Leikur Manchester United og Crystal Palace var ekki merkilegur fótboltalega séð nema fyrir þær sakir að í honum hélt David De Gea hreinu í fimmtugasta skipti fyrir Manchester United. 50 ,,hrein lök“ er ágætis árangur í 144 leikjum, sérstaklega ef litið er til þeirra varnarvandræða sem liðið hefur verið í nánast síðan að hann skrifaði undir. Leik eftir leik var hann, og er, með nýtt hafsentapar fyrir framan sig.
David de Gea
David De Gea er leikmaður febrúarmánaðar!
Sökum anna hef ég dregið lappirnar í að tilkynna útslit í kosningu á leikmanni febrúarmánaðar. Úrslitin reyndar komu ekki mikið á óvart því lesendur Rauðu djöflanna voru sammála flestum öðrum stuðningsmönnum út í heimi í því að David De Gea var besti leikmaður United í febrúar. Hann sigraði þessa kosningu nokkuð örugglega, fékk 43% atkvæða en næstur í kjörinu var Rafael með 21%, en svo kom Giggs með 18%.