Rauðu djöflarnir

Enska úrvalsdeildin

Queens Park Rangers 0:2 Manchester United

skrifaði þann | 26 ummæli

Manchester United er með fimmtán stiga forystu í deildinni. Hljómar fáránlega en samt svo fallega. Hver hefði trúað því? Eftir rosalega slaka frammistöðu City gegn Southampton þar sem þeir töpuðu sanngjarnt og sannfærandi þá áttum við Everton daginn eftir. Fergie sá þarna tækifæri til að ná tólf stiga forystu í deildinni og breytti liðinu í samræmi við það, það skilaði árangri og munirinn orðinn tólf stig.

En aftur að þessum fimmtán stigum. Ég verð að viðurkenna að ég var frekar smeykur við leikinn í dag. Hélt að þessi mikla forystu myndi leiða til vanmats gegn liðinu sem er neðst í deildinni og sárvantar stig til að bjarga sér.

Rafael da Silva ákvað á 23.mínútu að hjálpa mér að sigrast á óttanum með þessu frábæra marki. Robin van Persie var ekki alveg á sama máli og fór meiddur af velli fyrir leikhlé, óttinn ákvað að koma aftur.

Í seinni hálfleik var aðeins meira jafnvægi í leiknum en svo kom sá tími leiksins sem er alltaf áhyggjuefni þegar United virðast ekki ná að strengja saman 2-3 sendingar í röð án þess að gefa boltann frá sér. QPR sótti  töluvert en voru aldrei neitt rosalega nálægt því að skora en maður neitt aldrei. Það kom ekki á óvart að í þessari viðkvæmu 0-1 stöðu og van Persie farinn af velli að Fergie myndi bregðast við. Rooney kom inná fyrir Chicharito. Það virðist nauðsynlegt að hafa að minnsta kosti annan þeirra á vellinum. David de Gea átti nokkrar fínar vörslur eins og venjulega og það stefndi í stressandi lokamínútur. En á 80.mínútu kom flott sókn hjá United og Nani stakk boltanum inn á Giggs sem gerði þetta. Nú slökknaði hressilega á QPR og milljamaðurinn Samba gat ekki sinni hjálpað þeim né Remy sem kom inná en gerði nákvæmlega ekki neitt. 0-2 sigur staðreynd og munirinn eins og áður sagði orðinn fimmtán stig á City sem eiga leik til „góða“ gegn Chelsea á morgun.

Það er stundum vandasamt verk að velja mann leiksins, sérstaklega þegar allt liðið er að leika vel. Auðvitað skoruðu Rafael og Giggs mörk leiksins en vörnin og markvarslan var freka solid í dag líka. Ætla að vera djarfur og Nani. Veit að það eru ekki margir endilega sammála þessu en ég vel hann í hvatningarskyni. Veitir ekki af að hann fái smá sjálfstraust.

Nokkur tíst:

fyrir dömurnar:

 

 

Reader Interactions

Athugasemdir

  1. 1

    olei olei olei olei…. olei olei……. olei olei olei olei….. olei olei HEY HEY jeeeeeeeeeeeeeeeeeeeeee

    NENIÐI AÐ LIKEA ÞETTA KOMMENT ER I KEPPNI!!!! ÁFRAM UNITED, 15 STIG KLASSSSI!!!!!!!!

    0
  2. 2

    Núna getum við farið að hugsa um aðrar keppnir og ekki alltaf að keyra á sterkasta liðinu í deildinni. Hingað til hef ég aldrei viljað sjá okkur hvíla menn í deildinni fyrir Meistaradeildina eða bikarinn, núna er það allt í lagi :)

    Við tökum þrennuna núna :)

    0
  4. 4

    Hvenær á svo að fara að losa sig við þetta gagnslausa barn sem Welbeck er, ég sæi ekki mikið eftir því ef hann færi frítt til norður kóreu

    0
  5. 5

    Við losum okkur við hann þegar við hættum að hafa trú á ungu og efnilegu leikmönnunum liðsins, sem vonandi gerist aldrei. Mér fannst hann satt að segja eiga ágætis leik þrátt fyrir að hafa klúðrað soldið færunum sem hann fékk. Þolinmæði er málið.

