir við að sitja aftarlega og reyna að opna vörnina með löngum sendingum.

Louis van Gaal fékk sínu fram og það var tekið tveggja mínútna vatnshlé um miðjan hálfleikinn. rétt á eftir kom skásta færið í langan tíma, skot beint á Johnstone.

Það var lítið sem benti til þess að United myndi skora en enda kom það upp úr þurru á 36. mínútu. Rooney fékk boltann fyrir utan teig, tók hliðarhreyfingu og skotið í hina áttina og boltinn small í netinu. Glæsilegt mark.

Rétt á eftir átti Mata að bæta við þegar hann komst einn inn í teig en markvörðurinn varði vel slakt skot Mata. Hann hins vegar bætti fyrir það mínútu síðar. Rooney var á eigin vallarhelming, sendi langa sendingu inn í teig og þar var Mata, tók glæsilega á móti boltanum með fyrstu snertingu og í þetta sinn vippaði hann yfir markvörðinn.

Áður en hálfleikurinn var úti var United komið í þrjú núll og aftur var það Rooney. Í þetta sinn skoraði hann úr víti eftir að brotið var klaufalega á Welbeck sem var að komast í stungusendingu frá Rooney

Það er ljóst að Rooney ætlar ekkert að gefa eftir stöðu sína í liðinu þó að uppáhaldsþjálfari Robin van Persie sé mættur á svæðið, hann var sannarlega að sýna mikilvægi sitt fyrir liðið, þó hann væri lítt sýnilegur fyrsta hálftímann.

United gerði 9 breytingar í hálfleik eins og lofað var:

Amos

Smalling Michael Keane Blackett

Young Cleverley© Kagawa Lingard Shaw

Will Keane Nani

Leikurinn var nokkuð slakur í byrjun seinni hálfleiks allt fram að vatnspásu. Roma voru þó sprækari en okkar menn. Eftir vatnspásuna kom Hernandez inná fyrir Cleverley og Chris Smalling fékki fyrirliðabandið. Þá voru Lingard og Kagawa orðnir miðjumennirnir og vonandi að það verið ekki oft, enda fátt skemmtilegt að gerast.

En svipað og í fyrri hálfleik kom mark úr engu á 75. mínútu. Miroslav Pjanic sem var nýkominn inná var 10 metrum innan eigin vallarhelmings, leit upp, sá að Ben Amos var framarlega og tók sénsinn. Skot hans sveif yfir völlinn og þó að Ben Amos reyndi að bakka eins og hægt var smaug boltinn hárfínt undir slána. Glæsilegt mark.

Leikurinn var frekar dapur eftir þetta sem fyrr. Lingard tók aukaspyrnu úr vítateigshringnum, sem fór beint í vegginn, mjög slakt. Hinu megin bætti Amos fyrir markið ef einhverjum fannst hanne iga sök þar á með að verja hjólhestaspyrnu Castan glæsilega í stöng.

Á 89. mínútu fengu Roma víti fyrir hendi á Michael Keane, sem Totti gamli skoraði örugglega út. Dómurinn frekar harður, skotið í hendi Keane af stuttu færi.

En á endanum hafðist þetta í frekar slökum leik og þrjú stig í höfn í Guinness bikarnum.

Efnisorð: Leikskýrslur Roma Tour 2014 19

Reader Interactions

Athugasemdir

  1. 1

    Auðunn Atli Sigurðsson says

    26. júlí, 2014 at 19:29

    Jams bara um að gera að prufa eitthvað nýtt

    0
  2. 2

    Björn Friðgeir says

    26. júlí, 2014 at 19:32

    Nick Powell er víst ekki kominn tll BNA og þar af leiðandi ekki á bekknum. Þar eru De Gea, Smalling, Lindegaard, Hernandez, Nani, Young, Fletcher, Kagawa, Shaw, Zaha, Lingard, Michael og Will Keane og Ben Amos. Sum sé, allir nema Rafael.

    0
  3. 3

    Björn Friðgeir says

    26. júlí, 2014 at 20:08

    Hlaut að vera, James er í kantverðinum, Welbeck frammi og Mata fyrir aftan Rooney og Welbeck

    0
  4. 4

    McNissi says

    26. júlí, 2014 at 21:05

    Surprise surprise… allt fór að gerast eftir vatnspásuna :) Van Gaal er svo með’etta. United voru ekkert að ná að opna þá þannig hann nýtti vatnspásuna til að breyta áherslunum og auðvitað svínvirkaði það og 3 mörk komu! Þessi gæji er mastermind!

    Btw. Rooney kominn með 4 mörk í 1 hálfleikum.

    0
  5. 5

    McNissi says

    26. júlí, 2014 at 21:06

    *2 hálfleikum

    0
  6. 6

    Björn Friðgeir says

    26. júlí, 2014 at 21:08

    Þessi móttaka hjá Mata…. *woooof*

    0
  7. 7

    Hjörvar Ingi Haraldsson says

    26. júlí, 2014 at 21:13

    http://youtu.be/EMRADWPAvAQ

    0
  8. 8

    McNissi says

    27. júlí, 2014 at 00:46

    Ef þetta var ,,slakur leikur“ með 3 svakalega falleg mörk þá eru menn orðnir pínu ofdekraðir. Sem ég hélt að við United menn værum einmitt ekki eftir seinast season :)

    0
  9. 9

    Hjörvar Ingi Haraldsson says

    27. júlí, 2014 at 09:23

    Þarf ekki að breyta fyrirsögninni á þessari grein?

