• Skip to primary navigation
  • Skip to main content
  • Skip to primary sidebar
  • Skip to footer

Rauðu djöflarnir

  • Forsíða
  • Hópurinn
  • Greinasafn
  • Twitter
  • Leikir
  • Meiðsli
  • Djöflavarpið
  • Forsíða
  • Hópurinn
  • Greinasafn
  • Twitter
  • Leikir
  • Meiðsli
  • Djöflavarpið
Enska úrvalsdeildin

Arsenal kemur í hádegisleikinn á morgun

Björn Friðgeir skrifaði þann 2. nóvember, 2012 | 3 ummæli

Manchester United - ArsenalLiðin er sú tíð að leikur Arsenal og United var úrslitaleikur um meistaratitilinn. Síðustu árin hefur það verið hlutskipti stuðningsmanna að horfa upp á bestu leikmenn liðsins hverfa á braut en í staðinn eru keyptir ódýrari leikmenn eða stuðst við uppalda leikmenn. Það ætti að vera fjarri nokkrum stuðningsmanni United að gagnrýna stefnu sem byggir á uppeldi, en eins og United stuðningsmenn hafa kvartað sáran undan að veskið sé dregið nægilega duglega upp hafa Arsenal stuðningsmenn gert hið sama. Þar á bæ munu vera til þokkalega digrir sjóðir eftir sölur síðustu ára, en engu að síður hefur Arsène Wenger ekki splæst í neina ofurkappa, en leitað eftir kjarakaupum.

Arsenal hefur gengið nokkuð brösuglega í haust eftir að markamaskínan þeirra síðustu ár ákvað að ganga í skemmtilegra lið, og það þó keyptir væru þrír leikmenn í staðinn.

Santi Cazorla hefur þó slegið í gegn í haust og sýnt sínar bestu hliðar eins og vænta má af leikmanni sem á 50 landsleiki með sigursælasta landsliði allra tíma, þó hann hafi ekki leikið lykilhlutverk í lokakeppnum með Spáni.

Olivier Giroud og Lukas Podolski hafa átt erfiðara með að koma sér í gang og Arsenal hefur skorað fæst mörk efstu sex liðana í deildinni. Um leið hafa þeir þó fengið fæst mörk á sig af þessum liðum. Framan af þótti vörn þeirra alveg skotheld en í síðustu leikjum hefur hún aðeins orðið lekari. Ekki ætla ég þó mikið að taka mark á 7-5 leik þeirra gegn Reading á þriðjudag hvað það varðar. Arsenal hefur átt í markmannsveseni og um tíma voru bæði Szczęsny og Fabianski meiddir, en Vito Mannone hefur átt ágæta innkomu og er búinn að ná varamarkmannstöðunni af Fabianski, en Szczęsny er enn meiddur.

Helsti veikleikinn hjá vörninni er Brasilíumaðurinn André Santos, en hann á við þann galla að stríða að vera brasilískur bakvörður. Það var ekki að ástæðulausu að við tókum tvíburana til okkar strax 18 ára til að reyna að ala þá upp.

Á miðjunni má búast við Mikel Arteta sterkum, og endurkoma Jack Wilshere mun að öllum líkindum halda áfram. Ramsey, Cazorla, Podolski og Giroud verða svo þarna allir. Oxlade-Chamberlain er eitthvað tæpur þannig að hann byrjar varla.

Okkar megin verður stillt upp sterku liði. Allir aðalmenn hvíldu á miðvikudaginn og koma aftur inn í liðið. Smalling og Jones eru alveg við það að koma til baka, en ekki er búist við þeim í þessum leik. Cleverley var ekki frábær í leiknum á sunnudaginn, en það var Anderson á miðvikudaginn og ég vona að hann fái séns. Liðið verður því svona:

De Gea

Rafael Ferdinand Evans Evra

Carrick Anderson

Valencia Rooney Young

Van Persie

Ætla að spá nokkrum mörkum, 3-2 fyrir okkur, enn einn leikurinn sem verður ekki fyrir hjartveika. Þetta verður þá 55. deildarleikurinn í röð sem United skorar í. 54 er nú þegar nýtt met fyrir þá sem halda að fótbolti hafi byrjað árið 1992.

Já og ef einhver var búinn að gleyma því fór leikurinn á Old Trafford í fyrra 8-2.

Efnisorð: Arsenal Upphitun 3

Reader Interactions

Athugasemdir

  1. 1

    Runólfur says

    2. nóvember, 2012 at 17:47

    Er Scholes ekki alltaf að fara starta þennan leik? Þó svo að Anderson hafi verið stórkostlegur í síðasta leik þá spái ég Scholes-Carrick saman á miðjunni. Annars verður liðið alveg eins og þú spáir.

    0
  2. 2

    Björn Friðgeir says

    2. nóvember, 2012 at 18:58

    Mér finnst miðjan hjá Arsenal ekki árennileg og held við verðum að stilla upp yngri mönnum en Scholes, hafa hann í bakhöndinni óþreyttan þegar líður á. En annars er það alveg rétt hjá þér að það eru góðar líkur á að hann verði með.

    0
  3. 3

    Pétur says

    2. nóvember, 2012 at 19:30

    Ég er sammála miðjunni, Anderson á þetta fyllilega skilið og vonandi heldur hann áfram að bæta sig. Frábært að eiga Scholes inni á bekknum, gott að geta sett hann óþreyttan inná ef við þurfum einhvern til að stjórna spilinu hjá okkur þegar líður á.

    0

Skildu eftir svar Hætta við svar

Netfang þitt verður ekki birt. Nauðsynlegir reitir eru merktir *

Primary Sidebar

Michelsen Tag Heuer er styrktaraðili Rauðu djöflanna

Síðustu ummæli

  • Magnús Þór um Manchester Utd 3:1 Fulham
  • Arni um Manchester Utd 3:1 Fulham
  • Bjarni um Önnur ferð til Sevilla!
  • Egill um Real Betis 0:1 Manchester United
  • Helgi P um United 0 – 0 Southampton

Tístvélin

Tweets by @raududjoflarnir

Facebook

Rauðu djöflarnir

Footer

Rauðu djöflarnir

  • Um okkur
  • Reglur

Fantasy deildin

Vertu með í Fantasy leiknum okkar!

Kóði: 1997321-460021

Leit

  • Um okkur
  • Reglur

Rauðu djöflarnir © 2023 · Keyrt á WordPress