    0
  7. 7

    það má vel vera að það sé orðið þreitt að krítisera welbeck en hanns tölfræði á ekki heima hjá United, maðurinn virkar stundum eins og hann sé einfaldlega hræddur við að skjóta boltanum að markinu. Persónulega held ég að macheda myndi virka betur með United, getum þá lánað welbeck þar til að það sé eitthvað varið í hann

    0
  8. 8

    Èg verd fagna ekki fyrr en tad er stærdfrædilega ómogulegt ad ná okkur, man enn eftir sídasta tímabili.
    Glæsilegt mark hjá Rafael, vill líka gefa Welbeck næsta tímabil til ad verda betri í tví ad klára færin, algjor flækjufótur enntá allavega. En vissulega er tilefni til bjartsyni :)

    0
  9. 9

    Maður er alls ekki að neita því að drengurinn hefur átt frekar dapurt tímabil en málið er að hann er svakalegt efni og aðeins tuttugu og tveggja ára gamall. Hann er svo frábær fótboltamaður tæknilega séð og tel ég að það sé bara sjálfstraust vandamál í gangi hjá honum ásamt því að vera kornungur að spila í einni bestu (ef ekki bestu) deild heims fyrir besta lið heims (Yeah, I said it).

    Mér finnst persónulega frábært að sjá hversu fjölbreytta framlínu United hefur upp á að bjóða. Allir leikmennirnir bjóða upp á eitthvað nýtt og öðruvísi og geta t.d. Welbeck og Rooney spilað fleiri en eina stöðu sem er gríðarlega mikilvægt. Þess vegna segi ég að það þarf að vera þolinmóður með þessa ungu drengi (sama og t.d. De Gea, Evans, Rafael, Fabio, Cleverley….) og oftar en ekki munu þeir blómstra fyrir liðið.

    0
  11. 11

    Welbeck er frábær, hann spilar vel með liðinu og gefst aldrei upp, hann á eftir að vera frábær hjá okkur.
    Hinsvegar skil ég ekki hvað Young hefur gert til að komast í byrjunarliðið, ég hef ekki séð hann gera neitt til þess :P

    0
  12. 12

    Hef ávallt verið mikill anti-Welbeck maður en hann hefur verið að vaxa virkilega á mig á þessu tímabili. Í stórum leikjum nýtist hann virkilega vel því hann er duglegasti sóknarmaður liðsins og var t.d. besti maður United á móti Madrid. Ég trúi ekki að ég sé að segja þetta en ég hef tröllatrú á honum.

    0
  14. 14

    ég misti af leiknum og þetta er fyrsti leikurinn sem ég misti af… pls gefið mér góða skírslu hvernig nani stóð sig í leiknum því ég veit að þessi leikmaður er einn besti í heimi á eðlilegum dögum og ég fer að gráta ef hann fer… hins vegar búinn að vera slakur á þessu tímabili( reyndar eins og allir okkar kantmenn) miðað við hans getu en hann er samt með betri tölfræði en valencia og young. langar að vita hvort hann hafi staðið sig vel eða ekki því ég dýrka þennan leikmann þegar hann á góða daga en hata hann þegar hann á slæma daga.
    ps. er það slæmt þegar maður fær svitaköst bara við það að vita það að united leikur sé í gangi og maður veit af því að maður er að missa af honum??

    0
  16. 16

    svakalega hefur okkur saknað nani í vetur hann er miklu meiri ógn heldur en young og valencia

    0
  17. 17

    ooooohh á að byrja að drulla yfir Welbeck núna? Er verið að meina gæjann sem var bestur af útivallarleikmönnunum á móti Madrid? Eigum við ekki bara að losa okkur við hann eins og við hefðum átt að losa okkur við Fletcher, Rafael, Carrick, Valencia, De Gea, Brown, Park, ofl? Ef þið sjáið ekki hæfileika í Welbeck eruð þið á vitlausum stað hvað varðar fótbolta. Ég vil benda ykkur á að reyna að finna youtube myndbönd af Tierry Henry þegar hann var 17-23 ára hjá Monaco og Juve með 23 mörk í 121 leik og var stöðugt gagnrýndur fyrir að geta ekki skorað mörk úr auðveldum færum. Ég er að brjálast yfir þessu; það er búið að taka 5 titla og sjö ár fyrir Carrick að fá nafnið sitt sungið af virðingu, vegna þess að það er einhverjir gimpar sem halda að þeir viti betur en SAF hvernig á að stilla upp liðinu. Welbeck: skorar ekki nóg núna, en trúið mér að þegar það byrjar, þá munu mörkin flæða. Góður á boltanum, leikskilningur góður, vinnur vel fyrir liðið, stór, sterkur, enskur, fljótur, góður liðsmaður, tuttugu og tveggja ára! Við erum með 15 stiga forystu í deildinni, og þið leyfið ykkur að setja út á einhverja hjá okkur, þá eruð þið einfaldlega of góðu vanir, þetta mun ekki alltaf vera svona.

