Rauðu djöflarnir

Pistlar

Pistlar Stjórinn

Ballaðan um Ralf Rangnick

skrifaði þann | 2 ummæli

 

En hver er þessi maður sem ekkert of margir stuðningsmenn United höfðu heyrt af fyrr en fyrir um mánuði síðan? Einn Rauðu djöflanna hefur fylgst með honum um nokkuð langa hríð.

Mín fyrstu kynni af Rangnick voru 1999, þegar RÚV sýndi þýska boltann. Arfleifð Ásgeirs Sigurvinssonar og Eyjólfs Sverrissonar tryggði að Stuttgart hefur alltaf verið mitt lið þar og ég man eftir ungum þjálfara með hornspangargleraugu sem var þá nýtekinn við. Óljóst rámar mig í að hann hafi gefið ungum leikmönnum tækifæri. Hann entist í rúmt eitt og hálft ár hjá Stuttgart – sem er nokkuð gott á þeim bænum. Hann vann InterToto bikarinn og kom liðinu í undanúrslit bikarsins en vandræðagangur í deildinni kostaði hann starfið. Nafnið og karakterinn varð mér eftirminnilegt og hef ég því alltaf haft auga með honum. Lesa meira

Pistlar

Hver á að taka við af Ole Gunnar? Ritstjórn velur næsta stjóra!

skrifaði þann | 10 ummæli

Sagt er að eitt vandamál stjórnenda Manchester United þessa dagana sé að vita
ekki hver ætti helst að taka við af Ole Gunnar Solskjær. Rauðu djöflarnir eru allir
af vilja gerðir og hafa því sett saman lista, Woodward og félögum til hjálpar.

Steve Bruce

Embed from Getty Images
Það hefur í það minnsta reynst þokkalega síðustu tvö ár að hafa gamla stjörnu við stjórnvölinn, svona til að tryggja öðrum gömlum stjörnum góða vinnu hjá félaginu. Steve Bruce þekkir innviðina vel og er sérfræðingur í að halda á floti liðum þar sem eigendurnir vilja helst moka peningum út úr félaginu. Að auki er hann samningslaus sem stendur og kæmi því frítt. Tilvalinn fyrir Glazerana. Lesa meira

Pistlar

Arfleifð Ed Woodwards: Sérfræðingur í klúðri?

skrifaði þann | 1 ummæli

Vel má vera að Ed Woodward hafi hugsað sér að hætta hjá Manchester United í árslok en augljóst er að Ofurdeildarklúðrið flýtti því að það væri opinberað. Woodward hefur lengi verið skotspónn óánægju stuðningsmanna United en hve verðskuldað er það og hver var sök hans í Ofurdeildinni.

Woodward var verðlaunaður fyrir að setja saman fjármögnunum á kaupum Glazer-fjölskyldunnar í United í fyrra starfi sínu hjá JP Morgan fjárfestingabankanum. Hann er fæddur í Essex, nam eðlisfræði í Bristol áður en hann færði sig yfir í endurskoðun. Lesa meira

Pistlar

Ofurdeildin fallin

skrifaði þann | 3 ummæli

Ofurdeild Evrópu virðist heyra sögunni til 48 tímum eftir að hún var stofnuð eftir að ensku liðin flúðu út úr brennandi húsinu sem þau byggðu og kveiktu í. En hvað gerðist, hvað gerist næst og hver er staðan hjá Manchester United eftir tvo tilfinningaríka sólarhringa?

„Hver sá sem ver nokkrum stundum í innsta hring fótboltans gerir sér fljótt grein fyrir því að rétt eins og olía er hluti af olíuiðnaðinum er heimska hluti af knattspyrnuviðskiptum.“ Þessum orðum tísti blaðamaðurinn Simon Kuper, annar höfunda bókarinnar Soccernomics, um það leyti sem Ofurdeild Evrópu hrundi til grunna í gærkvöldi. Lesa meira

Pistlar

Deild hinna ósnertanlegu

skrifaði þann | 4 ummæli

Í gærkvöldi var tilkynnt um væntanlega stofnun Ofurdeildar Evrópu. Manchester United er eitt tólf stofnfélaga og er augljóslega framarlega því Joel Glazer er fyrsti varaformaður deildarinnar. Þá fjármagnar JP Morgan deildina, líkt og yfirtökuna á sínum tíma en Ed Woodward er fyrrum starfsmaður bankans. Tilkynningin um stofnun deildarinnar hefur vakið hörð viðbrögð meðal margra knattspyrnuáhugamanna. Rauðu djöflarnir rýna í stöðuna. Lesa meira