Manchester Utd og Wigan mættust í dag í leiknum um Samfélagsskjöldinn (Góðgerðaskjöldurinn hét hann þegar ég byrjaði að fylgjast með fyrir alvöru). Þessi leikur var ekki og mun ekki verða einn af þeim spennandi sem United hefur leikið. Það var nokkuð ljóst að töluverður gæðamunur er á þessum liðum frá byrjun. Augljóst að Wigan án Roberto Martínez mun ekki spila mest sexí boltann í Championshipdeildinni. Það tók ekki nema 6 mínútur fyrir okkar menn að skora fyrra markið og þar var á ferðinni efnilegur hollenskur framherji sem heitir Robin van Persie eftir stoðsendingu frá Patrice Evra. Staðan 1:0 í hálfleik.
Loksins, loksins alvöruleikur, Wigan á Wembley á morgun
Á morgun mætum við bikarmeisturum Wigan (já, þið lásuð rétt) í árlega leik meistara meistaranna eða Samfélagsskildinum. Ég man ekki hvenær það gerðist síðast að annað liðanna í þessum leik var ekki í úrvalsdeildinni og ykkur er velkomið lesendur góðir að minna mig á það í athugasemdunum.
Lið United fór um víðan völl þetta undirbúningstímabil og úrslitin kannski ekki þau bestu enda sjaldan stillt upp sterkasta liði. Ungu strákarnir fengu að njóta sín og þá sérstaklega litu þeir vel út Adnan Januzaj og Wilfried Zaha og ég yrði fyrir vonbrigðum ef þeir verða lánaðir. Margir stuðningsmenn eru pirraðir á getuleysi United á leikmannamarkaðinum og hafa þeir ýmislegt til síns máls. Kannski hefði verið betra að reyna við raunhæfari markmið en við skulum ekki örvænta alveg strax enda eru rúmar 3 vikur til loka félagsskiptagluggans.
Manchester Utd 1:3 Sevilla
Þá er æfingaleikjum fyrir 2013-14 tímabilið lokið. Lokaleikurinn var heiðursleikur Rio Ferdinand. Manchester United byrjaði leikinn svona:
De Gea
Fabio Smalling Ferdinand Büttner
Cleverley Anderson
Valencia Januzaj Kagawa
Henriquez
Mörk Sevilla skoruðu Victor Machin, Marko Marin og Bryan Rabello. Antonio Valencia af öllum mönnum skoraði mark okkar manna.
Held að það sé tilefni til að benda mönnum að slaka á svartsýninni. Undirbúningstímabil hefur yfirleitt ekki gefið rétta mynd af neinu.
Borðdúkur 2.0 og slúður
Þau ykkar sem héldu eða voru að vona að „gingham“ væri úr sögunni verða eflaust fyrir einhverjum vonbrigðum. Nýr varabúningur var kynntur í gær í Japan við Osaka kastalann. Eins og einhverjir vita þá er þetta gingham-mynstur tengt sögu iðnarins í Manchester en þetta var einmitt framleitt þar í borg. Þessi búningur er alls ekki slæmur en guð minn almáttugur hvað ég vona að þetta sé endirinn á hjónabandi gingham og Manchester United.
Fyrsti blaðamannafundur Moyes
Wayne Rooney verður ekki seldur og hefur verið að æfa vel að sögn Moyes.
Moyes segir að Manchester United muni alltaf hafa áhuga á bestu leikmönnunum, hann muni kaupa unga og efnilega leikmenn og vilji jafnframt nota uppalda leikmenn.
Nemanja Vidic segir Wayne Rooney vera í besta forminu í 5 ár og hlakkar til að spila með honum.
Ashley Young, Chris Smalling og Nani eru tæpir vegna meiðsla fyrir æfingartúrinn, Kagawa mun væntanlega hitta liðið í Japan. Javier Hernandez mun ekki fara í túrinn en mun æfa í Carrington AON Training Center.