    0
  18. 18

    Það var kominn tími á að syngja almennilega um Carrick (Uppsafnaður stigamunur á United og efsta liði síðan hann kom til United: 1 (einn) ) og lagið er alveg frábært.

    Hér er orginallinn, bara svo að fleiri en ég verði með þetta á heilanum í allan dag

    http://www.youtube.com/watch?v=4iiryJwvDtc

    Og svo tek ég undir allt það sem ellioman@9 og siggi@17 sögðu um Danny #TeamWelbeck

    Að lokum, vona að QPR falli og eftir bullið undanfarið að ljóst það gæti endaði í frjálsu falli niður deildir. En eftir lokadaginn í fyrra græt ég það nákvæmlega ekki neitt.

    0
  19. 19

    haha, var að hlusta á original lagið frá þér Bjössi. Það er bara ómögulegt að hlusta á það án þess að raula textann um Carrick þegar viðlagið kemur :)

    0
  21. 21

    McNissi: Hann sótti mjög vafasama vítaspyrnu gegn qpr í fyrra sem kostaði þá einnig rautt spjald ef ég man rétt.

    0
  22. 22

    Jæja þá eru 11 umferðir eftir og 12 stig skilja að efstu tvö liðin. Það verður farið í alla þessa leiki eins og um úrslitaleik er að ræða því að þetta er algjörlega í okkar höndum. Er virkilega sár út í eins reyndan leikmann og Frank Lampard í dag að klikka á svona mikilvægu mómenti. Ef hann hefði skorað þá hefðu City aldrei náð nema í besta falli stigi í dag.

    En aðeins að Chelsea:
    Ég vissi svo sem alveg að Roman A. væri enginn mannvitsbrekka, en þessi ráðning á Benitez er með þeim slakari sem hafa verið teknar í sögu PL. Honum tekst á einhvern hátt að gera þennan leikmannahóp að miðlungsliði.
    Með menn eins og BA,Torres,Mata,Hazard,Oscar og fleiri góða fram á við, þá er sóknarleikur þeirra svo hugmyndasnauður og lélegur að maður á ekki til orð. Alltaf í þessu 4-5-1 leikkerfi sem að virkaði einu sinni í CL með ævintýranlegum hætti árið 2005.
    Það hefur margsannað sig á tímabilinu að þegar keppt er gegn liði eins og City þá þarf maður að pressa þá hátt uppi og sækja til sigurs, og ég tala nú ekki um þegar þeir eru með Kolo Toure og Nastasic í miðverðunum (með „fullri“ virðingu fyrir þeim tveimur).
    Spái því að hann verði látinn taka poka sinn eftir tímabilið, annað væri einfaldlega hneisa.

    AND THAT IS A FACT #BENITEZ.

    0
  23. 23

    Trúi varla að menn séu að setja út á Welbeck sem að hefur verið frábær á þessu tímabili að mínu mati og ég sem að hef ekki haft mikla trú á leikmanninum í gegnum tíðina… Og að segja að Macheda myndi henta betur heldur en Welbeck fær mig bara til að trúa að sá einstaklingur sem að heldur því fram sé bara ekki united maður :o

    0
  25. 25

    Það að vera United maður er ekkert samasemmerki á það að hafa hundsvit á fótbolta!

    0
  26. 26

    @Hanni

    Það að þú hafir aðgang að tölvu er ekki samasemmerki á að þú eigir að tjá þig hérna.

    0

Skildu eftir svar

Netfang þitt verður ekki birt. Nauðsynlegir reitir eru merktir *