    Rooney ætlar greinilega að minna á sig í þessu æfingarferðalagi :)

    0
  10. 10

    Björn Friðgeir says

    27. júlí, 2014 at 09:50

    Hjörvar: Víti telja ekki!!!

    0
  11. 11

    Hjörtur says

    27. júlí, 2014 at 11:48

    Fyrri hálfleikur bara nokkuð góður, og 3 mörk, en sá seinni la la. Þarna sá maður að það getur gefið mörk, þó að færið sé 25m eins og þrumufleigur Rooney gerði. Vonandi gera leikmenn meir af þessu í vetur þ.e.a.s. að skjóta á markið, í stað þess að reyna að hnoðast með hann á tánum yfir marklínuna, sem reyndist þeim afskaplega erfitt síðasta vetur.

    0
  12. 12

    Hjörvar Ingi Haraldsson says

    27. júlí, 2014 at 12:46

    Til ykkar sem sáu leikinn, hvernig spilaði Cleverley?

    0
  13. 13

    Rúnar Þór says

    27. júlí, 2014 at 14:37

    @ Hjörvar Ingi Haraldsson:
    ekki mikið betur en á seinustu leiktíð, missti boltann nokkrum sinnum fremur klaufalega á hættulegu svæði og gerði lítið meira en bara senda boltann til hliðar. Var svo tekinn útaf eftir 70 mín þrátt fyrir að búið var að lofa honum 90 mín spilatíma, veit ekki hvort hann var bara of þreyttur eða hvort LVG var ekki nógu sáttur með hann

    0
  14. 14

    KPE says

    27. júlí, 2014 at 15:56

    Missti af seinni hálfleiknum, hvernig var Shaw?

    0
  15. 15

    Rúnar Þór says

    27. júlí, 2014 at 17:00

    @ KPE:
    svo sem allt í lagi, gerði ekki mikið fram á við og það sem hann þurfti að gera varnarlega leysti hann bara ágætlega

    0
  16. 16

    Rúnar Þór says

    27. júlí, 2014 at 23:33

    þætti mjög gott ef stjórnendur þessarar síðu myndu setja aftur í hornið upplýsingar um næsta leik United. Er mjög þægilegt að geta fylgst með því hér

    0
  17. 17

    Magnús Þór Magnússon says

    28. júlí, 2014 at 04:05

    @ Rúnar Þór:
    Það datt út vegna tæknilegra örðugleika og verið er að vinna í að laga það. Við erum að vonast til að þetta verði komið aftur fyrir 1.umferð í úrvalsdeildinni.

    0
  18. 18

    DMS says

    28. júlí, 2014 at 11:45

    Here we go again, Rafael meiddur.
    http://www.mbl.is/sport/enski/2014/07/28/rafael_fer_meiddur_heim/

    Sé ekki alveg hvernig við eigum að geta stólað á hann í þessu 3-5-2 kerfi með tvo vængbakverði. Ætli Valencia taki ekki bara þessa stöðu af honum, Rafael er yfirleitt alltaf töluvert frá á hverju tímabili.

    Væri hrikalega mikið til í Daley Blind, getur leyst allar stöður í vörninni og spilað djúpur á miðju. Besti leikmaður Ajax í fyrra og átti gott mót á HM þar sem hann spilaði sem vinstri vængbakvörður hjá Hollandi, en hann spilar yfirleitt á miðjunni hjá Ajax.

    0
  19. 19

    Hannes says

    28. júlí, 2014 at 17:15

    mætti halda að Ben amos hafi fengið 8 ára samning fyrir nokkrum árum. Ég get alveg skilið það að ástæðan fyrir því að ekki sé búið að selja hann sé útaf því að enginn vill kaupa hann en afhverju er ekki búið að segja upp samningnum hans. Spilar aldrei með aðalliðinu og er alltaf lánaður einhvert þar sem hann getur ekkert, stóð sig hræðilega í norsku deildinni með Molde. Svo poppar hann alltaf upp í þessum æfingaferðum og hefur í hvert einasta skipti sem ég hef séð hann spila gefið a.m.k. 1 mark í leik. Það er ekki hægt að segja að þetta sé ungur og efnilegur markmaður , hann er 24 ára og er eldri en De Gea !

    0

Skildu eftir svar Hætta við svar

Netfang þitt verður ekki birt. Nauðsynlegir reitir eru merktir *

Primary Sidebar

Michelsen Tag Heuer er styrktaraðili Rauðu djöflanna

Síðustu ummæli

  • Magnús Þór um Manchester Utd 3:1 Fulham
  • Arni um Manchester Utd 3:1 Fulham
  • Bjarni um Önnur ferð til Sevilla!
  • Egill um Real Betis 0:1 Manchester United
  • Helgi P um United 0 – 0 Southampton

Tístvélin

Tweets by @raududjoflarnir

Facebook

Rauðu djöflarnir

Footer

Rauðu djöflarnir

  • Um okkur
  • Reglur

Fantasy deildin

Vertu með í Fantasy leiknum okkar!

Kóði: 1997321-460021

Leit

  • Um okkur
  • Reglur

Rauðu djöflarnir © 2023 · Keyrt á WordPress