Á morgun byrjar enska úrvalsdeildin aftur eftir alltof langt hlé. Það er fátt verra en að þurfa að bíða í tvær vikur eftir tap. Meiðslalistinn hjá United er aftur orðinn eins og hann á að sér að vera. Samkvæmt physioroom eru 8 leikmenn meiddir eða tæpir fyrir leikinn á morgun. Tæpir en líklegir eru Wayne Rooney, Ander Herrera, Bastian Schweinsteiger, Michael Carrick og Marcus Rojo en meiddir eru Ashley Young, Paddy McNair og Luke Shaw.
Enska úrvalsdeildin
Arsenal 3:0 Manchester United
Arsenal hreinlega valtaði yfir Manchster United í dag á Emirates vellinum í London. Þeir mættu til leiks miklu grimmari og gerðu út um leikinn á fyrstu 20 mínútunum með þremur mörkum. Þeir voru mættir í alla bolta, pressuðu hátt, voru hreyfanlegir og blússandi hraðir fram á við. Varnarlína Man Utd, og miðja, var hreinlega í panic mode og réði ekki neitt við neitt. Skoðum þetta aðeins.
Heldur sigurhrinan áfram? United heimsækir Arsenal á morgun
Manchester United hefur verið á góðu skriðu undanfarið, svo góðu að liðið situr á toppnum í fyrsta sinn í alltof alltof langan tíma. Á næstu vikum munum við þó fyrst sjá hvað er spunnið í liðið og hvort að LvG & co geti gert alvöru atlögu að titlinum eða ekki. Október er nefnilega ansi strembinn:
Landsleikjahléið sker mánuðinn auðvitað í sundur en það er þétt leikið frá og með 17. október þegar United fer til Everton. Eins og sjá má eru spilar United þrjá af erfiðustu útileikjum tímabilsins í óktóber, gegn Arsenal, Everton og Crystal Palace. Þar að auki er heimaleikur gegn City og inn í þetta blandast Meistaradeildin og Deildarbikarinn.
Manchester United 3:0 Sunderland
United tók á móti Sunderland í dag á Old Trafford. Þessi sjöunda umferð byrjaði á leik Tottenham og City og gerðu Spurs menn sér lítið fyrir og unnu toppliðið sannfærandi með fjórum mörkum gegn einu í leik þar sem hvorki meira né minna en þrjú rangstæð mörk voru skoruð.
Þessi úrslit urðu þess valdandi að með sigri í dag gæti United rænt toppsætinu af City og að liðið yrði þá í fyrsta skipti, síðan Ferguson ákvað að hætta sem stjóri, í toppsæti deildarinnar. Það voru því engar ýkjur þegar maður segir að þessi leikur fór úr því að vera mikilvægur yfir að vera algjör MÖST-WIN fyrir Van Gaal og félaga sem horfðu tapleik City.
Wes Brown og John O’Shea snúa aftur – Sunderland kemur í heimsókn
Það eru leikir á þriggja daga fresti núna hjá United, alveg nákvæmlega eins og maður vill hafa það. Í vikunni var það Ipswich, á morgun er það Sunderland og á miðvikudaginn er það Wolfsburg.
Önnur helgi, annar hollenskur stjóri. Dick Advocaat tók við stjórnartaumunum í Sunderland á síðasta tímabili. Hann sneri við gengi liðsins og bjargaði þeim frá falli en eitthvað hefur honum brugðist bogalistin það sem af er tímabili enda eru Sunderland-menn á botninum, rétt fyrir neðan erkifjendurna í Newcastle. Ekki bjartir tímar í norðaustur-Englandi þessa dagana.